ءىس-شاراعا تۇركىستان وبلىسى بويىنشا 1000-نان استام ادام قاتىستى. ولاردىڭ اراسىندا اتا-انالار قاۋىمداستىعىنىڭ وكىلدەرى، ءبىلىم بەرۋ ۇيىمدارىنىڭ باسشىلارى، تاربيە سالاسى بويىنشا ماماندارى، ۇكىمەتتىك ەمەس ۇيىمداردىڭ، مەملەكەتتىك ورگانداردىڭ، اكەلەر كەڭەستەرىنىڭ/اكەلەر وداقتارىنىڭ وكىلدەرى، جاۋاپتى اكەلىك ءۇشىن قوزعالىستىڭ بەلسەندىلەرى جانە ب ا ق وكىلدەرى بولدى. تۇركىستان قالاسى، اۋدان، قالا اكىمدەرى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيا حاتشىلارى قاتىستى.
اتالعان ءىس شارادا قازىرگى تاڭداعى وزەكتى ماسەلەلەر، جاسوسپىرىمدەر اراسىنداعى ورىن الىپ جاتقان كەلەڭسىز جايتتەر تۋرالى ءسوز قوزعالدى. الدەمدىك تاجىريبەگە سايكەس قازاقستاندا بالالار، ۇيدە، مەكتەپتە جانە باسقا دا قوعامدىق مەكەمەلەردە كۇندەلىكتى قاتىگەزدىكپەن جانە زورلىق-زومبىلىققا ۇشىراپ وتىرادى.
بالالار، ەرەسەكتەر سياقتى نەگىز قالاۋشى قۇقىقتارعا، ياعني، سىيلاۋ، قول تيگىزبەۋ جانە ادامزاتتىڭ ابىرويىن ساقتاۋ قۇقىقتارىنا يە. بالاعا ىلتيپاتپەن، ىزگى تىلەكتەستىكپەن قاراۋ. ونىڭ جاعىمدى قاسيەتتەرىنە سۇيەنۋ، ونىڭ ادامگەرشىلىك كۇيىندە، پوتەنسيالدى مۇمكىندىكتەرىنە سەنۋ سياقتى وتە بيازىلىق دارا قاتىناس قاجەت. بالا تاربيەسى سالعىرتتىققا سەبەپ-سالدار ىزدەۋگە توزبەيدى. ونى جۇرگىزۋ ءۇشىن پەداگوگيكالىق ۇجىمىنىڭ كاسىپتىك بىلگىرلىگى، اتا-انالاردىڭ سانالى كوزقاراسى جانە وسى پرينسيپتەرگە نەگىزدەلگەن مەكتەپ پەن وتباسى اراسىنداعى تىعىز بايلانىسقان وداق، ناتيجەلى جۇمىس قاجەت ەكەندىگى كونفەرەنسيادا تالقىلانىپ، قاتىسۋشىلار ءوز ويلارىمەن پىكىر الماستى.
سونىمەن قاتار 2019 جىلعى 22 قازان كۇنى سايرام اۋدانىندا №20 س.سەيفۋللين اتىنداعى مەكتەپ-گيمنازياسىنىڭ بازاسىندا «جاسوسپىرىمدەر اراسىندا زورلىق-زومبىلىقتىڭ، ەرتە جۇكتىلىكتىڭ، اۋتودەسترۋكتيۆتى مىنەز-قۇلىقتىڭ الدىن الۋ جانە رەپرودۋكتيۆتى دەنساۋلىقتى ساقتاۋ» تاقىرىبىندا اقپاراتتتىق وقىتۋ سەمينارى بولىپ ءوتتى. سەمينار بارىسىندا ايەلدەر مەن قىزدارعا قاتىستى ەرتە نەكە مەن زورلىق-زومبىلىقتى بولدىرماۋ بويىنشا جوبانى ىسكە اسىرۋ اياسىندا، اعارتۋ جانە ناسيحاتتاۋ ناۋقاندارىنا ەرلەر مەن ۇلداردى تارتۋ ارقىلى جاۋاپتى اكەلىكتى گەندەرلىك تەڭدىك ارقىلى، جاسوسپىرىمدەر اراسىنداعى سۋيسيد پەن بۋللينگتىڭ،زورلىق-زومبىلىقتىڭ جانە ەرتە نەكەلەردىڭ الدىن الۋ ماسەلەلەرى بويىنشا ترەنينگتەر جۇرگىزىلدى.
سول سياقتى اۋدان، قالانىڭ وزگە دە مەكتەپتەرىندە ءدال وسىنداي شارالار وتكىزىلۋدە. مۇنداي ءىس-شارالاردىڭ بالالارعا تاعلىمدىق تاربيەسى مول، ناتيجەلى جۇمىس بولاتىنىنا ۇلەسى بارى انىق.
