Áiel týraly erlerdiń kózqarasy
Jas jigit áielge basqasha qaraýǵa bolatynyn ańǵarmaidy da. Tańdaǵan qyzdarynan anasynyń jaqsarǵan keiipin kórgisi keledi. Buny jaqsy kórip, aitqanyn eki etpei, kútip-baptap, oǵan qosa qumaryn qandyrýǵa baryn salatyn áiel izdeidi. Onyń oiynsha, áiel erkektiń barlyq armanyn júzege asyrýshy. Ana men áiel arasyna kóp aiyrmashylyq bar dep oilamaidy.
[caption id="attachment_9761" align="alignleft" width="448"]
Mundai jaǵdaidy úide qaryndasy, ápkesi bolsa, nemese anasy men ákesiniń arasynda eresek, eseigen qarym-qatynas ornaǵan bolsa ǵana túzeýge bolady. Sol kezde jas jigit basqa tájiribe jinap, áieldiń boiynan tek analyq obrazdy kórýdi doǵarady eken. Biraq mundai baqyt árkimge buiyra bermeidi.
Áielmen bir jaqty qarym-qatynas damyǵandyqtan, jas jigit basqasyn ańǵara almai, bilmei ósedi. Jaqyn tanystardan muny baiqaýǵa bolady. Sońǵy kezderi eriniń áieliniń aitqanynan shyǵa almaý siiaqty kórinis jii qylań beretin boldy. Onyń qas-qabaǵyn baǵýy, kóńilinen shyqpai qalam degen úreimen ómir súretin erkekter barshylyq. Mundai baǵynyshtylyq az ýaqyttan soń baiqalady. Qarym-qatynas ornyqqanda eri áielinen tez sýynady.
Ózge qarym-qatynas túrin kórmegen er adam áieline analyq mindettiń bárin júktep qoiady. Áieli buǵan barlyq jaǵdaidy jasap otyrý kerek dep qabyldaidy. Bundai erkek tek qaýipsiz tynyshtyqta ómirin ótkizgisi kelip turady. Tómen túsip, áieliniń aitqanyn istegendi durys dep oilaidy. Áielin bas bolýǵa ózi jetektep ákeledi. Barlyq jaýapkershilikti sonyń moinyna iledi. Sheshimdi de áieli qabyldasyn dep, ózi taiqyp shyǵady. Tek syrtynan baǵalap otyrýdy ádet qylady.
Sóitip, neni qalasa, sony alady. Áieli bárin bilep-tósteidi. Barlyq dúnieni ózi tyndyrady. Sheshimdi de kúieýsiz qabyldaidy. Kúieýine aitqanyn istetkizedi. Áieli de bunyń barlyǵyn túisikpen jasaidy. Ózi qalaǵandyqtan emes. Bastapqyda bundai rettilik kóńilden shyǵady. Qarym-qatynastary joǵary deńgeide damyp jatqandai kórinedi. Biraq, sálden ýaqyttan soń áiel óziniń jar emes, analyq ról oinap jatqanyn baiqaidy. Al, kúieýi erkindiginen aiyrylyp, jubaiyna sezimi semip, kóńili qalyp, keleshekke degen qorqynyshpen ómir súredi.
Budan keiin qarym-qatynas kúireidi. Áiel de, erkek te – munyń sebebi nede ekenin túsine almai dal bolady. Ertegidei bolyp bastalǵan mahabbat qaida ketkenin bile almai qinalady. Tańdaýym durys emes eken dep sheshedi. Qoshtasyp, jańa jup izdeidi. Biraq, onda da osy jaǵdai qaitalanady.
Erlerdiń kópshiligi áieldiń boiynan ómir baqi anasynyń jylýyn izdep ótedi. Erkek ishki derbestigin joǵaltady. Jan qinalysyn bir ózi sezinip, aýyr júgin ózgege ilmei, ózi ǵana kóterip, ózi sheshýge tiis ekendigin uǵynsyn. Muny túsinbegen er kisi bar jaýapkershilikti taǵy da artyp qoiatyn áieldi izdeidi. Biraq ózi bildei bir bankti basqaryp, iaki áskeri shendi bolýy da yqtimal, alaida, úige kelisimen áiel-ananyń jyly qushaǵyn ańsap turady.
