Áleýmettik jeliler men messendjerlerde bala 1,5 jasqa tolǵannan keiin áiel jumyssyzdyq boiynsha áleýmettik tólem rásimdei alatyny týraly jalǵan aqparat tarap jatyr, dep habarlaidy Dalanews.kz.
Eńbek jáne halyqty áleýmettik qorǵaý ministrligi málimetinshe, mundai habarlamalardyń avtorlary azamattarǵa alty ai boiy tólem alý úshin mansap ortalyǵynda jumyssyz retinde tirkelýdi usynady.
"Bul shemanyń zańdy negizi joq jáne ol azamattardy jańylystyrady. Qoldanystaǵy zańnamaǵa sáikes bala kútimi boiynsha demalysta otyrǵan áieldiń jumys orny saqtalady, sondyqtan ol jumyssyz dep tanylmaidy. Jumyssyz mártebesi tek naqty jumys izdep júrgen jáne jumysqa kirisýge daiyn adamdarǵa beriledi", - dep jazylǵan habarlamada.
Ministrlik áleýmettik tólem alý maqsatynda ádeii jalǵan málimet berý alaiaqtyq retinde baǵalanýy múmkin ekenin eskertti.
2025 jyly elimizdiń 12 óńirinde alaiaqtyq boiynsha 30-dan asa qylmystyq is qozǵalǵan. Bes óńirde 7 sot úkimi shyǵarylǵan. Tergeý barysynda azamattar áleýmettik jelilerdegi (sonyń ishinde Instagram-daǵy) jarnamalarǵa senip, áleýmettik tólemdi zańsyz alý shemalaryna tartylǵany anyqtalǵan.
Ministrlik jalǵan aqparatqa senbeýge shaqyrdy.
