وسىلايشا ايداربەك ساپاروۆتىڭ العاشقى جۇمىس كۇنى سىناقپەن باستالدى.
پەتروپاۆلداعى سۋ جەلىسىندە ءىرى اپات بولىپ، قالانىڭ بىرنەشە اۋدانى بىرەر ساعاتقا سۋسىز قالدى.
تۇندە ءوڭىر باسشىسى وسى سالاعا جاۋاپتى ورىنباسارى ءساتجان ابلالييەۆپەن بارىپ جاعدايدى كوزىمەن كوردى.
بۇل جايىندا الەۋمەتتىك جەلىدە اكىمنىڭ باسپا ءسوز قىزمەتى حابارلادى.
پەتروپاۆلدا ازىرگە سۋ بەرۋ تولىق قالپىنا كەلگەن جوق. اپات بولعان اۋداندا وتكەن تۇندە 15 كوپقاباتتى ءۇي مەن بىرنەشە الەۋمەتتىك جانە كوممەرسيالىق نىساندار سۋسىز قالعان ەدى.
وقيعا ورنىندا اپاتتىق بريگادا تۇنىمەن جۇمىس ىستەپ، التى ۇيدەگى جاعداي قالىپقا كەلدى. قازىرگى ۋاقىتتا 600-دەن استام ابونەنت سۋسىز وتىر.
– جوندەۋ جۇمىستارى ءبىر مينۋت تا توقتاعان جوق. اپاتتىڭ سەبەبى انىقتالادى. ازىرگە قۇبىردىڭ جارىلۋىنا ناقتى نە سەبەپ بولعانىن ايتۋ قيىن. ەكى قۇبىر قوسىلعان جەر سوگىلىپ كەتكەن. بۇل جەردە بىلتىر جوندەۋ جۇمىستارى جۇرگىزىلگەن ەدى. 100 ملن تەڭگەدەن استام قاراجات جۇمسالدى. ديامەترى 800 بولاتىن 308 مەتر قۇبىر اۋىستىرىلدى. شىعىن كولەمى ازىرگە بەلگىسىز. كەپىلدىك مەرزىمى اياقتالعان جوق. سوندىقتىن ءبىزدىڭ جانە تۇرعىندارداردىڭ شىعىنىن مەردىگەر كومپانيا وتەيتىن بولادى، – دەدى «قىزىلجار سۋ» ج ش س باس ينجەنەرىنىڭ ورىنباسارى ەربول نابييەۆ.
ەستەرىڭىزگە سالايىق، پەتروپاۆلدا كەشە ساعات 18.00 شاماسىندا سۋ جەلىسىندە اپات بولىپ، قالا تۇرعىندارى سۋسىز قالعان ەدى.