Osy eki mindetti qatar atqarýǵa qabileti bar áieldi kórgende shyn ǵashyq bolady. Mundai qarym-qatynastyń bolashaǵy bar ma? Kóbine az ýaqyttan soń aiyrylysyp jatady. Nemese ekeýi de bir-birin baqytsyz etip tynady. Tastai da almai, birge de bola almai, baqytsyzdyqty taǵdyrym dep qabyldaidy.
Birde bir áiel kúieýine ana bolǵysy kelmeidi. Birde bir erkek óz derbestigin analyq jylýǵa aiyrbastap baqyt tappaidy. Ózin ózi aldaýy múmkin. Iaki, syńaryn aldap ómir súrýi. Biraq aqiqat báribir menmundalap shyǵa keledi. Naǵyz mahabbat bári óz ornynda bolǵanda baiandy bolmaq. Ótirikti baqyt sanaý búginginiń kópshilik otbasylaryna tán qubylys.
Áiel men erkek bul túitkildi betimen qoia salǵandy ǵana biledi. Onyń sheshimin izdep, áýre sarsańǵa túspeidi. Taǵdyrdyń jazýy dei salǵan jeńil. Ár áieldiń boiynan analyq jylý izdep, nege tappaitynyn bilmei ótken qansha erkek júr. Eseiýge daiyn emestigin kemshilik dep túsinbeidi de. Munyń arty nege aparyp soǵaryn ańdamaidy da. Ózin eń kerekti qasieti - erkindiginen aiyrady.
Erler týraly áieldiń kózqarasy
Ár áiel azazmattyń janynda ózin álsiz sezingisi keledi. Deiturǵanmen, ony ózine baǵyndyrǵysy da keledi.
Áieldiń erlerge qarym-qatynasy jigitterdiń áielge qarym-qatynasyna qaraǵanda basqasha damidy. Áielder ákesiniń qasietin jigitinen kóp izdei bermeidi. Ol ainalasyndaǵy áielderdiń tańdaýy men pikirine kóbirek qulaq asady.
[caption id="attachment_9762" align="alignright" width="448"]
Eger anasy kúieýin syilap, sol arqyly baqyt-barqadar tapsa, osy júie qyzyna da beriledi. Onyń da keleshektegi otbasylyq qarym-qatynasy dál osylai jetilmek. Qyzy da anasyndai dana bolady. Ol eshqashan kúieýiniń moinyna otyryp almaidy. Mundai qarym-qatynas búgingi tańda sirek jaǵdai. Muny moiyndaý kerek. Kóp jaǵdaida basqa kórinis jii ushyrasady. Qyzdyń anasy men ainalasyndaǵy áielder qulielenýshilik daǵdyny meńgerip alǵan. Olar «Erkek áiel úshin jaratylǵan» dep túsinedi. Osyny jas qyzdyń sanasyna sińirip ósiredi.
Erkek áieldi baǵyp-qaǵýy kerek degen ustanym myqty ornyqty. Kez kelgen erkek kez kelgen áielge qamqorlyq tanytýy mindet degen buljymas qaǵida bar. Erkek anasyna, áieline máńgilik qaryzdar degen ustanymdy áielder shekten tys qoldanady. Tipti, basqasha bolýy da múmkin emes deidi. Áleýmettiń tegine jazylyp ketti osy ereje. Erkekter áielderge qaryz degendi arý-analar tabiǵi dúnie dep qabyldaidy.
Kóp jaǵdaida basqa kórinis jii ushyrasady. Qyzdyń anasy men ainalasyndaǵy áielder qulielenýshilik daǵdyny meńgerip alǵan. Olar «Erkek áiel úshin jaratylǵan» dep túsinedi. Osyny jas qyzdyń sanasyna sińirip ósiredi.
Kez kelgen tásil qoldanylady. Áielderge ózin álsiz etip kórsetý unaidy. Sonda jigerli azamattar olar úshin barlyq máseleni sheship beredi. Álsiz áiel myqty er-azamat onyń bar qalaýyn oryndasa eken dep tileidi. Onyń sheshimin júzege asyrsa dep dámelenedi. Al, jaýapkershilikti ózine alsa ǵoi dep qiialdaidy.
Áielder erin bar qalaýyn oryndaityndai etip tárbieleidi. Sosyn bir-birine erkekti baǵyndyrý haqynda aila-tásilderin aityp bólisedi. Psihologqa kelip, kóz jasyn tógedi. Bul taqyrypta áieldiń tákapparlyǵy shekten tys beleń alady.
