احقو قارجىلىق قىزمەتتەر كورسەتۋدى رەتتەۋ جونىندەگى كوميتەتى Proportunity Management Company Limited كومپانياسىنىڭ FinTech Lab ليسەنزياسىنىڭ قولدانىس مەرزىمى 2024 جىلعى 1 شىلدەدە اياقتالعانىن ەسكەرتتى، دەپ حابارلايدى Dalanews.kz.
"Proportunity Management Company Limited كومپانياسىنىڭ احقو-دا تىركەلگەن مەكەنجايى بار. الايدا كومپانيانىڭ ءوزىنىڭ قارجىلىق قىزمەتتەرىن، سونىڭ ىشىندە يسلامدىق بانكتىك بيزنەس پەن يسلامدىق قارجىلاندىرۋعا قاتىستى قىزمەتتەر مەن ونىمدەردى حالىققا ۇسىنۋعا نەمەسە ىلگەرىلەتۋگە AFSA-نىڭ ليسەنزياسى جوق"، دەلىنگەن حابارلامادا.
كوميتەتتىڭ بۇل ءبىرىنشى ەسكەرتۋى ەمەس ەكەن. الايدا ليسەنزياسىنىڭ كۇشى جويىلعان كومپانياعا قۇزىرلى ۆەدومستۆونىڭ قايتا-قايتا ەسكەرتۋ جاساۋمەن شەكتەلىپ وتىرۋى تۇسىنىكسىز. بۇل تۋرالى قانداي دا ءبىر تۇسىنىكتەمەنى كەزدەستىرمەدىك.
ال Proportunity Management Company Limited سايتىندا كومپانيانىڭ جىلجىمايتىن مۇلىككە ينۆەستيسيا سالۋ ءۇشىن قارجى تارتاتىنى، جىلدىق سىياقى مولشەرلەمەسى 18 پايىزدى قۇرايتىن "حالال دەپوزيتتەر" بويىنشا قىزمەت كورسەتەتىنى تۋرالى اقپارات بار.
