– Zeinet jasyn qysqartý kerektigin kóterip júrgen sanattar shynymen kóp. Bul másele talqylanady. Óitkeni obektiivti túrde aitsaq, bul ońai másele emes. Halyqaralyq tájiribeni eskerip otyrmyz. Halyqaralyq tájiribede zeinet jasyn tómendetý týraly áńgime joq. Bul taqyrypty shahterler ǵana kóterip otyrǵan joq. Múgedektigi bar balalardyń analary da bul máseleni kóterip júr, – degen Úkimet basshysynyń orynbasary jyl sońyna qarai Áleýmettik kodeks qabyldanatynyn eske saldy.
«Áleýmettik kodeks jyl aiaǵyna qarai qabyldanady. Oǵan deiin birneshe talqylaý júredi. Áielderdiń zeinet jasy qazir 60 jas mólsherinde. 2027 jylǵa deiin osy qalyppen uzarady. Sondyqtan kún tártibinde bul másele tur» dedi Eraly Toǵjanov.
Aita keteiik, Qazaqstan Halyq partiiasy áielderdiń zeinet jasyn 58 jasqa deiin tómendetý týraly usyny kótergen bolatyn.