Áiel erkektiń búkil bolmysyn bilep-tóstegisi keledi. Onyń erik-jigerine, tánine, tilek-nietine, janyna ielik etkisi keledi. Onyń ómiriniń patshasy bir ózim bolsam deidi. Mundai tilegin tis jaryp, jariialap jatpaidy. Ol kókeidegi piǵylyn túbegeili jasyryp ta qala almaidy. Óitkeni, búginginiń qalypty kórinisine ainalǵan. Sondyqtan bul qylyqtyń beipildigi baiqalmaityn bolyp ketken.
Osy daǵdymen qyz balany tárbielep jatyr. Eger otbasyda osynaý qarym-qatynas daǵdarysyn bastaityn daǵdyny kórse, ol odan qutyla almaidy. Erkek ol úshin tutynatyn zatqa ainalady. Qoǵam ózi erkekti áielge qyzmet etýge daiyndap shyǵarady. Sondyqtan qyz bala jigitine mindet-talap qoia bastaidy. Ózi jaǵdaiǵa baǵa bere almai turyp, aǵynmen birge aǵady. Úilengen soń áiel kúieýin óz yńǵaiyna qarai túzep alýǵa baryn salady. Áiel neni qalasa, eri oǵan aitqyzbai-aq oryndai beretindei etedi. Bul tárbie, «meni súiseń, ózger» dep atalady.
Tárbie qonbaǵan erkek áielge renjidi. Sheshesine aityp, shaǵymdanady. Túsine almai dal bolady. Áieliniń minezi nashar deidi. Al, áieli tilin almaityn kúieýdi tómen baǵalaidy. Ózgergisi kelmegeni qylmys dep qabyldanady.
Sondyqtan ainalamyzdaǵy kóp juptarǵa qarap, áieldiń menmendigi basym ekendigine kóz jetkizemiz. Erkekter eseie almai, ana jylýyn izdeýmen ýaqyt óltiredi. Áiel óz qalaýyna sai tárbieleýge kóshedi. Árkim ózinshe baqytty otbasy qurǵysy keledi. Biraq túptiń túbinde tek baqytsyzdyq tabady. Bul ózara esten adasý nege aparyp soǵaryn bilesiz be? Eger siz tanityndardyń arasynda erkek shynymen erkektiń rólin atqaryp, óziniń infantilizmin áieliniń moinyna artyp qoimaityn bolsa, al áieli onyń aldyna túsip sóz bastamai, aýzyna qarap, sońynan ilesip otyrsa, onda jolyńyz bolǵan eken, solardan úirenińiz baqytty bolýdy.
Damýǵa bastaityn baspaldaq
Qarym-qatynasty seriktestik dep qabyldaý kerek. Sonda kóp nárseni durys jasai alýǵa múmkindik týady. Qarym-qatynas adam ómirindegi mańyzdy qubylys. Ony damytýǵa qarym-qabilet kerektigine kóp adam oilana bermeidi. Ózdiginen bola beretin úderis dep biledi kei adam. Biraq onyń nátijesi túk bermeitini dáleldeýdi qajet etpeitin teorema.
Birinshi ret joly bolmaǵan adam sodan sabaq alsa bolar edi. Olai bolmaidy. Kempir-shal bolǵansha bir-birimen alysyp, bir sheńberdiń boiynan shyǵa almai ótetinder qanshama?! Óziniń kemshiligin túsinýdiń ornyna, basqa adam izdeidi. Onymen quratyn qarym-qatynas eshbir qiyndyqsyz bolsa dep tileidi.
Ertegi ózdiginen bola salsa degen nadandyq bar. Áielder bir qaharman kelip bar qiyndyǵyn sheship tastasa deidi. Erkekter óziniń azamattyǵyn bir kórgennen baǵalai salatyn ǵajap hanshany kútedi.
Áielder erkekti túsinbeidi. Biraq erkekter olardy túsinse eken dep armandaidy. Qarym-qatynas úshin osy jetkilikti dep oilaidy. Erkekke ne qyzyq degenge áiel zaty bas qatyryp jatpaidy. Erkekterge tán toiattasa boldy dep kelte qaiyrady. Óz boilarynda erkekter búkil ómirin arnaýǵa bolarlyq talai ǵajaptyń baryn sezbei ótedi.
