اتام – مۇحتار ەليەۆ ٶمٸردەن ٶتكەسٸن اراعا ەكٸ اي سالىپ اۆسترييا تٷرمەسٸندە ەكەم – راحات ەليەۆ ٶز-ٶزٸنە قول سالدى.
تاعدىردىڭ سوققىسى مۇنشالىقتى اۋىر بولارىن كٸم بٸلگەن. ەڭسەم ەزٸلدٸ. ەسەڭگٸرەپ قالدىم. ٶنە-بويىم ٶرتەنٸپ بارا جاتتى. قانداي كٷيزەلٸسكە تٷسكەنٸمدٸ كٶرسەڭٸز...
وسىندايدا وتباسىم, ەسٸرەسە اتام نۇرسۇلتان نازارباەۆ بارىنشا قولدادى مەنٸ. قامقورلىق تانىتتى. اتام كٷندٸز 17 ملن. ادامنىڭ مەسەلەسٸن شەشسە, كەشكە ٷيگە ورالعاسىن نەمەرەسٸنٸڭ شارۋاسىمەن اينالىساتىن. شارمامايتىن. شالدىقپايتىن. انىعىندا, سەزٸنبەيتٸنمٸن. ونسىز دا جۇمىسباستى ادام, ماعان كٶڭٸل بٶلٸپ, استى-ٷستٸمە تٷسۋگە قانشا كٷش جۇمسايتىنىن تٷسٸنبەيتٸنمٸن. مٸنە, سول كەزدە ەلسٸزدٸك تانىتتىم. شالت باستىم. قاتەلٸك جاسادىم.
جٷرەكتەگٸ جٷكتٸ ەسٸرتكٸنٸڭ كٶمەگٸمەن جەڭٸلدەتپەك بولدىم. الدانىشتى ەسٸرتكٸدەن ٸزدەدٸم.
يە, العاشقىدا الداناسىڭ. ەلەم كٷلٸپ-جايناپ كەتكەندەي كٶرٸنەدٸ. الدا سەنٸ مۇڭسىز-قامسىز كٷندەر كٷتٸپ تۇرعانداي سەزٸلەدٸ. العاشقىدا عانا... ارتىنان ەسٸرتكٸ اعزاڭدى ۋلاي باستايدى. كٷل-پارشاسىن شىعارۋعا كٶشەدٸ. اۋىراسىڭ. سىرقاتقا شالدىعاسىڭ. الىسقا كەتسەڭ, بٸتتٸڭ. اجال كٷتٸپ تۇر, سەنٸ. بۇل – ۋ. ال ۋ جان-دٷنيەڭدٸ ەمدەمەيدٸ ەكەن.
بۇل ساعان ەمەس, وتباسىڭا دا سالماق. سىناق. ٷرەي. قايتپەك كەرەك? قايدا بارماق كەرەك? ەل نە ويلايدى? مەنٸڭ وتباسىمدا دا باستاپقىدا وسىلاي بولدى.
ٷرەي جاۋلاپ الدى سانامىزدى.
اقىرى, اتامنىڭ الدىنا باردىم. مويىندادىم.
بەلكٸم, ونىڭ ورنىندا باسقا پرەزيدەنت بولعاندا مۇنى ەلدەن جاسىرۋعا, جىلى جابا سالۋعا تىرىساتىن شىعار. الايدا, مۇنىڭ مەنٸ اتاما, نۇرسۇلتان نازارباەۆقا قاتىسى جوق. ساسپادى دا, شوشىمادى دا. "مويىنداعانىڭ دۇرىس بولدى. ازاماتسىڭ. يە, اۋرۋدى جەڭۋ وڭاي ەمەس. بٸراق, ساعان سەنەم. جەڭەسٸڭ. ەڭسەرەسٸڭ" دەدٸ ول.
اتامنىڭ الدىندا ەسٸرتكٸگە تەۋەلدٸلٸكتەن ارىلۋعا ۋەدە بەردٸم. "ايسۇلتان ۋەدە بەرسە, ونى مٸندەتتٸ تٷردە ورىندايدى" دەدٸ اتام.
اتامنىڭ الدىندا قارىزدارمىن. مەنٸ اتام قۇتقارىپ قالدى. بٸر ەمەس, ەكٸ رەت قۇتقاردى. بەلكٸم, العاشقىدا جاس بولعان شىعارمىن, ٶمٸر كٶرمەگەندٸگٸم سەبەپ بولعان شىعار. بٸراق, بۇل جولى قايتالانبايدى.
يە, بۇل اۋرۋدى جەڭۋ قيىن. ەرٸك-جٸگەر ازدىق ەتەدٸ بۇعان. ەم بولار دەرٸسٸ دە جوق, بٸراق. مۇنى اشىق جازعان سەبەبٸم, ەسٸرتكٸ تالاي تاعدىردى بٷلدٸردٸ, تالاي وتباسىنىڭ شاڭىراعىن شايقالتتى. بۇدان ارىلۋدىڭ جولىن بٸلەم. تاپتىم. ەل-جۇرتپەن بٶلٸسكٸم كەلەدٸ. ٶزٸم سيياقتى "اداسۋدىڭ" العاشقى ساتىسىندا تۇرعانداردى قۇتقارىپ قالعىم كەلەدٸ.
ٶمٸرٸندە بٸر رەت تە بولسا, ناشاقورلىقپەن بەتپە-بەت كەلگەندەر تٷسٸنەدٸ مۇنى. انىعىندا, ناشاقورلىققا شالدىققاندار ەمەس, ناشاقورلىقتىڭ ٶزٸمەن كٷرەسۋ كەرەك. ول ەشكٸمدٸ ايامايدى ٶيتكەنٸ. جاقسىنى دا, جاماندى دا جالمايدى.
الداعى ۋاقىتتا ناشاقورلىققا قارسى كٷرەس قايىرىمدىلىق قورىن اشپاق ويىم بار. ايتقانىمدى, ناقتى ٸسپەن دەلەلدەگٸم كەلەدٸ. ايتپاقشى, Narcotics Anonymous حالىقارالىق قاۋىمداستىعىنا العىسىمدى ايتامىن. وسى كٷنگە دەيٸن جٷزدەگەن, مىڭداعان جانعا ٷمٸت سىيلادى بۇل قاۋىمداستىق.
ەسٸرتكٸمەن اراداعى كٷرەس مەنٸڭ ٶمٸرٸمدەگٸ ەڭ اۋىر ايقاس بولدى. انىعىندا, مەن ٶز-ٶزٸممەن كٷرەستٸم. جەڭدٸم.
دايىنداعان, دۋمان بىقاي
