بەلگىلى ساياساتتانۋشى، تاريحشى ءازىمباي عالي ءوزىنىڭ فەيسبۋكتەگى پاراقشاسىندا اقتوبەدەگى وقيعالارعا بايلانىستى «ۆ كونتاكتە» الەۋمەتتىك جەلىسىن جابۋدى نەمەسە شەكتەۋدى ۇسىنعان ساياساتتانۋشى ەرلان قارينگە قارسى پىكىر ءبىلدىرىپ، «مۇنداي قادام قازاقستاننىڭ يميدجىنە كەرى» اسەر ەتەدى دەپ، سىنعا الدى. ساياساتتانۋشىنىڭ پىكىرنشە، بيلىكتەگى شەنەۋنىك-يدەولوگتاردىڭ ودان باسقا دا اينالىسار شارۋاسى جەتكىلىكتى. تومەندە سول شاعىن جازباسىن ۇسىنىپ وتىرمىز. الداعى ۋاقىتتا بۇل ماسەلەگە قاتىستى ارنايى سۇحبات ۇيىمداستىرۋ ويىمىزدا بار.   

وقىدى، وزىق دەگەن قازاعىم سەن بولساڭ، وندا قاتارداعى پولكوۆنيكتەر نە ىستەمەك؟ ەلىمىزدى جابىق مەملەكەتتەر قاتارىنا ەڭگىزبەكسىڭ عوي؟ قازاقستاننىڭ ءيميدجىن ابدەن بۇزباقسىڭ عوي؟

«ۆ كونتاكتە» ينتەرنەت جەلىسى - قازاقتى جەك كورىپ، ەلىمىزدى جاماندايدى ەكەن دەپ جاباردىڭ الدىندا ءبىزدىڭ الدىمىزدان وتكەندەيسىڭ. قازاقستاندىق باسپاسوزگە يە ەمەسپىز.قازاقستاندا مەملەكەتتىك ءتىل جەردە جاتىر، وعان بيلىكتەن اراشا بولعان لاۋازىمدى قازاق كورمەدىم. كەرىسىنشە، قازاقشا سويلەگەنگە پروكۋراتۋرانى ايتاقتاۋ بيلىكتىڭ ءىسى بولىپ تۇر. «ءۇش تۇعىرلى» ءتىلدى ەڭگىزبەك بولىپ ارەكەت جاساپ جاتقاندا قايدا بولدىڭ؟ قازاقستاندىق ۇلت كونسەپسياسىن شىعارعان سەن ەمەس پە ەدىڭ؟ تاعى دا باسقا قازاقتىڭ رۋحىنا قارسى دۇنيەلەردى سەن ىستەيتىن قابىرعالاردا دايىندامادى ما؟

ءازىمباي عالي