Qala ákimi Murat Áitenov bilim salasynyń infraqurylymyn sheshý úshin byltyr 5 jylǵa jospar daiyndalyp, sol boiynsha jumys atqarylyp jatqanyn jetkizdi.
2025 jylǵa deiin Shymkentte 85 mektep ashylady, onyń 33-i memleket esebinen, 12-si memlekettik-jekemenshik áriptestik negizinde, 40 mektepti jeke investorlar salady. Onyń ishinde biyl 32 mekteptiń qurylysy bastalady. Aldaǵy úsh jylda Shymkentte úsh aýysymdy mektep máselesi tolyq sheshiledi.
Bilim salasyndaǵy taǵy bir úlken másele – qosymsha bilimmen qamtý. Qala oqýshylarynyń 16 paiyzy qosymsha bilimmen qamtylǵan. Bul turǵyda shahar basshysy burynǵy Fosforshylar saraiyn Jastar saraiyna ainaldyryp, jańadan zamanaýi Oqýshylar saraiynyń qurylysyn bastaýdy kózdep otyrǵanyn aitty.
2025 jylǵa deiin qosymsha bilimmen qamtý 55 paiyzdy quramaq.
