ەستەرىڭىزگە سالا كەتەيىك، بۇل توپتىڭ قۇرامىندا رەسەيلىك انەستەزيولوگ-رەانيماتولوگ، رەنتگەنولوگ، پۋلمونولوگ سىندى ماماندار مەن دارىگەرلەر جانە ينفەكسيالىق اۋرۋحانانىڭ قىزمەتكەرلەرى بار. توپتى تاتارستانداعى رەسپۋبليكالىق كلينيكالىق اۋرۋحانانىڭ باس دارىگەرىنىڭ ءبىرىنشى ورىنباسارى مارسەل ميننۋلين باسقارادى.
وڭىرگە كەلگەن تاتارستان دارىگەرلەرى ەكى كۇن بويى شىعىسقازاقستاندىق ارىپتەستەرىنە ونلاين-كونسۋلتاتيۆ جۇرگىزدى. كەلەسى ەكى اپتادا رەسەيلىك ماماندار پروۆيزورلىق جانە ينفەكسيالىق ستاسيونارلاردىڭ بولىمشەلەرىندە بولىپ، مەديسينا قىزمەتكەرلەرىنە كەڭەس بەرىپ، تاجىريبەلەرىمەن ءبولىستى.
بۇدان بولەك، دارىگەرلەر تەلەمەديسينانى دا قولدانىپ ۇلگەردى. ارنايى چات قۇرىلىپ، وعان تاتارستاننىڭ جەتەكشى ماماندارى مەن شىعىس قازاقستاننىڭ دارىگەرلەرى قوسىلدى.
چاتتا كوروناۆيرۋس ينفەكسياسىنىڭ اۋىر ءتۇرىن قالاي ەمدەۋ كەرەكتىگى تۋرالى تالقىلاندى. الداعى ۋاقىتتا تاتارستاننان كەلگەن دارىگەرلەر ەلدەرىنە قايتقان سوڭ دا بۇل چات جۇمىسىن توقتاتپايدى.
ەكى اپتا ىشىندە پروۆيزورلىق ستاسيونارداعى ناۋقاستى ەمدەۋ مەحانيزمى كورسەتىلدى. رەسەيلىك ماماندار شىعىس قازاقستانداعى اۋرۋحانالاردىڭ جابدىقتالۋى مەن دارى-دارمەك قورىنىڭ تۇراقتىلىعىنا جوعارى باعالارىن بەردى. ايتا كەتەيىك، وڭىردە توسەك قورىن قاجەتتى جابدىقتارمەن قامتاماسىز ەتۋ جۇمىسى العا قويىلعان.
بۇگىنگى كۇنى وكپەنى جاساندى جەلدەتەتىن 196 قۇرال، 57 سيفرلىق رەنتگەن اپپاراتى مەن قوسىمشا وكپەنى جاساندى جەلدەتەتىن 50 اپپارات پەن 10 رەنتگەن اپپاراتى بار. سونداي-اق 465 كونسەنتراتور بار، جۋىق ارادا ءدال وسىنداي 277 قۇرال ساتىپ الىنادى. سونىمەن قاتار 200 مونيتور، 200 ينفۋزومات، 3 ەكمو، 178 پۋلسوكسيمەتر، وكپەنى جاساندى جەلدەتەتىن 12 قۇرال، ونىڭ ىشىندە 2 بالالارعا (ءوججق) ارنالعان، 1 كومپيۋتەرلىك توموگراف پەن 216 بىرلىك جەدەل جاردەم كولىگىن ساتىپ الۋ جوسپارلانىپ وتىر.
– شىعىس قازاقستانداعى دارىگەرلەر دۇرىس الگوريتم بويىنشا ەڭبەك ەتۋدە. ءبىز تەك ولاردىڭ تاجىريبەسىن جاقسارتۋعا كومەك كورسەتتىك. قۋانتارلىعى سول، بۇل جاقتا دارىگەرلەردىڭ ءبىلىمىن ارتتىرۋعا، تۇراقتاندىرۋ قورىن قۇرۋعا كوپ كوڭىل بولىنەتىندىگىندە. مۇنىڭ ءبارى اۋرۋدىڭ كۇزدەگى ماۋسىمدىق تولقىنى كەزىندە كادەگە جارايدى. ەڭ باستىسى – پروۆيزورلىق ستاسيونارلار جەدەل قىزمەت كورسەتەدى. ولار الدىڭعى شەپتە ەڭبەك ەتەدى. پتر مەن كت تەستتەرى قورتىندىسىنىڭ تەز ارادا دايىن بولۋى دارىگەرلەرگە دياگنوزدى انىقتاپ، ەم جاساۋعا سەپتىگىن تيگىزەدى، – دەدى مارسەل ميننۋلين.
ايماق باسشىسى تاتارلىق جانە شىعىسقازاقستاندىق دارىگەرلەردىڭ ورتاق تاجىريبەسى نەگىزىندە ارنايى تەحنولوگيالىق قۇجات ازىرلەنەتىنىن اتاپ ءوتتى. كەيىن وسى قۇجات بويىنشا ەمدەۋ جۇرگىزىلەدى.
دانيال احمەتوۆ تاتارستاننان كەلگەن دارىگەرلەردى ءبىر ايدان سوڭ ءبىزدىڭ وڭىرگە قايتا كەلىپ، تاعى ءبىر مارتە تاجىريبەلەرىمەن بولىسۋگە شاقىردى.
