– زەينەت جاسىن قىسقارتۋ كەرەكتىگىن كوتەرىپ جۇرگەن ساناتتار شىنىمەن كوپ. بۇل ماسەلە تالقىلانادى. ويتكەنى وبەكتييۆتى تۇردە ايتساق، بۇل وڭاي ماسەلە ەمەس. حالىقارالىق تاجىريبەنى ەسكەرىپ وتىرمىز. حالىقارالىق تاجىريبەدە زەينەت جاسىن تومەندەتۋ تۋرالى اڭگىمە جوق. بۇل تاقىرىپتى شاحتەرلەر عانا كوتەرىپ وتىرعان جوق. مۇگەدەكتىگى بار بالالاردىڭ انالارى دا بۇل ماسەلەنى كوتەرىپ ءجۇر، – دەگەن ۇكىمەت باسشىسىنىڭ ورىنباسارى جىل سوڭىنا قاراي الەۋمەتتىك كودەكس قابىلداناتىنىن ەسكە سالدى.
«الەۋمەتتىك كودەكس جىل اياعىنا قاراي قابىلدانادى. وعان دەيىن بىرنەشە تالقىلاۋ جۇرەدى. ايەلدەردىڭ زەينەت جاسى ءقازىر 60 جاس مولشەرىندە. 2027 جىلعا دەيىن وسى قالىپپەن ۇزارادى. سوندىقتان كۇن تارتىبىندە بۇل ماسەلە تۇر» دەدى ەرالى توعجانوۆ.
ايتا كەتەيىك، قازاقستان حالىق پارتياسى ايەلدەردىڭ زەينەت جاسىن 58 جاسقا دەيىن تومەندەتۋ تۋرالى ۇسىنى كوتەرگەن بولاتىن.
