مينيستردٸڭ ايتۋىنشا, مەكتەپتەردە كەزەكشٸ توپتارعا كەلەتٸن بالالار ٷشٸن بٸلٸم كٷنٸ ٶتەدٸ.
«بٷگٸندە بٸز مەكتەپ ديرەكتورلارى مەن بٸلٸم باسقارمالارىنا ەدٸستەمەلٸك نۇسقاۋلاردى جٸبەردٸك. ەرينە, 1 قىركٷيەك – بٸلٸم كٷنٸ ٶتەدٸ, تيٸستٸ شارالار دا ٶتەدٸ. سەبەبٸ كەزەكشٸ توپتارعا كەلەتٸن بالالار بار», - دەدٸ ايماعامبەتوۆ.
ياعني, مەكتەپتەگٸ شارالار 1-4 سىنىپتار ٷشٸن ۇيىمداستىرىلادى. ال قالعان وقۋشىلار ونلاين فورماتتا قاتىسادى.
«ەدەتتە قالاي بولدى? 1 قىركٷيەكتە بالالار مەكتەپكە كەلەتٸن. سول جەردە سالتاناتتى جيىن ٶتٸزٸلٸپ, ارى قاراي بالالار سىنىپ ساعاتتارىنا قاتىساتىن. وسى جولى جيىن ٶتكٸزۋدٸڭ قاجەتٸ جوق. سوندىقتان سىنىپ ساعاتتارى عانا ٶتەتٸن بولادى. دەمەك, كەزەكشٸ توپتار ٷشٸن سىنىپ ساعاتتارى ۇيىمداستىرىلادى. ال قاشىقتان وقيتىندار ٷشٸن ونداي شارا ونلاين رەجيمدە ٶتەدٸ», - دەدٸ مينيستر.
باستاۋىش سىنىپ وقۋشىلارى «كەزەكشٸ سىنىپتاردا» توپتا 15 بالادان وقيدى. سوڭعى مەلٸمەتتەر بويىنشا, 530 مىڭ بالانىڭ اتا-اناسى وففلاين وقۋعا ٶتٸنٸش بەرگەن, بۇل وقۋشىلاردىڭ جالپى سانىنىڭ 15%. 5% - شاعىن جيناقتاۋشى مەكەمەلەردە بٸلٸم الاتىن وقۋشىلار, ولاردىڭ سانى - 202 مىڭ.
دەگەنمەن, كەزەكشٸ سىنىپتا دەستٷرلٸ فورماتتا بٸلٸم بەرۋ بارىسىنا بٸرنەشە قاتاڭ تالاپ قويىلادى.
«كەزەكشٸ سىنىپتار دەستٷرلٸ فورماتتا وقيدى دەسەك تە بٸرنەشە قاتاڭ تالاپ قويىپ وتىرمىز. ٶيتكەنٸ, بٸز ٷشٸن ەڭ باستىسى - قاۋٸپسٸزدٸك مەسەلەسٸ. سوندىقتان بٸرٸنشٸدەن ٷزٸلٸس ەرتٷرلٸ ۋاقىتتا بولادى. ساباقتىڭ باستالۋى دا ەرتٷرلٸ ۋاقىتتا جٷرگٸزٸلەدٸ. ەكٸنشٸدەن, قىركٷيەكتە ساباق ۇزاقتىعى 40 مينۋتپەن شەكتەلەدٸ», - دەدٸ مينيستر.
ونىڭ اتاپ ٶتۋٸنشە, كەزەكشٸ سىنىپتاردا سانيتارلىق تالاپتار قاتاڭ ساقتالۋى تيٸس.
«بالالار بٸر كابينەتتە عانا وقيدى. ەدەتتەگٸدەي بٸر كابينەتتەن ەكٸنشٸ كابينەتكە كٶشٸپ وقۋعا جول بەرمەيمٸز دەپ شەشتٸك. ەر كٷن سايىن تەرمومەترييا جٷرگٸزٸلەدٸ. جۋۋ, جەلدەتۋ رەجيمٸ بويىنشا تيٸستٸ تالاپتار قولدانىلادى. شاعىن جيناقتالعان مەكتەپتەردە دەستٷرلٸ بٸلٸم بەرۋ بارىسىنا دا وسى تالاپتار قويىلىپ وتىر. بۇعان قوسا, بٸر سىنىپتا 25-30 بالا بولاتىن بولسا, وندا ولاردى 15 بالادان اسپايتىن توپقا بٶلۋ كەرەك دەگەن شەشٸم قابىلدادىق. وسى شەشٸم اياسىندا جۇمىس جٷرگٸزٸلەدٸ», - دەدٸ اسحات ايماعامبەتوۆ.
بٷگٸندە جالپى رەسپۋبليكا بويىنشا, 2,6 ملن وقۋشى بار. ولاردىڭ 80% قاشىقتان وقيدى.
«ونىڭ ەكٸ جولى بار - ينتەرنەت نەمەسە تەلەديدار ارقىلى. «ەل ارنا» مەن «بالاپان» ارنالارى 9 ساعاتقا دەيٸن تەلەساباق كٶرسەتۋگە دايىن. قازٸر تٷسٸرٸلٸمدەر جالعاسۋدا», - دەدٸ مينيستر.
ال, قاشىقتان وقىتۋ 8 ينتەرنەت پلاتفورمادا جٷرگٸزٸلەدٸ.
«ەرينە, قاشىقتان وقىتۋ بويىنشا ەكٸ نەگٸزگٸ باعىت بار. بٸرٸنشٸ باعىت - ينتەرنەت ارقىلى وقىتۋ. ينتەرنەت ارقىلى وقىتۋ بويىنشا بٸزدە ارنايى بٸرنەشە ينتەرنەت پلاتفورما بار. جالپى, ٶتكەن وقۋ جىلىنىڭ 4-توقسانىندا بٸزدە ەكٸ نەگٸزگٸ 2 ينتەرنەت پلاتفورما بولسا, وسى ۋاقىتتا وعان تاعى 6 ينتەرنەت پلاتفورما قوسىلىپ, 8-گە جەتتٸ», - دەدٸ اسحات ايماعامبەتوۆ.
ونىڭ اتاپ ٶتۋٸنشە, وسى پلاتفورمالاردىڭ ىڭعايىنا بايلانىستى, بەرٸپ وتىرعان مٷمكٸندٸگٸنە بايلانىستى مەكتەپتەر, قالالىق, اۋداندىق بٸلٸم بٶلٸمدەرٸ شەشٸم قابىلداپ, كەلٸسٸمشارتقا قول قويادى جەنە سول پلاتفورمامەن جۇمىس ٸستەيدٸ.
«ەكٸنشٸ باعىتتا بالالار تەلەارنالار ارقىلى ساباق بەرٸلەدٸ. «ەل ارنا» جەنە «بالاپان» تەلەارنالارى تەلەساباقتارعا تەۋلٸگٸنە 9 ساعاتقا دەيٸن ەفير بٶلٸپ وتىر», - دەدٸ مينيستر.
Abai.kz
