ەيەل تۋرالى ەرلەردٸڭ كٶزقاراسى
جاس جٸگٸت ەيەلگە باسقاشا قاراۋعا بولاتىنىن اڭعارمايدى دا. تاڭداعان قىزدارىنان اناسىنىڭ جاقسارعان كەيٸپٸن كٶرگٸسٸ كەلەدٸ. بۇنى جاقسى كٶرٸپ, ايتقانىن ەكٸ ەتپەي, كٷتٸپ-باپتاپ, وعان قوسا قۇمارىن قاندىرۋعا بارىن سالاتىن ەيەل ٸزدەيدٸ. ونىڭ ويىنشا, ەيەل ەركەكتٸڭ بارلىق ارمانىن جٷزەگە اسىرۋشى. انا مەن ەيەل اراسىنا كٶپ ايىرماشىلىق بار دەپ ويلامايدى.
[caption id="attachment_9761" align="alignleft" width="448"]
مۇنداي جاعدايدى ٷيدە قارىنداسى, ەپكەسٸ بولسا, نەمەسە اناسى مەن ەكەسٸنٸڭ اراسىندا ەرەسەك, ەسەيگەن قارىم-قاتىناس ورناعان بولسا عانا تٷزەۋگە بولادى. سول كەزدە جاس جٸگٸت باسقا تەجٸريبە جيناپ, ەيەلدٸڭ بويىنان تەك انالىق وبرازدى كٶرۋدٸ دوعارادى ەكەن. بٸراق مۇنداي باقىت ەركٸمگە بۇيىرا بەرمەيدٸ.
ەيەلمەن بٸر جاقتى قارىم-قاتىناس دامىعاندىقتان, جاس جٸگٸت باسقاسىن اڭعارا الماي, بٸلمەي ٶسەدٸ. جاقىن تانىستاردان مۇنى بايقاۋعا بولادى. سوڭعى كەزدەرٸ ەرٸنٸڭ ەيەلٸنٸڭ ايتقانىنان شىعا الماۋ سيياقتى كٶرٸنٸس جيٸ قىلاڭ بەرەتٸن بولدى. ونىڭ قاس-قاباعىن باعۋى, كٶڭٸلٸنەن شىقپاي قالام دەگەن ٷرەيمەن ٶمٸر سٷرەتٸن ەركەكتەر بارشىلىق. مۇنداي باعىنىشتىلىق از ۋاقىتتان سوڭ بايقالادى. قارىم-قاتىناس ورنىققاندا ەرٸ ەيەلٸنەن تەز سۋىنادى.
ٶزگە قارىم-قاتىناس تٷرٸن كٶرمەگەن ەر ادام ەيەلٸنە انالىق مٸندەتتٸڭ بەرٸن جٷكتەپ قويادى. ەيەلٸ بۇعان بارلىق جاعدايدى جاساپ وتىرۋ كەرەك دەپ قابىلدايدى. بۇنداي ەركەك تەك قاۋٸپسٸز تىنىشتىقتا ٶمٸرٸن ٶتكٸزگٸسٸ كەلٸپ تۇرادى. تٶمەن تٷسٸپ, ەيەلٸنٸڭ ايتقانىن ٸستەگەندٸ دۇرىس دەپ ويلايدى. ەيەلٸن باس بولۋعا ٶزٸ جەتەكتەپ ەكەلەدٸ. بارلىق جاۋاپكەرشٸلٸكتٸ سونىڭ موينىنا ٸلەدٸ. شەشٸمدٸ دە ەيەلٸ قابىلداسىن دەپ, ٶزٸ تايقىپ شىعادى. تەك سىرتىنان باعالاپ وتىرۋدى ەدەت قىلادى.
