جامبىل وبلىسىندا ادەپ جونىندەگى كەڭەستىڭ وتىرىسىندا جەرگىلىكتى كاسىپكەرلەردىڭ بىرىمەن تەلەفون ارقىلى سويلەسكەن مەركە اۋدانى اكىمىنىڭ ورىنباسارى ميرجان سۇلەيمەنوۆتىڭ ءىسى قارالدى، دەپ حابارلايدى Dalanews.kz جامبىل وبلىسى اكىمىنىڭ باسپا ءسوز قىزمەتىنە سىلتەمە جاساپ.
ول جەرگىلىكتى كاسىپكەرمەن تەلەفون ارقىلى سويلەسكەن سوزىندە اۋدان اكىمى "كرەسلوسىن" ساتىپ الاتىنىن ايتقان.
سۇلەيمەنوۆتىڭ ءوزى بۇل جاي جولداستارى اراسىندا ايتىلعان قالجىڭ ءسوزىم ەدى دەپ اقتالدى.
ادەپ جونىندەگى كەڭەس شەندىنى قىزمەتىنەن تومەندەتۋدى ۇسىندى. وبلىس اكىمى اسقار مىرزاحمەتوۆتىڭ تاپسىرماسى بويىنشا سىبايلاس جەمقورلىق قۇقىق بۇزۋشىلىقتارىنىڭ الدىن الۋ شاراسى ماقساتىندا سۇلەيمەنوۆ قىزمەتىنەن بوساتىلدى، دەپ حابارلادى اكىمدىكتەگىلەر.
سۇلەيمەنوۆتىڭ تەلەفونىن جەمقورلىق ءىسىن تەكسەرىپ جاتقان قاۋىپسىزدىك قىزمەتى تىڭداعان. ولار ونىڭ اكىم كرەسلوسى تۋرالى ءسوزىن جازىپ العان. مەملەكەتتىك قىزمەتكەر اقشاسى ىسىراپ بولماي ما دەپ قوبالجيدى. ونشا باي ەمەس اگرارلى وڭىرگە وسىنشا اقشانى (50 مىڭ دوللار) شاشۋعا تۇرا ما دەپ سالادى ول. كەيىننەن شەندىنىڭ وڭىردەگى بەلگىلى ءبىر كاسىپكەرمەن سويلەسكەنى بەلگىلى بولدى.
