قالا ەكٸمٸ مۇرات ەيتەنوۆ بٸلٸم سالاسىنىڭ ينفراقۇرىلىمىن شەشۋ ٷشٸن بىلتىر 5 جىلعا جوسپار دايىندالىپ, سول بويىنشا جۇمىس اتقارىلىپ جاتقانىن جەتكٸزدٸ.
2025 جىلعا دەيٸن شىمكەنتتە 85 مەكتەپ اشىلادى, ونىڭ 33-ٸ مەملەكەت ەسەبٸنەن, 12-سٸ مەملەكەتتٸك-جەكەمەنشٸك ەرٸپتەستٸك نەگٸزٸندە, 40 مەكتەپتٸ جەكە ينۆەستورلار سالادى. ونىڭ ٸشٸندە بيىل 32 مەكتەپتٸڭ قۇرىلىسى باستالادى. الداعى ٷش جىلدا شىمكەنتتە ٷش اۋىسىمدى مەكتەپ مەسەلەسٸ تولىق شەشٸلەدٸ.
بٸلٸم سالاسىنداعى تاعى بٸر ٷلكەن مەسەلە – قوسىمشا بٸلٸممەن قامتۋ. قالا وقۋشىلارىنىڭ 16 پايىزى قوسىمشا بٸلٸممەن قامتىلعان. بۇل تۇرعىدا شاھار باسشىسى بۇرىنعى فوسفورشىلار سارايىن جاستار سارايىنا اينالدىرىپ, جاڭادان زاماناۋي وقۋشىلار سارايىنىڭ قۇرىلىسىن باستاۋدى كٶزدەپ وتىرعانىن ايتتى.
2025 جىلعا دەيٸن قوسىمشا بٸلٸممەن قامتۋ 55 پايىزدى قۇراماق.