سٶيتٸپ, نەنٸ قالاسا, سونى الادى. ەيەلٸ بەرٸن بيلەپ-تٶستەيدٸ. بارلىق دٷنيەنٸ ٶزٸ تىندىرادى. شەشٸمدٸ دە كٷيەۋسٸز قابىلدايدى. كٷيەۋٸنە ايتقانىن ٸستەتكٸزەدٸ. ەيەلٸ دە بۇنىڭ بارلىعىن تٷيسٸكپەن جاسايدى. ٶزٸ قالاعاندىقتان ەمەس. باستاپقىدا بۇنداي رەتتٸلٸك كٶڭٸلدەن شىعادى. قارىم-قاتىناستارى جوعارى دەڭگەيدە دامىپ جاتقانداي كٶرٸنەدٸ. بٸراق, سەلدەن ۋاقىتتان سوڭ ەيەل ٶزٸنٸڭ جار ەمەس, انالىق رٶل ويناپ جاتقانىن بايقايدى. ال, كٷيەۋٸ ەركٸندٸگٸنەن ايىرىلىپ, جۇبايىنا سەزٸمٸ سەمٸپ, كٶڭٸلٸ قالىپ, كەلەشەككە دەگەن قورقىنىشپەن ٶمٸر سٷرەدٸ.
بۇدان كەيٸن قارىم-قاتىناس كٷيرەيدٸ. ەيەل دە, ەركەك تە – مۇنىڭ سەبەبٸ نەدە ەكەنٸن تٷسٸنە الماي دال بولادى. ەرتەگٸدەي بولىپ باستالعان ماحاببات قايدا كەتكەنٸن بٸلە الماي قينالادى. تاڭداۋىم دۇرىس ەمەس ەكەن دەپ شەشەدٸ. قوشتاسىپ, جاڭا جۇپ ٸزدەيدٸ. بٸراق, وندا دا وسى جاعداي قايتالانادى.
ەرلەردٸڭ كٶپشٸلٸگٸ ەيەلدٸڭ بويىنان ٶمٸر باقي اناسىنىڭ جىلۋىن ٸزدەپ ٶتەدٸ. ەركەك ٸشكٸ دەربەستٸگٸن جوعالتادى. جان قينالىسىن بٸر ٶزٸ سەزٸنٸپ, اۋىر جٷگٸن ٶزگەگە ٸلمەي, ٶزٸ عانا كٶتەرٸپ, ٶزٸ شەشۋگە تيٸس ەكەندٸگٸن ۇعىنسىن. مۇنى تٷسٸنبەگەن ەر كٸسٸ بار جاۋاپكەرشٸلٸكتٸ تاعى دا ارتىپ قوياتىن ەيەلدٸ ٸزدەيدٸ. بٸراق ٶزٸ بٸلدەي بٸر بانكتٸ باسقارىپ, ياكي ەسكەري شەندٸ بولۋى دا ىقتيمال, الايدا, ٷيگە كەلٸسٸمەن ەيەل-انانىڭ جىلى قۇشاعىن اڭساپ تۇرادى.
وسى ەكٸ مٸندەتتٸ قاتار اتقارۋعا قابٸلەتٸ بار ەيەلدٸ كٶرگەندە شىن عاشىق بولادى. مۇنداي قارىم-قاتىناستىڭ بولاشاعى بار ما? كٶبٸنە از ۋاقىتتان سوڭ ايىرىلىسىپ جاتادى. نەمەسە ەكەۋٸ دە بٸر-بٸرٸن باقىتسىز ەتٸپ تىنادى. تاستاي دا الماي, بٸرگە دە بولا الماي, باقىتسىزدىقتى تاعدىرىم دەپ قابىلدايدى.
بٸردە بٸر ەيەل كٷيەۋٸنە انا بولعىسى كەلمەيدٸ. بٸردە بٸر ەركەك ٶز دەربەستٸگٸن انالىق جىلۋعا ايىرباستاپ باقىت تاپپايدى. ٶزٸن ٶزٸ الداۋى مٷمكٸن. ياكي, سىڭارىن الداپ ٶمٸر سٷرۋٸ. بٸراق اقيقات بەرٸبٸر مەنمۇندالاپ شىعا كەلەدٸ. ناعىز ماحاببات بەرٸ ٶز ورنىندا بولعاندا باياندى بولماق. ٶتٸرٸكتٸ باقىت ساناۋ بٷگٸنگٸنٸڭ كٶپشٸلٸك وتباسىلارىنا تەن قۇبىلىس.
