جۋرناليست دياس نۇراقىن الماتىداعى كوپبالالى وتباسىلارعا ارنالعان بالاباقشا جەڭىلدىگىنىڭ توقتاتىلۋىن سىنعا الدى، دەپ حابارلايدى Dalanews.kz.

ونىڭ ايتۋىنشا، بۇعان دەيىن قالادا بارلىق مەملەكەتتىك بالاباقشالاردا كوپبالالى وتباسىلاردىڭ بالالارى تەگىن بارعان. بۇل شىعىندى قالا بيۋدجەتى كوتەرىپ، الەۋمەتتىك قولداۋ رەتىندە جۇزەگە اسقان.

الايدا 1 قاڭتاردان باستاپ بۇل جەڭىلدىك جويىلعان. نۇراقىن مۇنى جاڭا اكىم دارحان ساتىبالدىنىڭ «ۇنەمدەۋ ساياساتى» دەپ باعالايدى.

«الماتى اكىمدىگى بيىل بيۋدجەتتەن ءبىر تيىن بولمەدى. ەسەسىنە بالالاردان ۇنەمدەگەن اقشانىڭ ورنىنا پوليسەيلەر 200 ملن تەڭگەلىك Gelik ءمىنىپ ءجۇر، ال توتەنشە جاعدايلار دەپارتامەنتى 150 ملن تەڭگە تۇراتىن Tesla Cybertruck الدى»، – دەپ جازدى ول.

ءجۋرناليستىڭ ايتۋىنشا، بۇل شەشىم كوپتەگەن وتباسى ءۇشىن اۋىر تيگەن. ويتكەنى بىرنەشە جىلدان بەرى بالاباقشاعا تەگىن ۇيرەنىپ قالعان اتا-انالار ەندى كۇتپەگەن شىعىنعا تاپ بولعان.

نۇراقىن قالا بيۋدجەتى بالالاردان جينالعان قارجى ەسەبىنەن ءوسىپ، ناقتى دامۋعا جۇمسالسا، قوعام ونى تۇسىنەر ەدى دەيدى. ءبىراق قىمبات كولىكتەرگە كەتكەن شىعىن الەۋمەتتىك ادىلەتسىزدىك سەزىمىن كۇشەيتىپ وتىر دەپ ەسەپتەيدى.