Bank of America مۇناي باعاسىنىڭ 2025 جىلى ورتاشا ەسەپپەن 65 دوللارعا دەيٸن تٶمەندەيدٸ دەپ بولجايدى. ەكونوميكالىق ٶسٸمٸ مۇناي تابىسىنا بايلانعان قازاقستان ٷشٸن, ەرينە بۇل جاقسى ەمەس, دەپ جازادى Dalanews.kz.
"مۇناي تاپشىلىعى دەگەن بولمايدى, سوندىقتان بٸز 2025 جىلى مۇناي بويىنشا بۇرىنعى پوزيتسييامىزدى ساقتايمىز", - دەيدٸ Bank of America. دەمەك, بۇل 2025 جىلى اقش مۇناي ٶندٸرٸسٸ كٶلەمٸن ارتتىراتىنىن بٸلدٸرەدٸ. بانك ساراپشىلارى دا بۇل رەتتە 2022 جىلعى كەزەڭدٸ ەسكە سالادى. ول كەزدە اقش مۇناي ٶندٸرٸسٸن رەكوردتىق دەڭگەيگە دەيٸن ٶرٸستەتكەن بولاتىن. بٷگٸنگٸ تاڭدا ەلەمدٸك مۇناي ٶندٸرٸسٸندەگٸ اقش-تىڭ ٷلەسٸ 20% قۇرايدى.
جالپى, ٶتكەن جۇماداعى قورىتىندى بويىنشا وپەك+ ەلدەرٸنٸڭ نارىقتاعى جاعدايدى تۇراقتاندىرۋعا سالعان كٷش-جٸگەرٸنە قاراماستان Brent مۇنايىنىڭ بٸر باررەلٸ 71,1 دوللارعا دەيٸن تٶمەندەدٸ (-1,4%). مۇناي ترەيدەرلەرٸنٸڭ نازارى, نەگٸزٸنەن, Baker Hughes كەلتٸرگەن دەرەكتەرگە قادالدى. اقش-تاعى مۇناي جەنە گاز كەنٸشتەرٸن يگەرۋشٸ قوندىرعىلار سانى سەگٸز اپتادا العاش رەت ٶسٸمدٸ كٶرسەتتٸ: 482 (+5) جەنە 102 (+2) دەيٸن, بۇل ەلەمدەگٸ ەڭ ٸرٸ مۇناي ٶندٸرۋشٸ ٶندٸرٸسٸ ٶسٸمٸنٸڭ ۇلعايۋىن تانىتۋى مٷمكٸن.
وسى جاعىنان العاندا, اقش پرەزيدەنتٸ بولىپ قايتا سايلانعان دونالد ترامپتىڭ سايلاۋالدى مەلٸمدەمەسٸ جالاڭ سٶز بولماي شىقتى, ول ەندٸ سول كەزدەگٸ ۋەدەسٸنە شىنداپ جەڭ تٷرە كٸرٸسۋگە دايىن سەكٸلدٸ. ال ول "كەرەك بولسا, مۇناي باعاسىن 40 دوللارعا دەيٸن "قۇلاتامىن" دەگەن بولاتىن. شەتەلدٸك ساراپشىلار دا دونالد ترامپ مۇناي باعاسىن كەم دەگەندە 50 دوللار بولۋىن قالايتىنىن, ول سوعان كٷش سالۋى مٷمكٸن ەكەنٸن اراكٸدٸك ايتىپ قالادى.
ەرينە, ەل ەكونوميكاسىنىڭ ٶسٸمٸ مۇناي تابىسىنا بايلانعان قازاقستان ٷشٸن بۇل جاقسى ەمەس.
مىسالى, Halyk Finance ساراپشىسى نۇرلان قانجانوۆ 2024 جىلعى جالپى ٸشكٸ ٶنٸم كٶرسەتكٸشٸسٸنٸڭ ٶسٸمٸ بىلتىرعى دەڭگەيدەن اسپاق تٷگٸلٸ, ونى قايتالاي دا المايتىنىن بولجاپ وتىرعاندارىن ايتادى. بۇعان باستى سەبەپ - بيىلعى مۇناي ٶندٸرٸسٸ كٶلەمٸنٸڭ قىسقارۋى.
"بيىل قازاقستاندا مۇناي ٶندٸرٸسٸ كٶلەمٸنٸڭ تٶمەندەۋٸ 2024 جىلدىڭ سوڭىنا قاراي جٸٶ ٶسۋ قارقىنىنىڭ ودان ەرٸ باياۋلاۋىنا ەكەلٸپ سوعۋى مٷمكٸن. ياعني, ٶتكەن جىلدىڭ كٶرسەتكٸشٸن يگەرە الماي قالۋ قاۋپٸ بار. 2024 جىلدىڭ العاشقى 10 ايىنىڭ قورىتىندىسى بويىنشا تاۋ-كەن ٶندٸرٸسٸ سەكتورىنداعى ٶسٸم نەبەرٸ 0,3%-دى قۇرادى. بٸزدٸڭ بولجامدارىمىزعا سەيكەس, IV-توقساندا بۇل كٶرسەتكٸشتٸڭ جىلدىق مەندە 1%-دان اسپايدى, بۇل 2023 جىلمەن سالىستىرعاندا مۇناي ٶندٸرٸسٸ كٶلەمٸنٸڭ قىسقارۋىنا بايلانىستى. ەكونوميكانىڭ باسقا سەكتورلارىندا, ەسٸرەسە قازٸر قارقىندى دامىپ كەلە جاتقان ساۋدا-ساتتىق سالاسىندا اعىمداعى ٶسۋ مەندەرٸ ساقتالعان جاعدايدا دا, 2024 جىلى جٸٶ-نٸڭ جالپى ٶسٸمٸ ٶتكەن جىلعى دەڭگەيدەن ايتارلىقتاي تٶمەن بولادى دەپ كٷتٸلەدٸ. بٸز اعىمداعى جىلى 4%-دىق ەكونوميكانىڭ جوعارى ٶسٸمٸ بولادى دەپ كٷتپەيمٸز, 2024 جىلدىڭ سوڭىنداعى بولجامىمىز 3,9% دەڭگەيٸندە قالا بەرەدٸ", - دەيدٸ ول.
ونىڭ ٷستٸنە ٷكٸمەت ٶتكەندە قۇلدىراپ, قايتا بويىن تٸكتەي باستاعان تەڭگەمٸزدٸڭ بۇنداي كٷيگە تٷسۋٸنٸڭ ٷش سەبەبٸن اتاعان بولاتىن. سونىڭ بٸرٸ مۇناي باعاسىنىڭ تٶمەندەۋٸ بولعانىن ەسكە سالا كەتەلٸك.
ٷكٸمەت 2025 جىلعى بيۋدجەت جوسپارىندا مۇنايدىڭ بٸر باررەلٸ وپەك+ بەكٸتكەن 75 دوللارعا سٷيەنەدٸ, ال پەسسيميستٸك جوسپارىندا بۇل كٶرسەتكٸش 60 دوللاردى قۇرايتىنىن ايتا كەتەلٸك. قارجىگەر بولات جەمٸشەۆ پەسسيميستٸك جوسپاردىڭ كٷنٸ تۋعان جاعدايدا, ياعني ەكسپورتتىق تاۋارلاردىڭ باعاسى تٶمەندەگەندە بيۋدجەتتٸ شورت كەسۋگە تۋرا كەلەتٸنٸن, وندايدا قاراپايىم حالىققا قيىن بولاتىنىن ايتقان ەدٸ.