ەيەل مەن ەركەك بۇل تٷيتكٸلدٸ بەتٸمەن قويا سالعاندى عانا بٸلەدٸ. ونىڭ شەشٸمٸن ٸزدەپ, ەۋرە سارساڭعا تٷسپەيدٸ. تاعدىردىڭ جازۋى دەي سالعان جەڭٸل. ەر ەيەلدٸڭ بويىنان انالىق جىلۋ ٸزدەپ, نەگە تاپپايتىنىن بٸلمەي ٶتكەن قانشا ەركەك جٷر. ەسەيۋگە دايىن ەمەستٸگٸن كەمشٸلٸك دەپ تٷسٸنبەيدٸ دە. مۇنىڭ ارتى نەگە اپارىپ سوعارىن اڭدامايدى دا. ٶزٸن ەڭ كەرەكتٸ قاسيەتٸ - ەركٸندٸگٸنەن ايىرادى.
ەرلەر تۋرالى ەيەلدٸڭ كٶزقاراسى
ەر ەيەل ازازماتتىڭ جانىندا ٶزٸن ەلسٸز سەزٸنگٸسٸ كەلەدٸ. دەيتۇرعانمەن, ونى ٶزٸنە باعىندىرعىسى دا كەلەدٸ.
ەيەلدٸڭ ەرلەرگە قارىم-قاتىناسى جٸگٸتتەردٸڭ ەيەلگە قارىم-قاتىناسىنا قاراعاندا باسقاشا داميدى. ەيەلدەر ەكەسٸنٸڭ قاسيەتٸن جٸگٸتٸنەن كٶپ ٸزدەي بەرمەيدٸ. ول اينالاسىنداعى ەيەلدەردٸڭ تاڭداۋى مەن پٸكٸرٸنە كٶبٸرەك قۇلاق اسادى.
[caption id="attachment_9762" align="alignright" width="448"]
ەگەر اناسى كٷيەۋٸن سىيلاپ, سول ارقىلى باقىت-بارقادار تاپسا, وسى جٷيە قىزىنا دا بەرٸلەدٸ. ونىڭ دا كەلەشەكتەگٸ وتباسىلىق قارىم-قاتىناسى دەل وسىلاي جەتٸلمەك. قىزى دا اناسىنداي دانا بولادى. ول ەشقاشان كٷيەۋٸنٸڭ موينىنا وتىرىپ المايدى. مۇنداي قارىم-قاتىناس بٷگٸنگٸ تاڭدا سيرەك جاعداي. مۇنى مويىنداۋ كەرەك. كٶپ جاعدايدا باسقا كٶرٸنٸس جيٸ ۇشىراسادى. قىزدىڭ اناسى مەن اينالاسىنداعى ەيەلدەر قۇليەلەنۋشٸلٸك داعدىنى مەڭگەرٸپ العان. ولار «ەركەك ەيەل ٷشٸن جاراتىلعان» دەپ تٷسٸنەدٸ. وسىنى جاس قىزدىڭ ساناسىنا سٸڭٸرٸپ ٶسٸرەدٸ.
ەركەك ەيەلدٸ باعىپ-قاعۋى كەرەك دەگەن ۇستانىم مىقتى ورنىقتى. كەز كەلگەن ەركەك كەز كەلگەن ەيەلگە قامقورلىق تانىتۋى مٸندەت دەگەن بۇلجىماس قاعيدا بار. ەركەك اناسىنا, ەيەلٸنە مەڭگٸلٸك قارىزدار دەگەن ۇستانىمدى ەيەلدەر شەكتەن تىس قولدانادى. تٸپتٸ, باسقاشا بولۋى دا مٷمكٸن ەمەس دەيدٸ. ەلەۋمەتتٸڭ تەگٸنە جازىلىپ كەتتٸ وسى ەرەجە. ەركەكتەر ەيەلدەرگە قارىز دەگەندٸ ارۋ-انالار تابيعي دٷنيە دەپ قابىلدايدى.
