كٷنٸ كەشە عانا Dalainside تەلەگرام ارناسى ينسايدەرلٸك مەلٸمەت كٶزدەرٸنە سٷيەنٸپ, احمەتوۆتىڭ ٶز قىزمەتٸن ساقتاپ قالاتىنىن جازعان ەدٸ. سول بولجام راسقا اينالدى.
جالپى, سوڭعى ۋاقىتتارى Dalainside-تٸڭ ساياسي بولجامدارى دەل كەلٸپ جٷر. جازىلىپ, جاڭالىقتى بٸرٸنشٸ بولىپ بٸلٸپ جٷرۋگە بولادى.
احمەتوۆ كٸم?
ەندٸ دانيال احمەتوۆتىڭ قايتا تاعايىندالۋىنا قاتىستى كٶكەيگە تۇنعان بٸرەر ويىمىزدى كٶپشٸلٸكپەن بٶلٸسسەك.
بيلٸكتٸڭ ۇشار باسىنداعى جوعارى قىزمەتتەردٸڭ بەرٸن اتقارعان احمەتوۆ ٷشٸن قىزمەتٸن ساقتاپ قالۋ اناۋ ايتقانداي قيىن شارۋا ەمەس دەسەك ارتىق ايتقاندىق بولماس. ٶيتكەنٸ دەل قازٸر احمەتوۆتى الماستىرا قوياتىنداي كادر جوق.
احمەتوۆ ٷكٸمەت باسقارعان جىلدارى قازاقستان ەكونوميكاسى بارىنشى دامىدى. مۇنى سول كەزدەگٸ ستاتيستيكالىق دەرەكتەردٸ بٸر قاراپ شىققان ادامنىڭ كٶزٸ جەتەدٸ. سوندىقتان دەكەڭنٸڭ سول كەزدەگٸ ەڭبەگٸن ۇمىتۋعا بولامايدى.
كەزٸندە Dalanews.kz سايتى احمەتوۆ پاۆلوداردا ەكٸم بولىپ تۇرعاندا ٶزٸ موڭعوليياعا «كامازبەن» بارىپ, قانداستارىمىزدى كٶشٸرٸپ ەكەلٸپ, قانداستاردىڭ اۋىلىن قۇرىپ بەرگەن بولاتىن.
بۇدان باسقا ورىسى كٶپ ٶڭٸردە ٶزگەلەرگە ٷلگٸ بولسىن دەپ بالاسىنىڭ قولىنان جەتەكتەپ بارىپ, قازاق مەكتەبٸنە بەرگەنٸن جۇرت جىرداي قىلىپ ەلٸ كٷنگە دەيٸن ايتادى.
تەۋەلسٸزدٸك جىلدارىنداعى تاريحقا ٷڭٸلسەڭٸز, وسىنداي «ەرەكەتكە» بارعان شەندٸنٸ قولىڭىزعا شام الىپ ٸزدەسەڭٸز دە تاپپايسىز. ەرٸ قاراي كەتتٸك.
ەدەتتە ەلدەكٸمدەر دانيال احمەتوۆتٸ وتقا سالسا جانبايتىن, سۋعا سالسا باتپايتىن ەرتەگٸنٸڭ كەيٸپكەرٸنە ۇقساتۋعا قۇمار. شىندىعىندا احمەتوۆتٸڭ ەكٸمدٸك قىزمەتتٸ ساقتاپ قالۋىنىڭ اناۋ ايتقانداي قۇپيياسى جوق.
ەڭ باستىسى ول ٶزٸنە تاپسىرىلعان ٸستٸ تىڭعىلىقتى اتقاراتىن بٸلٸكتٸ مامان, ٸسكەر باسشى. بولعان-بٸتكەنٸ وسى عانا.
ايتالىق, قاراشا ايىندا ريددەر قالاسىندا ەكٸباستۇزداعى جاعدايعا ۇقساس تٶتەنشە وقيعا ورىن العانىن بەرٸمٸز بٸلەمٸز.
