كونستيتۋتسييالىق كوميسسييانىڭ توعىزىنشى وتىرىسىندا پرەمەر-مينيستردٸڭ ورىنباسارى – مەدەنيەت جەنە اقپارات مينيسترٸ ايدا بالاەۆا جۋرناليستەر مەن بلوگەرلەرگە جاڭا كونستيتۋتسييا جوباسىندا سٶز بوستاندىعى قالاي قامتاماسىز ەتٸلەتٸنٸن تٷسٸندٸردٸ, دەپ حابارلايدى Dalanews.kz
ايدا بالاەۆانىڭ ايتۋىنشا, ۇسىنىلىپ وتىرعان نورمالار سٶز بوستاندىعىن شەكتەۋگە ەمەس, ازاماتتاردىڭ ار-نامىسى مەن قادٸر-قاسيەتٸن, جەكە ٶمٸرٸن قورعاۋعا باعىتتالعان.
– قوعام ٷشٸن سٶز بوستاندىعى – اسا ماڭىزدى قۇندىلىق. جاڭا كونستيتۋتسييا جوباسى دامىعان ەلدەردٸڭ تەجٸريبەسٸنە سٷيەنە وتىرىپ, سٶز بوستاندىعىنا كەپٸلدٸك بەرەدٸ. بۇل قاعيدا حالىقارالىق قۇقىق نورمالارىمەن دە تولىق ٷيلەسەدٸ, – دەدٸ مينيستر.
ول مەدياسالا ٶكٸلدەرٸنەن تٷسكەن بارلىق ۇسىنىستارمەن مۇقييات تانىسقانىن اتاپ ٶتتٸ.
– مەدەنيەت جەنە اقپارات مينيسترٸ ەرٸ كونستيتۋتسييالىق رەفورما جٶنٸندەگٸ كوميسسييا مٷشەسٸ رەتٸندە ناقتى ايتقىم كەلەدٸ: بۇل تٷزەتۋلەر سٶز بوستاندىعىن شەكتەۋگە باعىتتالماعان. كەرٸسٸنشە, ەربٸر ازاماتتىڭ ار-نامىسى مەن قادٸر-قاسيەتٸن, جەكە ٶمٸرٸن قورعاۋدى كٶزدەيدٸ, – دەپ اتاپ ٶتتٸ ايدا بالاەۆا.
ەسكە سالايىق, بٷگٸن كونستيتۋتسييالىق رەفورمالار جٶنٸندەگٸ كوميسسييانىڭ توعىزىنشى وتىرىسى ٶتٸپ جاتىر.