كٶپ جاعدايدا باسقا كٶرٸنٸس جيٸ ۇشىراسادى. قىزدىڭ اناسى مەن اينالاسىنداعى ەيەلدەر قۇليەلەنۋشٸلٸك داعدىنى مەڭگەرٸپ العان. ولار «ەركەك ەيەل ٷشٸن جاراتىلعان» دەپ تٷسٸنەدٸ. وسىنى جاس قىزدىڭ ساناسىنا سٸڭٸرٸپ ٶسٸرەدٸ.
كەز كەلگەن تەسٸل قولدانىلادى. ەيەلدەرگە ٶزٸن ەلسٸز ەتٸپ كٶرسەتۋ ۇنايدى. سوندا جٸگەرلٸ ازاماتتار ولار ٷشٸن بارلىق مەسەلەنٸ شەشٸپ بەرەدٸ. ەلسٸز ەيەل مىقتى ەر-ازامات ونىڭ بار قالاۋىن ورىنداسا ەكەن دەپ تٸلەيدٸ. ونىڭ شەشٸمٸن جٷزەگە اسىرسا دەپ دەمەلەنەدٸ. ال, جاۋاپكەرشٸلٸكتٸ ٶزٸنە السا عوي دەپ قييالدايدى.
ەيەلدەر ەرٸن بار قالاۋىن ورىندايتىنداي ەتٸپ تەربيەلەيدٸ. سوسىن بٸر-بٸرٸنە ەركەكتٸ باعىندىرۋ حاقىندا ايلا-تەسٸلدەرٸن ايتىپ بٶلٸسەدٸ. پسيحولوگقا كەلٸپ, كٶز جاسىن تٶگەدٸ. بۇل تاقىرىپتا ەيەلدٸڭ تەكاپپارلىعى شەكتەن تىس بەلەڭ الادى.
ەيەل ەركەكتٸڭ بٷكٸل بولمىسىن بيلەپ-تٶستەگٸسٸ كەلەدٸ. ونىڭ ەرٸك-جٸگەرٸنە, تەنٸنە, تٸلەك-نيەتٸنە, جانىنا يەلٸك ەتكٸسٸ كەلەدٸ. ونىڭ ٶمٸرٸنٸڭ پاتشاسى بٸر ٶزٸم بولسام دەيدٸ. مۇنداي تٸلەگٸن تٸس جارىپ, جارييالاپ جاتپايدى. ول كٶكەيدەگٸ پيعىلىن تٷبەگەيلٸ جاسىرىپ تا قالا المايدى. ٶيتكەنٸ, بٷگٸنگٸنٸڭ قالىپتى كٶرٸنٸسٸنە اينالعان. سوندىقتان بۇل قىلىقتىڭ بەيپٸلدٸگٸ بايقالمايتىن بولىپ كەتكەن.
وسى داعدىمەن قىز بالانى تەربيەلەپ جاتىر. ەگەر وتباسىدا وسىناۋ قارىم-قاتىناس داعدارىسىن باستايتىن داعدىنى كٶرسە, ول ودان قۇتىلا المايدى. ەركەك ول ٷشٸن تۇتىناتىن زاتقا اينالادى. قوعام ٶزٸ ەركەكتٸ ەيەلگە قىزمەت ەتۋگە دايىنداپ شىعارادى. سوندىقتان قىز بالا جٸگٸتٸنە مٸندەت-تالاپ قويا باستايدى. ٶزٸ جاعدايعا باعا بەرە الماي تۇرىپ, اعىنمەن بٸرگە اعادى. ٷيلەنگەن سوڭ ەيەل كٷيەۋٸن ٶز ىڭعايىنا قاراي تٷزەپ الۋعا بارىن سالادى. ەيەل نەنٸ قالاسا, ەرٸ وعان ايتقىزباي-اق ورىنداي بەرەتٸندەي ەتەدٸ. بۇل تەربيە, «مەنٸ سٷيسەڭ, ٶزگەر» دەپ اتالادى.