بٸراق سول كەزدە ريددەرلٸكتەر جىلۋسىز قالعاندا قوعامدىق ورتادا اناۋ ايتقانداي ايقاي-شۋ تۋىنداعان جوق. سونىمەن قاتار بولعان وقيعانى جاسىرىپ, جابۋ دەگەن دە بولمادى. نەگە?
سول كەزدە احمەتوۆ ريددەرگە بارىپ, جاعدايدى باقىلاۋىندا ۇستاي بٸلدٸ. تەك ٶزٸ عانا بارعان جوق, ٶزٸمەن بٸرگە شىعىستاعى ٸرٸ زاۋىتتاردىڭ بٸلٸكتٸ قىزمەتكەرلەرٸ مەن تەحنيكالارىن الا بارىپ, تٶتەنشە جاعدايدى جويۋعا وبلىستىڭ بارلىق رەسۋرسىن جۇمىلدىردى.
وسىلايشا احمەتوۆ ٶزٸنە سەنٸپ تاپسىرىلعان اۋماقتى باقىلاۋىندا ۇستايتىن ٸسكەر باسشى ەكەنٸن كٶرسەتتٸ. ەيتپەسە ٶندٸرٸسٸ ٶركەندەگەن پاۆلودار وبلىسىندا ەكٸباستۇزداعى جاعدايدى تەز ارادا رەتتەيتٸن رەسۋرسى بولمادى دەگەنگە كٸم سەنەدٸ.
...
بٷگٸندە ٶڭٸرلەردە قاندايدا بٸر تٶتەنشە وقيعا ورىن السا, ورتالىقتا جٷرگەن كەيبٸر شەندٸلەر ٶزٸنە جارناما جاساپ قالۋعا تىرىسادى. بۇدان باسقا «امانات» پارتيياسىنىڭ ۆولونتەرلەرٸ دە جۇرتتان جىلۋ جيناپ, كٶمەگٸن كٶرسەتٸپ جٸبەرەتٸن ەدەت تە قالىپتاستى.
ەڭ بٸرٸنشە كەزەكتە احمەتوۆ ريددەردەگٸ تٶتەنشە وقيعا كەزٸندە ەشكٸمنٸڭ ساياسي جارناما جاساۋىن جول بەرگەن جوق.
دەپۋتاتتار ەكٸباستۇزعا بارعانداي – ريددەرگە اعىلمادى. جەرتٶلەگە تٷسٸپ جاعدايدى ٶز كٶزٸمەن كٶرگەن سمايىلوۆتى دا كٶرمەدٸك.
وسىلايشا احمەتوۆ قازاق قوعامىنا ٶز مەسەلەسٸن ٶزٸ شەشە الاتىن مەنەدجەر ەكەنٸن كٶرسەتتٸ.
وسىنداي سىن ساعاتتا مەسەلەنٸ ىڭ-شىڭسىز شەشكەن احمەتوۆتىڭ ەرەكەتٸ ونىڭ قىزمەتٸن ساقتاپ قالۋىنا قاتىستى ناقتى لوگيكالىق جاۋاپ بولارى انىق.
بٷگٸندە ەلەۋمەتتٸك جەلٸدەگٸ جۇرت احمەتوۆتىڭ زەينەتتٸك جاسىن بەتٸنە باسىپ, ەڭگٸمە ايتۋعا قۇمار. ەندٸ وسى مەسەلەگە قاتىستى كٶكەيٸمٸزدە كٶپتەن بەرٸ جٷرگەن ويىمىزدى بٶلٸسە كەتسەك.
...
وسىعان دەيٸن دانيال احمەتوۆ, بەردٸبەك ساپارباەۆ جەنە اماندىق باتالوۆتى جاستاردىڭ جولىن بايلاپ وتىرعان ادام رەتٸندە كٶرسەتۋگە كٷش سالعان توپتار بولدى.
