Konstitýtsiialyq komissiianyń toǵyzynshy otyrysynda Premer-ministrdiń orynbasary – Mádeniet jáne aqparat ministri Aida Balaeva jýrnalister men blogerlerge jańa Konstitýtsiia jobasynda sóz bostandyǵy qalai qamtamasyz etiletinin túsindirdi, dep habarlaidy Dalanews.kz
Aida Balaevanyń aitýynsha, usynylyp otyrǵan normalar sóz bostandyǵyn shekteýge emes, azamattardyń ar-namysy men qadir-qasietin, jeke ómirin qorǵaýǵa baǵyttalǵan.
– Qoǵam úshin sóz bostandyǵy – asa mańyzdy qundylyq. Jańa Konstitýtsiia jobasy damyǵan elderdiń tájiribesine súiene otyryp, sóz bostandyǵyna kepildik beredi. Bul qaǵida halyqaralyq quqyq normalarymen de tolyq úilesedi, – dedi ministr.
Ol mediasala ókilderinen túsken barlyq usynystarmen muqiiat tanysqanyn atap ótti.
– Mádeniet jáne aqparat ministri ári Konstitýtsiialyq reforma jónindegi komissiia múshesi retinde naqty aitqym keledi: bul túzetýler sóz bostandyǵyn shekteýge baǵyttalmaǵan. Kerisinshe, árbir azamattyń ar-namysy men qadir-qasietin, jeke ómirin qorǵaýdy kózdeidi, – dep atap ótti Aida Balaeva.
Eske salaiyq, búgin Konstitýtsiialyq reformalar jónindegi komissiianyń toǵyzynshy otyrysy ótip jatyr.