تەربيە قونباعان ەركەك ەيەلگە رەنجيدٸ. شەشەسٸنە ايتىپ, شاعىمدانادى. تٷسٸنە الماي دال بولادى. ەيەلٸنٸڭ مٸنەزٸ ناشار دەيدٸ. ال, ەيەلٸ تٸلٸن المايتىن كٷيەۋدٸ تٶمەن باعالايدى. ٶزگەرگٸسٸ كەلمەگەنٸ قىلمىس دەپ قابىلدانادى.
سوندىقتان اينالامىزداعى كٶپ جۇپتارعا قاراپ, ەيەلدٸڭ مەنمەندٸگٸ باسىم ەكەندٸگٸنە كٶز جەتكٸزەمٸز. ەركەكتەر ەسەيە الماي, انا جىلۋىن ٸزدەۋمەن ۋاقىت ٶلتٸرەدٸ. ەيەل ٶز قالاۋىنا ساي تەربيەلەۋگە كٶشەدٸ. ەركٸم ٶزٸنشە باقىتتى وتباسى قۇرعىسى كەلەدٸ. بٸراق تٷپتٸڭ تٷبٸندە تەك باقىتسىزدىق تابادى. بۇل ٶزارا ەستەن اداسۋ نەگە اپارىپ سوعارىن بٸلەسٸز بە? ەگەر سٸز تانيتىنداردىڭ اراسىندا ەركەك شىنىمەن ەركەكتٸڭ رٶلٸن اتقارىپ, ٶزٸنٸڭ ينفانتيليزمٸن ەيەلٸنٸڭ موينىنا ارتىپ قويمايتىن بولسا, ال ەيەلٸ ونىڭ الدىنا تٷسٸپ سٶز باستاماي, اۋزىنا قاراپ, سوڭىنان ٸلەسٸپ وتىرسا, وندا جولىڭىز بولعان ەكەن, سولاردان ٷيرەنٸڭٸز باقىتتى بولۋدى.
دامۋعا باستايتىن باسپالداق
قارىم-قاتىناستى سەرٸكتەستٸك دەپ قابىلداۋ كەرەك. سوندا كٶپ نەرسەنٸ دۇرىس جاساي الۋعا مٷمكٸندٸك تۋادى. قارىم-قاتىناس ادام ٶمٸرٸندەگٸ ماڭىزدى قۇبىلىس. ونى دامىتۋعا قارىم-قابٸلەت كەرەكتٸگٸنە كٶپ ادام ويلانا بەرمەيدٸ. ٶزدٸگٸنەن بولا بەرەتٸن ٷدەرٸس دەپ بٸلەدٸ كەي ادام. بٸراق ونىڭ نەتيجەسٸ تٷك بەرمەيتٸنٸ دەلەلدەۋدٸ قاجەت ەتپەيتٸن تەورەما.
بٸرٸنشٸ رەت جولى بولماعان ادام سودان ساباق السا بولار ەدٸ. ولاي بولمايدى. كەمپٸر-شال بولعانشا بٸر-بٸرٸمەن الىسىپ, بٸر شەڭبەردٸڭ بويىنان شىعا الماي ٶتەتٸندەر قانشاما?! ٶزٸنٸڭ كەمشٸلٸگٸن تٷسٸنۋدٸڭ ورنىنا, باسقا ادام ٸزدەيدٸ. ونىمەن قۇراتىن قارىم-قاتىناس ەشبٸر قيىندىقسىز بولسا دەپ تٸلەيدٸ.
ەرتەگٸ ٶزدٸگٸنەن بولا سالسا دەگەن ناداندىق بار. ەيەلدەر بٸر قاھارمان كەلٸپ بار قيىندىعىن شەشٸپ تاستاسا دەيدٸ. ەركەكتەر ٶزٸنٸڭ ازاماتتىعىن بٸر كٶرگەننەن باعالاي سالاتىن عاجاپ حانشانى كٷتەدٸ.
