الماتى وبلىسىندا بالقاش كٶلٸنەن 260 كەلٸدەن استام بالىقتى زاڭسىز اۋلاعان براكونەرلەرگە قاتىستى سوت ٷكٸمٸ شىقتى, دەپ حابارلايدى dalanews.kz.
بالقاش اۋداندىق سوتىنىڭ مەلٸمەتٸنشە, سوتتالۋشى ت. كٸنەلٸ دەپ تانىلىپ, وعان ٷش جىل مەرزٸمگە باس بوستاندىعىن شەكتەۋ جازاسى تاعايىندالدى. سونداي-اق ول ٷش جىل بويى بالىق اۋلاۋ قىزمەتٸمەن اينالىسۋ قۇقىعىنان ايىرىلىپ, پروباتسييالىق باقىلاۋعا الىندى جەنە جىل سايىن 100 ساعات مەجبٷرلٸ ەڭبەككە تارتىلاتىن بولدى. مەملەكەتكە كەلتٸرٸلگەن شىعىننىڭ قالعان بٶلٸگٸ تولىق ٶندٸرٸلدٸ.
ٸس بويىنشا ەكٸنشٸ ايىپتالۋشى پ. قۇقىق بۇزۋشىلىق جاساعان كەزدە پسيحيكالىق جاعدايىنا بايلانىستى ەسٸ دۇرىس ەمەس دەپ تانىلعان. وسىعان بايلانىستى ول قىلمىستىق كودەكستٸڭ 16 جەنە 75-باپتارى نەگٸزٸندە قىلمىستىق جاۋاپتىلىقتان بوساتىلدى. سوت وعان تۇرعىلىقتى جەرٸ بويىنشا دەرٸگەردٸڭ امبۋلاتورييالىق باقىلاۋى مەن ەم قابىلداۋدى تاعايىندادى.
سوت دەرەگٸنشە, قىلمىستىق ٸس قىلمىستىق كودەكستٸڭ 335-بابى 3-بٶلٸگٸ 4 جەنە 5-تارماقتارى بويىنشا قارالعان.
2025 جىلعى 30 قازاندا «براكونەر» جەدەل-پروفيلاكتيكالىق ٸس-شاراسى بارىسىندا پوليتسييا مەن بالىق ينسپەكتسيياسىنىڭ قىزمەتكەرلەرٸ بالقاش كٶلٸندە ەكٸ ازاماتتى ۇستاعان.
ولار «Yamaha-40» قوزعالتقىشى ورناتىلعان قايىق پەن ۇزىندىعى 500 مەتر سينتەتيكالىق اۋلاردى پايدالانىپ, 261 كەلٸ بالىقتى زاڭسىز اۋلاعان. نەتيجەسٸندە مەملەكەتكە 1 277 506 تەڭگە كٶلەمٸندە زالال كەلتٸرٸلگەن.
سوت جازا تاعايىنداۋ كەزٸندە ايىپتالۋشىنىڭ كٸنەسٸن تولىق مويىنداۋىن, شىن ٶكٸنۋٸن جەنە مەملەكەتكە كەلتٸرٸلگەن 890 مىڭ تەڭگە شىعىندى ەرٸكتٸ تٷردە ٶتەۋٸن جەڭٸلدەتەتٸن مەن-جاي رەتٸندە ەسكەردٸ.
ٷكٸم زاڭدى كٷشٸنە ەندٸ.
