قازاقستاندا مۇراعا قالعان ٷيگە قاتىستى بٸرنەشە جىلعا سوزىلعان داۋعا كاسساتسييالىق سوت نٷكتە قويدى. ٸستە اعاسىن ٶلتٸرگەنٸ ٷشٸن سوتتالعان ادامنىڭ ەيەلٸ مەن ۇلى داۋلى ٷيگە قۇقىق تالاپ ەتكەن, دەپ حابارلايدى dalanews.kz.
دەرەككٶز مەلٸمەتٸنشە, بارلىعى 2007 جىلى باستالعان. ەجەي ٶزٸنە تيەسٸلٸ بارلىق مٷلكٸن ۇلىنا ٶسيەت ەتٸپ قالدىرعان. 2010 جىلى ەجەي قايتىس بولعان سوڭ, ۇلى سول ٷيدە تۇرا بەرگەن. الايدا ول مۇرانى نوتاريۋس ارقىلى ٶز اتىنا رەسٸمدەپ ٷلگەرمەگەن. 2013 جىلى ەر ادام دا قايتىس بولعان.
ونىڭ جيەنٸ ٷي اعاسىنا زاڭدى تٷردە مۇراعا قالعان دەپ ويلاپ جٷرگەن. تەك 2023 جىلدىڭ جەلتوقسانىندا ٷيگە قاتىستى باسقا سوت ٸسٸ قارالىپ جاتقاندا, مۇرانىڭ كەزٸندە رەسمي رەسٸمدەلمەگەنٸن بٸلگەن.
وسىدان كەيٸن ەيەل ٷيدٸ مۇراعا الۋ ٷشٸن قۇجات جيناۋعا كٸرٸسكەن. سوت ارقىلى ەجەسٸمەن تۋىستىق بايلانىسىن راستاعان جەنە نوتاريۋسقا جٷگٸنگەن. بٸراق مۇرانى قابىلداۋ مەرزٸمٸ ٶتٸپ كەتكەندٸكتەن, نوتاريۋس ونىڭ ٶتٸنٸشٸن قابىلداماعان.
ەيەل سوتقا جٷگٸنٸپ, مۇرانى قابىلداۋ مەرزٸمٸن قالپىنا كەلتٸرۋدٸ سۇراعان. اۋداندىق سوت ونىڭ تالابىن قاناعاتتاندىردى. اپەللياتسييالىق سوت بۇل شەشٸمدٸ بۇزعانىمەن, كەيٸن كاسساتسييالىق سوت اۋداندىق سوتتىڭ العاشقى شەشٸمٸن قايتا كٷشٸنە ەنگٸزدٸ.
كاسساتسييالىق سوت ەيەلدٸڭ ٷيگە قاتىستى جاعدايدى تەك 2023 جىلى بٸلگەنٸن جەنە سودان كەيٸن مۇرانى رەسٸمدەۋ ٷشٸن تيٸستٸ ەرەكەتتەردٸ جاساعانىن ەسكەرگەن.
سونداي-اق سوت ەجەيدٸڭ ۇلى مۇرانى نوتاريۋستا رەسٸمدەمەسە دە, اناسى قايتىس بولعاننان كەيٸن ٷيدە تۇرۋىن جالعاستىرعاندىقتان, مٷلٸكتٸ ٸس جٷزٸندە قابىلداعان دەپ تانىدى.
بۇل شەشٸمگە مارقۇم ەر ادامنىڭ اعاسىن ٶلتٸرگەنٸ ٷشٸن سوتتالعان ادامنىڭ ەيەلٸ مەن ۇلى قارسى شىققان. ولار دا ٷيگە قاتىستى تالاپ قويعان. الايدا كاسساتسييالىق سوت ولاردىڭ بۇل باسپاناعا ٶز بەتٸنشە مۇراگەر رەتٸندە تالاپ قويۋىنا زاڭدى نەگٸز جوق دەگەن قورىتىندىعا كەلدٸ.