ەيەلدەر ەركەكتٸ تٷسٸنبەيدٸ. بٸراق ەركەكتەر ولاردى تٷسٸنسە ەكەن دەپ ارماندايدى. قارىم-قاتىناس ٷشٸن وسى جەتكٸلٸكتٸ دەپ ويلايدى. ەركەككە نە قىزىق دەگەنگە ەيەل زاتى باس قاتىرىپ جاتپايدى. ەركەكتەرگە تەن توياتتاسا بولدى دەپ كەلتە قايىرادى. ٶز بويلارىندا ەركەكتەر بٷكٸل ٶمٸرٸن ارناۋعا بولارلىق تالاي عاجاپتىڭ بارىن سەزبەي ٶتەدٸ.
[caption id="attachment_9763" align="alignright" width="336"]
ەركەكتەردٸڭ دە اقىلى اسىپ-تاسىپ, ٶمٸردٸ بٸر اۋىز سٶزدەن تٷسٸنٸپ كەتەر تٷيسٸگٸ شامالى. ولار دا ەيەلدەر سيياقتى تٷسٸنٸستٸك ٸزدەيدٸ. كەز كەلگەن ايلا-تەسٸلگە مويىنسۇنىپ, مانيپۋلياتسيياعا ٶزٸن دايىن ەتەدٸ. ەيتەۋٸر, قۇلاعىم تىنىش بولسىن دەيدٸ. جان جىلۋى بولسا ەكەن دەگەن تٸلەكتٸڭ جەتەگٸندە كەتەدٸ.
شىن مەنٸندە, ەيەلگە يەلٸك ەتەتٸنٸنە باس قاتىرماي, ونىڭ نە قالايتىنىن بٸلگٸسٸ كەلٸپ, ونىڭ تٸلەگٸن ورىنداۋعا بارىن سالادى. كەز كەلگەن ەيەل تٸلٸن الاتىن ەركەكتٸ ەرتە مە, كەش پە, جەك كٶرٸپ كەتەتٸنٸن بٸلمەيدٸ. ەيەلدٸڭ تٸلەگٸن ورىنداۋ ەركەكتٸڭ جٷرەك قالاۋى عانا ەمەس, سانالى قادام بولۋعا تيٸستٸ ەكەنٸن ەسكەرمەيدٸ. تٸلٸن الاتىن ەركەك كەز كەلگەن ەيەلدٸ باقىتسىز ەتەدٸ. ٶيتكەنٸ, ٶزٸن انام جاقسى كٶرسە ەكەن دەگەن بالا سيياقتى ۇستايدى.
قارىم-قاتىناس تەك ەكەۋارا قۇمارلىق پەن كٶڭٸل كٶتەرۋ ٷشٸن ورناتىلسا, ەشتەڭە ٶزگەرمەيدٸ. ويىن-ساۋىق تەك سونى كٶزدەيدٸ ەمەس پە? ول جەردە دامۋ بولمايدى. ال, شىنايى وتباسىلىق قارىم-قاتىناس جەتٸلۋگە باعىتتالۋى كەرەك. ەر ادام ٸشتەي دامۋى, ٶزگەرۋٸ قاجەت.
ەركەك ەيەلدٸڭ بويىنان انالىق مەيٸرٸمدٸ ەمەس, ەيەلدٸ, ونىڭ جان سۇلۋلىعىن كٶرۋگە ۇمتىلۋى ماڭىزدى.
ەگەر ەركەك كٸندٸكتٸگە ەركٸندٸك بەرٸپ, ونىڭ قۇقىن سىيلاسا, ول ٶزٸ دە ريزاشىلىقتان, جاۋاپتى سىيلاستىقتان ەيەلدٸڭ دەگەنٸن ورىنداپ بەرەدٸ. ەركەكتەر وڭباعان ەمەس, ولارعا تەك ادام سيياقتى قاراي بٸلۋ كەرەك. ەركەك ەيەلدٸڭ الدىندا ەشتەڭەگە قارىزدار ەمەس. ال, ەيەل ەركەكتەن بٸر مىسقالدا ەلسٸز ەمەس. ەر مەن ەيەل ەر تٷرلٸ, بٸراق تەڭ.
