Jetisýdyń jaýhary-Alakól týraly estimegen jan joq shyǵar, sirá?!.
Alakól aýdanynyń tabıǵı-rekreasıalyq jaǵdaılary men mádenı-tarıhı murasy týrızmniń ekologıalyq, tanymdyq jáne emdeý-saýyqtyrý túrlerin damytýǵa múmkindik beredi.
Aǵymdaǵy jyldyń sońǵy alty aıynda Alakólge 239717 adam kelgen. Olarǵa 1mlrd. 421mln. teńgeniń qyzmeti kórsetilgen.
Kóptegen adamdar Alakóldiń emdik sýlaryna shomylý úshin ǵana emes, sondaı-aq tartymdy jáne umytylmas demalysty uıymdastyrý úshin de aǵylady. Aıta ketý kerek, jyldan jylǵa kóldiń boıynda servıstik qyzmet kórsetý deńgeıi de artyp keledi.
- Osydan birer jyldar buryn Alakólge kelgenimde jaǵdaı basqasha bolǵan edi. Al, qazir barlyǵy adam tanymastaı jańasha ózgeristermen qulpyryp ketipti. Otandyq týrızmniń damyǵany sonshalyq, kishkentaı aýylda barlyq jaǵdaı jasalynǵan. Shıpaly sýymen, tuzdy qasıetimen kópke tanymal Alakól kóliniń búginde jańaryp, jańǵyryp jatqanyń kórý árıne qýanysh sezimin uıalatady. Bastysy bul jerde demalýshylarǵa qolaıly jaǵdaılar jaqsy qarastyrylǵan. Máselen, kól jaǵalaýynda kıim aýystyratyn arnaıy oryndar men zamanaýı úlgidegi dárethanalar, eń mańyzdasy ártúrli qoljetimdi baǵadaǵy demalys oryndary basty nazarǵa alynǵan eken. Jalpy biz sıaqty jastar men orta býyn aǵa-ápkelerimizge demalýǵa taptyrmas orynnyń biri ekendigine kózim jetti.- dedi, demalýshy, týrıs Aıaýlym Shalqarqyzy.
Aýdandy abattandyrý jáne týrıser úshin qolaıly jaǵdaı jasaý maqsatynda túrli jumystar júrgizilýde, atap aıtqanda, eski asfált jabynyn aýystyryp, jańa jol tósemin tóseý, kópirlerdi jóndeý jumystary júrgizilýde. Bul jol 2022 jyldyń 31 jeltoqsanynda paıdalanýǵa beriledi dep josparlanýda. 2020 jyldan bastap kóldiń jaǵasynda ortalyq káriz júıeleri boıynsha qurylys jáne jóndeý jumystary júrgizilýde, olar osy jyldyń sońynda aıaqtalady dep kútilýde.
Sonymen qatar, 2019 jyly Alakól kóliniń jaǵasynda modýldik dárethanalardy ornatý úshin 33 mln.teńgeden astam qarajat bólindi, bul qarajatqa 11 dárethana ornatyldy. Onyń 9-y Aqshı, qalǵan 2-ýi Kóktuma aýylynda. 2020 jyly qosymsha 5 kóshe dárethanasy ornatyldy.
Degenmen, epıdemıologıalyq jaǵdaıǵa baılanysty shekteý sharalary, karantın áli de bar. Osyǵan baılanysty, óńirde koronavırýstyń aldyn alý boıynsha birqatar is-sharalar júrgizilýde. Búgingi tańda Covid - 19-ben kúresýdiń eń tıimdi ádisi-vaksınasıa.
Medısına mamandarynyń aıtýynsha, jyl basynan Alakól aýdanyna 37 myń vaksına kelip túsken. Ol "Hayat-Vax», «CoronaVac», «QazVac», "Spýtnık-V". Óńirde 7 jyljymaly jáne 18 turaqty egý pýnkteri jumys jasaıdy.
Ekpeniń birinshi bóligin alakóldik 19 myń adam saldyrǵan. Al ekinshi komponentin 12 myń adam alǵan.
