الەۋمەتتىك جەلىلەر مەن مەسسەندجەرلەردە بالا 1،5 جاسقا تولعاننان كەيىن ايەل جۇمىسسىزدىق بويىنشا الەۋمەتتىك تولەم راسىمدەي الاتىنى تۋرالى جالعان اقپارات تاراپ جاتىر، دەپ حابارلايدى Dalanews.kz.
ەڭبەك جانە حالىقتى الەۋمەتتىك قورعاۋ مينيسترلىگى مالىمەتىنشە، مۇنداي حابارلامالاردىڭ اۆتورلارى ازاماتتارعا التى اي بويى تولەم الۋ ءۇشىن مانساپ ورتالىعىندا جۇمىسسىز رەتىندە تىركەلۋدى ۇسىنادى.
"بۇل سحەمانىڭ زاڭدى نەگىزى جوق جانە ول ازاماتتاردى جاڭىلىستىرادى. قولدانىستاعى زاڭناماعا سايكەس بالا كۇتىمى بويىنشا دەمالىستا وتىرعان ايەلدىڭ جۇمىس ورنى ساقتالادى، سوندىقتان ول جۇمىسسىز دەپ تانىلمايدى. جۇمىسسىز مارتەبەسى تەك ناقتى جۇمىس ىزدەپ جۇرگەن جانە جۇمىسقا كىرىسۋگە دايىن ادامدارعا بەرىلەدى"، - دەپ جازىلعان حابارلامادا.
مينيسترلىك الەۋمەتتىك تولەم الۋ ماقساتىندا ادەيى جالعان مالىمەت بەرۋ الاياقتىق رەتىندە باعالانۋى مۇمكىن ەكەنىن ەسكەرتتى.
2025 جىلى ەلىمىزدىڭ 12 وڭىرىندە الاياقتىق بويىنشا 30-دان اسا قىلمىستىق ءىس قوزعالعان. بەس وڭىردە 7 سوت ۇكىمى شىعارىلعان. تەرگەۋ بارىسىندا ازاماتتار الەۋمەتتىك جەلىلەردەگى (سونىڭ ىشىندە Instagram-داعى) جارنامالارعا سەنىپ، الەۋمەتتىك تولەمدى زاڭسىز الۋ سحەمالارىنا تارتىلعانى انىقتالعان.
مينيسترلىك جالعان اقپاراتقا سەنبەۋگە شاقىردى.