ەيەل ەركەك ٷشٸن جان دوسى, كٶمەكشٸسٸ, شابىت سىيلاۋشى بولا الادى. ەگەر وسى باعىتتا جەتٸلۋگە مٷمكٸندٸك جاسالسا. بار قايعى-مۇڭدى ەيەلگە ارقالاتا بەرمەي, ەركەك اتاۋلى جاۋاپكەرشٸلٸكتٸ سەزٸنسە دە جەتكٸلٸكتٸ. ەركەككە تەن ەركٸندٸك پەن دەربەستٸگٸن قورعاي الۋى شارت.
بٸراق ەر ازاماتتار تەك لەززات السام دەيدٸ. مٸنە, وسى ويدان اتتاپ كەتۋ كەرەك. ٶيتكەنٸ, بالالىق ەدەتتەن باس تارتسا, ەرەسەك قارىم-قاتىناستا لەززات الۋ ەلدەقايدا كەرەمەت بولاتىنىن بٸلمەيدٸ.
ال, ەيەلدەر ٶزٸنٸڭ تەكاپپارلىعىن باسىپ, ەرٸنەن تٸلەگٸن ورىنداۋشى سىيقىرشىنى, بارلىق جاماندىقتان ساقتايتىن قامقورشىنى عانا ەمەس, جەكە تۇلعا ەكەنٸن مويىنداۋى كەرەك. ول ٶز ٶمٸرٸن وسىنداي ەركٸن اداممەن قىزىقتى ەتٸپ ٶتكٸزۋگە لايىقتى ەكەندٸگٸن تەرەڭ تٷيسٸنگەنٸ ابزال.
ەگەر ەركەك كٸندٸكتٸگە ەركٸندٸك بەرٸپ, ونىڭ قۇقىن سىيلاسا, ول ٶزٸ دە ريزاشىلىقتان, جاۋاپتى سىيلاستىقتان ەيەلدٸڭ دەگەنٸن ورىنداپ بەرەدٸ. ەركەكتەر وڭباعان ەمەس, ولارعا تەك ادام سيياقتى قاراي بٸلۋ كەرەك. ەركەك ەيەلدٸڭ الدىندا ەشتەڭەگە قارىزدار ەمەس. ال, ەيەل ەركەكتەن بٸر مىسقالدا ەلسٸز ەمەس. ەر مەن ەيەل ەر تٷرلٸ, بٸراق تەڭ.
ەيەل سەل كٶرەگەندٸلٸك تانىتسا, ٶزٸنٸڭ ەرٸنە ەسەيۋگە كٶمەكتەسە الار ەدٸ. ٶزٸ دە ارمان ەتكەن قارىم-قاتىناسقا قول جەتكٸزەر مە ەدٸ? بۇل ٷشٸن كٷيەۋٸمەن ٶزٸن انا ەمەس, ەيەل ەتٸپ ۇستاۋى كەرەك. ەركەكتٸ باسقارۋعا ەمەس, جانىنا سەرٸك بولۋعا ۇمتىلۋى شارت. ەيتپەگەن كەزدە, ٶمٸرباقي اقبوز اتتى حانزادانى كٷتٸپ ٶتۋگە تۋرا كەلەدٸ.
[caption id="attachment_9393" align="alignright" width="162"]
ادامنىڭ جانىندا ەرقاشان ٶزٸنە لايىقتى سەرٸگٸ بولادى. ەگەر قارىم-قاتىناس تۇيىققا تٸرەلسە, وندا ٶزٸڭە ٶتٸرٸك ايتۋدى دوعار. قارىم-قاتىناس ادامنىڭ ادامگەرشٸلٸگٸن ٶسٸرەتٸن قۇنارلى توپىراق. ٶسكٸڭٸز كەلە مە? ەلدە, شٸرٸگەن جەڭٸل مە? تاڭداۋ قولىڭىزدا.
اۋدارعان شىنار ەبٸلدە
