– «قوعامدىق باقىلاۋ تۋرالى» زاڭ جوباسىنىڭ ماقساتى جالپى قوعامدىق باقىلاۋ جۇيەسىنىڭ قۇقىقتىق نەگىزىن قۇرۋ بولۋى ءتيىس دەگەن ورتاق پىكىرگە كەلدىك. ول ءۇشىن ءبىرقاتار ءادىس ۇسىنىلىپ وتىر. ۇعىمدىق اپپاراتتى انىقتاۋ. اتاپ ايتقاندا، قوعامدىق باقىلاۋ، قوعامدىق باقىلاۋ وبەكتىلەرى مەن سۋبەكتىلەرى، قوعامدىق باقىلاۋ نىساندارى، قوعامدىق باقىلاۋدى جۇزەگە اسىرۋ كەزىندەگى مۇددەلەر قاقتىعىسى جانە قوعامدىق باقىلاۋ ناتيجەلەرى بويىنشا ۇسىنىمدار ۇعىمدارى ايقىندالاتىن بولادى، – دەدى بالايەۆا.
مينيستر اتاپ وتكەندەي، بۇل رەتتە نىساندى مەملەكەتتىك ورگانداردى، جەرگىلىكتى مەملەكەتتىك باسقارۋ ورگاندارىن، كۆازيمەملەكەتتىك سەكتور سۋبەكتىلەرىن ايقىنداۋ ۇسىنىلادى.
– سۋبەكتىلەر-كورپوراتيۆتىك قورلاردى قوسپاعاندا، وزدەرىنىڭ جارعىلارىنا سايكەس قوعامدىق باقىلاۋدى جۇزەگە اسىراتىن جانە ۇەۇ دەرەكقورىنا ەنگىزىلگەن كوممەرسيالىق ەمەس ۇيىمدار، – دەدى ايدا بالايەۆا.
جيىندا مينيستر ماقسات پەن ۇستانىمداردى انىقتاۋ قاجەتتىلىگى تۋرالى دا ايتتى. بۇل رەتتە ادامنىڭ جانە ازاماتتىڭ كونستيتۋسيالىق قۇقىقتارىن، بوستاندىقتارى مەن زاڭدى مۇددەلەرىن ساقتاۋ؛ جاريالىلىق، اشىقتىق، زاڭدىلىق قوعامدىق باقىلاۋدى جۇزەگە اسىرۋ كەزىندە قاتىسۋ ەرىكتىلىگى؛ قوعامدىق باقىلاۋ جۇرگىزۋ كەزىندە قوعامدىق باقىلاۋ وبەكتىلەرىنىڭ، سۋبەكتىلەرىنىڭ دە زاڭسىز ارالاسۋىنا جول بەرمەۋ؛ قوعامدىق باقىلاۋ سۋبەكتىلەرىنىڭ تاۋەلسىزدىگى، وبەكتيۆتىلىگى كەڭىنەن ءسوز بولدى.
– سۋبەكتىلەر مەن وبەكتىلەردىڭ قۇقىقتارى مەن مىندەتتەرىن انىقتاۋ. ماسەلەن، قوعامدىق باقىلاۋ سۋبەكتىلەرى ساراپشىلاردى تارتۋعا، ساراپتامالىق كوميسسيالار مەن قوعامدىق مونيتورينگ توپتارىن قۇرۋعا، سونداي-اق اقپارات سۇراتۋعا، دىبىس-بەينە جازۋ تەحنيكاسى قۇرالدارىن پايدالانۋعا، بەينە جانە سۋرەتكە تۇسىرۋگە، سونداي-اق قوعامدىق باقىلاۋ وبەكتىلەرىنىڭ ارەكەتتەرىنە نەمەسە ارەكەتسىزدىگىنە شاعىمدانۋعا قۇقىلى بولادى، – دەدى ايدا بالايەۆا.
بۇگىندە قوعامدىق باقىلاۋدى جۇزەگە اسىرۋ ءۇشىن نەگىزدەردى بەلگىلەۋ، ونى جۇرگىزۋ ءتارتىبى جانە ۇسىنىمداردى قاراۋ ءتارتىبىنىڭ نەگىزىن قالىپتاستىرۋ دا ماڭىزدى. بۇل دايىندا مينيسر:
– مىسالى، كەۇ-نىڭ جەكە باستاماسى، ازاماتتاردىڭ نەمەسە ۇيىمداردىڭ نەمەسە وبەكتىنىڭ ءوزى قوعامدىق باقىلاۋ وبەكتىسىنە بارماي-اق قوعامدىق مونيتورينگ جۇرگىزۋگە نەگىز بولا الادى. مونيتورينگ قورىتىندىلارى بويىنشا قوعامدىق باقىلاۋ سۋبەكتىسى ءتيىستى قوعامدىق كەڭەسكە نەمەسە قوعامدىق باقىلاۋ وبەكتىسىنە ۇسىنىمدار جىبەرە الادى. قوعامدىق تىڭداۋلار سياقتى قوعامدىق باقىلاۋدىڭ مۇنداي نىسانىن بارلىق ازامات ءۇشىن اشىق ەتۋ جانە كەز كەلگەن ازاماتقا قوعامدىق تىڭداۋ تاقىرىبى بويىنشا ۇسىنىستار ايتۋ مۇمكىندىگى ۇسىنىلادى، – دەدى.
بالايەۆا الماتىعا جاساعان ساپارىنىڭ باستى ماقساتى بىلىكتى ساراپتامالىق پىكىردى تىڭداۋ ەكەنىن ايتتى.
– پرەزيدەنت قول قويماعان كەز كەلگەن زاڭ جوباسى ءتيىستى وزگەرىستەرگە قۇقىلى ەكەنى تۇسىنىكتى. سوندىقتان بۇگىنگى ساپارىمنىڭ باستى ماقساتى – بىلىكتى ساراپتامالىق پىكىردى تىڭداۋ. قوعامدىق قاتىناستار ماسەلەلەرىندە سىزدە جەتكىلىكتى تاجىريبە بار ەكەنىنە سەنىمدىمىن، – دەدى مينيستر قاتىسۋشىلارعا.
