جەتىسۋدىڭ جاۋھارى-الاكول تۋرالى ەستىمەگەن جان جوق شىعار، ءسىرا؟!.
الاكول اۋدانىنىڭ تابيعي-رەكرەاسيالىق جاعدايلارى مەن مادەني-تاريحي مۇراسى ءتۋريزمنىڭ ەكولوگيالىق، تانىمدىق جانە ەمدەۋ-ساۋىقتىرۋ تۇرلەرىن دامىتۋعا مۇمكىندىك بەرەدى.
اعىمداعى جىلدىڭ سوڭعى التى ايىندا الاكولگە 239717 ادام كەلگەن. ولارعا 1ملرد. 421ملن. تەڭگەنىڭ قىزمەتى كورسەتىلگەن.
كوپتەگەن ادامدار الاكولدىڭ ەمدىك سۋلارىنا شومىلۋ ءۇشىن عانا ەمەس، سونداي-اق تارتىمدى جانە ۇمىتىلماس دەمالىستى ۇيىمداستىرۋ ءۇشىن دە اعىلادى. ايتا كەتۋ كەرەك، جىلدان جىلعا كولدىڭ بويىندا سەرۆيستىك قىزمەت كورسەتۋ دەڭگەيى دە ارتىپ كەلەدى.
- وسىدان بىرەر جىلدار بۇرىن الاكولگە كەلگەنىمدە جاعداي باسقاشا بولعان ەدى. ال، ءقازىر بارلىعى ادام تانىماستاي جاڭاشا وزگەرىستەرمەن قۇلپىرىپ كەتىپتى. وتاندىق ءتۋريزمنىڭ دامىعانى سونشالىق، كىشكەنتاي اۋىلدا بارلىق جاعداي جاسالىنعان. شيپالى سۋىمەن، تۇزدى قاسيەتىمەن كوپكە تانىمال الاكول كولىنىڭ بۇگىندە جاڭارىپ، جاڭعىرىپ جاتقانىڭ كورۋ ارينە قۋانىش سەزىمىن ۇيالاتادى. باستىسى بۇل جەردە دەمالۋشىلارعا قولايلى جاعدايلار جاقسى قاراستىرىلعان. ماسەلەن، كول جاعالاۋىندا كيىم اۋىستىراتىن ارنايى ورىندار مەن زاماناۋي ۇلگىدەگى دارەتحانالار، ەڭ ماڭىزداسى ءارتۇرلى قولجەتىمدى باعاداعى دەمالىس ورىندارى باستى نازارعا الىنعان ەكەن. جالپى ءبىز سياقتى جاستار مەن ورتا بۋىن اعا-اپكەلەرىمىزگە دەمالۋعا تاپتىرماس ورىننىڭ ءبىرى ەكەندىگىنە كوزىم جەتتى.- دەدى، دەمالۋشى، تۋريست اياۋلىم شالقار قىزى.
اۋداندى اباتتاندىرۋ جانە تۋريستەر ءۇشىن قولايلى جاعداي جاساۋ ماقساتىندا ءتۇرلى جۇمىستار جۇرگىزىلۋدە، اتاپ ايتقاندا، ەسكى اسفالت جابىنىن اۋىستىرىپ، جاڭا جول توسەمىن توسەۋ، كوپىرلەردى جوندەۋ جۇمىستارى جۇرگىزىلۋدە. بۇل جول 2022 جىلدىڭ 31 جەلتوقسانىندا پايدالانۋعا بەرىلەدى دەپ جوسپارلانۋدا. 2020 جىلدان باستاپ كولدىڭ جاعاسىندا ورتالىق كارىز جۇيەلەرى بويىنشا قۇرىلىس جانە جوندەۋ جۇمىستارى جۇرگىزىلۋدە، ولار وسى جىلدىڭ سوڭىندا اياقتالادى دەپ كۇتىلۋدە.
سونىمەن قاتار، 2019 جىلى الاكول كولىنىڭ جاعاسىندا مودۋلدىك دارەتحانالاردى ورناتۋ ءۇشىن 33 ملن.تەڭگەدەن استام قاراجات ءبولىندى، بۇل قاراجاتقا 11 دارەتحانا ورناتىلدى. ونىڭ 9-ى اقشي، قالعان 2ء-ۋى كوكتۇما اۋىلىندا. 2020 جىلى قوسىمشا 5 كوشە دارەتحاناسى ورناتىلدى.
دەگەنمەن، ەپيدەميولوگيالىق جاعدايعا بايلانىستى شەكتەۋ شارالارى، كارانتين ءالى دە بار. وسىعان بايلانىستى، وڭىردە كوروناۆيرۋستىڭ الدىن الۋ بويىنشا ءبىرقاتار ءىس-شارالار جۇرگىزىلۋدە. بۇگىنگى تاڭدا Covid - 19-بەن كۇرەسۋدىڭ ەڭ ءتيىمدى ادىسى-ۆاكسيناسيا.
مەديسينا ماماندارىنىڭ ايتۋىنشا، جىل باسىنان الاكول اۋدانىنا 37 مىڭ ۆاكسينا كەلىپ تۇسكەن. ول "Hayat-Vax»، «CoronaVac»، «QazVac»، "سپۋتنيك-V". وڭىردە 7 جىلجىمالى جانە 18 تۇراقتى ەگۋ پۋنكتەرى جۇمىس جاسايدى.
ەكپەنىڭ ءبىرىنشى بولىگىن الاكولدىك 19 مىڭ ادام سالدىرعان. ال ەكىنشى كومپونەنتىن 12 مىڭ ادام العان.