[caption id="attachment_9763" align="alignright" width="336"]
Erkekterdiń de aqyly asyp-tasyp, ómirdi bir aýyz sózden túsinip keter túisigi shamaly. Olar da áielder siiaqty túsinistik izdeidi. Kez kelgen aila-tásilge moiynsunyp, manipýliatsiiaǵa ózin daiyn etedi. Áiteýir, qulaǵym tynysh bolsyn deidi. Jan jylýy bolsa eken degen tilektiń jeteginde ketedi.
Shyn máninde, áielge ielik etetinine bas qatyrmai, onyń ne qalaitynyn bilgisi kelip, onyń tilegin oryndaýǵa baryn salady. Kez kelgen áiel tilin alatyn erkekti erte me, kesh pe, jek kórip ketetinin bilmeidi. Áieldiń tilegin oryndaý erkektiń júrek qalaýy ǵana emes, sanaly qadam bolýǵa tiisti ekenin eskermeidi. Tilin alatyn erkek kez kelgen áieldi baqytsyz etedi. Óitkeni, ózin anam jaqsy kórse eken degen bala siiaqty ustaidy.
Qarym-qatynas tek ekeýara qumarlyq pen kóńil kóterý úshin ornatylsa, eshteńe ózgermeidi. Oiyn-saýyq tek sony kózdeidi emes pe? Ol jerde damý bolmaidy. Al, shynaiy otbasylyq qarym-qatynas jetilýge baǵyttalýy kerek. Ár adam ishtei damýy, ózgerýi qajet.
Erkek áieldiń boiynan analyq meiirimdi emes, áieldi, onyń jan sulýlyǵyn kórýge umtylýy mańyzdy.
Eger erkek kindiktige erkindik berip, onyń quqyn syilasa, ol ózi de rizashylyqtan, jaýapty syilastyqtan áieldiń degenin oryndap beredi. Erkekter ońbaǵan emes, olarǵa tek adam siiaqty qarai bilý kerek. Erkek áieldiń aldynda eshteńege qaryzdar emes. Al, áiel erkekten bir mysqalda álsiz emes. Er men áiel ár túrli, biraq teń.
Áiel erkek úshin jan dosy, kómekshisi, shabyt syilaýshy bola alady. Eger osy baǵytta jetilýge múmkindik jasalsa. Bar qaiǵy-muńdy áielge arqalata bermei, erkek ataýly jaýapkershilikti sezinse de jetkilikti. Erkekke tán erkindik pen derbestigin qorǵai alýy shart.
Biraq er azamattar tek lázzat alsam deidi. Mine, osy oidan attap ketý kerek. Óitkeni, balalyq ádetten bas tartsa, eresek qarym-qatynasta lázzat alý áldeqaida keremet bolatynyn bilmeidi.
Al, áielder óziniń tákapparlyǵyn basyp, erinen tilegin oryndaýshy syiqyrshyny, barlyq jamandyqtan saqtaityn qamqorshyny ǵana emes, jeke tulǵa ekenin moiyndaýy kerek. Ol óz ómirin osyndai erkin adammen qyzyqty etip ótkizýge laiyqty ekendigin tereń túisingeni abzal.
Eger erkek kindiktige erkindik berip, onyń quqyn syilasa, ol ózi de rizashylyqtan, jaýapty syilastyqtan áieldiń degenin oryndap beredi. Erkekter ońbaǵan emes, olarǵa tek adam siiaqty qarai bilý kerek. Erkek áieldiń aldynda eshteńege qaryzdar emes. Al, áiel erkekten bir mysqalda álsiz emes. Er men áiel ár túrli, biraq teń.
Áiel sál kóregendilik tanytsa, óziniń erine eseiýge kómektese alar edi. Ózi de arman etken qarym-qatynasqa qol jetkizer me edi? Bul úshin kúieýimen ózin ana emes, áiel etip ustaýy kerek. Erkekti basqarýǵa emes, janyna serik bolýǵa umtylýy shart. Áitpegen kezde, ómirbaqi aqboz atty hanzadany kútip ótýge týra keledi.
[caption id="attachment_9393" align="alignright" width="162"]
Adamnyń janynda árqashan ózine laiyqty serigi bolady. Eger qarym-qatynas tuiyqqa tirelse, onda ózińe ótirik aitýdy doǵar. Qarym-qatynas adamnyń adamgershiligin ósiretin qunarly topyraq. Óskińiz kele me? Álde, shirigen jeńil me? Tańdaý qolyńyzda.
Aýdarǵan Shynar ÁBILDÁ
