– مۇنى قاشان الىپ ەدٸڭ?
– التى اي بۇرىن.
– تەلەفونىڭ اناۋ ايتقانداي ەسكٸ ەمەس ەكەن. ەندەشە بۇل جاڭا تەلەفوندى نە ٷشٸن الماقسىڭ?
– مىناۋ ەندٸ ايفوننىڭ سوڭعى شىققان تٷرٸ عوي.
– التى اي بۇرىن العان مىنا تەلەفونىڭنىڭ بارلىق فۋنكتسييالارى مەن مٷمكٸنشٸلٸكتەرٸن قولدانىپ جٷرسٸڭ بە?
– جوق.
– ال مىنا شىققان سوڭعى نۇسقاسىندا قازٸرگٸ قولىڭداعى تەلەفونىڭدا جوق, بٸراق سەن قولدانعىڭ كەلگەن قانداي فۋنكتسييا, ياكي مٷمكٸنشٸلٸك بار?
– ەشقانداي
– ولاي بولسا, بۇل تەلەفوندى نە ٷشٸن الايىن دەپ تۇرسىڭ?
ارامىزدا بولعان ەڭگٸمەدەن كەيٸن مەن ٷنسٸز عانا تەلەفوندى ورنىنا قويىپ, دٷكەننەن شىعىپ كەتتٸم. ايتقان ۋەجدەرٸ راسىمەن دە ٶتە ورىندى ەدٸ. قولىمداعى تەلەفونىمنىڭ ارى كەتسە 5-6 فۋنكتسيياسىن عانا قولدانامىن. جاڭاسىن السام دا قولداناتىنىم سول فۋنكتسييالار. ەندەشە سوڭعى نۇسقاسىن الۋىم جاي عانا ىسىراپ پەن ماقتان ٷشٸن ەدٸ. جاڭاعى ٸرٸ كەسٸپكەر ٷنەمشٸلدٸكتٸ ٶمٸرٸنٸڭ نەگٸزگٸ قاعيداسىنا اينالدىرعان جان بولاتىن. كەيٸننەن بٸلدٸم, ۋاقىتى تىعىز بولماسا, ۇشاق ەمەس, ٷنەمٸ پويىزبەن جٷرەدٸ ەكەن. ٷيدەگٸ قولداناتىن سۋدى دا ٷنەمدەۋ ٷشٸن سمەسيتەلدەرٸنە دە ارنايى قوندىرعى ورناتقان كٶرٸنەدٸ.
جوق كەزدە ٷنەمدەۋ وڭاي. ال بار كەزدە شە? اللا ەلشٸسٸنٸڭ (س.ا.ۋ.): «تەڭٸزدٸڭ جاعاسىندا دەرەت الساڭ دا, سۋدى ىسىراپ قىلما!» دەگەنٸ قانداي عاجاپ قاعيدا?! كٸسٸنٸ ٷنەمدەۋگە ٷيرەتەدٸ. ونى ٶمٸرلٸك پرينتسيپكە اينالدىرۋعا شاقىرادى. تەڭٸزدٸڭ جاعاسىندا ىسىراپ جاساماعان ادام, بىلايعى كەزدە ودان تٸپتەن اۋلاق جٷرەدٸ. ەيتپەسە, تەڭٸز سۋىن مولىنان, ەركٸن قولدانعاننان ونىڭ سۋى ازايماسى انىق. بٸراق كٸسٸنٸ ىسىراپشىلدىققا جەتەلەيتٸنٸ سٶزسٸز.
«ەكونوميكا» دەگەن سٶزدٸڭ ٶزٸ ٷنەمدەۋ دەگەننەن شىعادى. ەندەشە تەك داعدارىس كەزٸندە ەمەس, جالپى جاعدايدا دا مەملەكەت تە, ونى قۇراعان مەكەمەلەر مەن جەكەلەگەن ادامدار دا ٷنەمشٸلدٸكتٸ ٷيرەنگەن كەزدە عانا ەكونوميكامىز شىنايى دامۋ جولىنا تٷسەدٸ.
ٷنەمشٸلدٸكتٸ ٶمٸرٸنٸڭ باستى قاعيداسىنا اينالدىرعان ەلگٸ كەسٸپكەردٸڭ جىلىنا ميلليونداعان دوللارىن قايىرىمدىلىققا بەرەتٸنٸن, جۇمىسىنا 1-2 ساعات بۇرىن كەلٸپ, توعىزعا دەيٸن كٷندەلٸكتٸ قۇران دۇعالارىن, ارنايى رۋحاني مازمۇنداعى كٸتاپتارىن وقيتىنىن ەستٸگەنٸمدە, مٸنە اللا سٷيگەن ناعىز تاقۋا جان دەدٸم ەرٸكسٸز. نەگە? ٶيتكەنٸ ٷنەمشٸل ادامنىڭ جومارت بولۋى سيرەك جاعداي. ەكٸ كەرەعار جاقسى قاسيەتتٸڭ بٸر-بٸرٸنە كٶلەڭكەسٸ تٷسپەي, بٸر كٸسٸنٸڭ بويىنان تابىلۋى – شىنايى تاقۋالىق بولماق. ال قات-قابات جۇمىس ورتاسىندا جٷرٸپ, رۋحاني دٷنيەسٸنە ۋاقىت تابا بٸلۋٸ – كٶپكە ٷلگٸ بولارلىق تاماشا قاسيەت.
قايرات جولدىباي.
Islam.kz
