ەۋروپا ەلدەرىنەن رەسەيگە كوشۋگە اي سايىن شامامەن 150 ادام ءوتىنىش بەرىپ جاتىر. بۇل تۋرالى 26 قاراشادا رەسەيدىڭ مەملەكەتتىك دۋماسىنىڭ ءتوراعاسى ۆياچەسلاۆ ۆولودين مالىمدەدى، دەپ حابارلايدى Dalanews.kz.
"ەۋروپالىقتار جاڭا مەكەن رەتىندە رەسەي فەدەراسياسىن تاڭداپ جاتىر"، - دەپ جازدى ول Telegram-ارناسىندا.
ءۆولوديننىڭ ايتۋىنشا، 2024 جىلى ءداستۇرلى رەسەيلىك قۇندىلىقتاردى بولىسەتىن ازاماتتارعا كوشۋ مۇمكىندىگى اشىلعان. ءىىم دەرەكتەرىنە سايكەس، 2025 جىلعى قازاننىڭ سوڭىنا دەيىن وسىنداي 2 مىڭ ءوتىنىش تۇسكەن، ال اي سايىن شامامەن 150-گە جۋىق جاڭا ءوتىنىش قابىلدانادى.
ونىڭ سوزىنشە، رەسەيگە قونىس اۋدارعىسى كەلەتىندەردىڭ باسىم بولىگى، ۇلىبريتانيا، گەرمانيا، يتاليا، لاتۆيا، ليتۆا، فرانسيا جانە ەستونيا تۇرعىندارى.
مەمدۋما ءتوراعاسى اتاپ وتكەندەي، رەسەيدى تاڭداۋدىڭ نەگىزگى سەبەپتەرى قاۋىپسىزدىكتىڭ جوعارى دەڭگەيى، تەگىن مەديسينا مەن ءبىلىم، ءسوز بوستاندىعى.