بۇل ەندٸ نازارباەۆ كەزٸندەگٸ جىمىسقى ساياساتتىڭ بٸر بٶلٸگٸ دەسەك بولادى. نۇرەكەڭ ٶزٸ بيلٸكتەن كەتكەننەن كەيٸن قوعامدىق ورتادا وسىنداي تەندەنتسييا قالىپتاستىرىپ كەتتٸ.
ەگەر جاس كادرلار جەرگٸلٸكتٸ جەردە جۇمىس ٸستەۋگە اڭسارى اۋسا, احمەتوۆتىڭ ەكٸمدٸك قىزمەتٸنەن باسقا دا جۇمىس ورىندارى جەتٸپ ارتىلادى.
«بيلٸككە جاستار كەلسٸن!» دەپ ەڭگٸمە ايتۋشىلار بيلٸككە كەلسە حالىقتىڭ اۋزىنان اق مايدى اعىزاتىن 10 جاستىڭ ەسٸم-سويىن اتاپ بەرە الا ما? اتاي المايدى. جالىنداعان ونداي جاستى دا كٶرمەدٸك.
ەڭگٸمەنٸڭ اشىعىن ايتساق بۇل – نازارباەۆ كەزٸندە پايدا بولعان كٶپ لوزۋنگتەردٸڭ بٸرٸ عانا.
يە, جاستارعا جول بەرۋ كەرەك. بٸراق قانداي جاسقا جول بەرەمٸز? جاۋاپكەرشٸلٸكتٸ موينىنا الاتىن جاس مەنەدجەرلەر بار ما?
بٷگٸندە تٷركييادا قاشىپ جٷرگەن باۋىرجان بايبەك الماتى قالاسىنىڭ ەكٸمٸ بولىپ تاعايىندالعاندا تالاي جاس الماتى قالاسىنداعى جاۋاپتى قىزمەتتەرگە تاعايىندالعان ەدٸ.
سول كەزدە "نۇر-وتاننىڭ" قازانىندا قايناعان مانساپقور جاستار بيلٸككە كەلگەن بەتتە كوممۋنالدىق قىزمەت سالاسىندا ۇزاق جىلدار بويى جۇمىس ٸستەگەن تەجٸريبەلٸ ماماندارعا تٸس باتىرىپ, جۇمىستان شىعارىپ, جۇمىستى قوجىراتىپ جٸبەرگەنٸن بٸر تانىسىمىز ايتقان ەدٸ.
بٸزگە وسىنداي مانساپقور جاستار كەرەك پە?
دەل قازٸر بيلٸك باسىنداعى جاستاردى ەكٸگە بٶلٸپ قاراستىرۋعا بولادى.
بٸرٸنشٸسٸن, نازارباەۆتىڭ يدەولوگيياسىن ۇرانداتقان "نۇر-وتان" بەلسەندٸلەرٸ دەسەك, ەكٸنشٸلەرٸ – كارەراسىن ەكە-كٶكەسٸنٸڭ بانكتەرٸ مەن جەكە كومپانييالارىندا باستاعان قارجى «سپەكۋليانتتارى». ولار "قاتتى ايتتى" دەپ بٸزدٸ سٶگە جامانداماسىن. انىعى وسى.
قازٸر بيلٸكتٸڭ باسىندا جٷرگەن جاستاردىڭ ٶمٸربايانىنا ٷڭٸلسەڭٸز بٸرەۋٸنٸڭ اۋىل-اۋدانداعى ەكٸمدٸكتە, شارۋا قوجالىعىندا, ٶندٸرٸستە بٸر كٷندە جۇمىس ٸستەمەگەنٸنە كٶز جەتكٸزەسٸز.
ەسەسٸنە بەرٸ شەتەلدٸڭ الدىڭعى قاتارلى وقۋ ورىندارىندا بٸلٸم الىپ, ودان كەيٸن اتىنان ات ٷركەتٸن «كورپورەيشندەردە» جۇمىس تەجٸريبەدەن ٶتكەنٸن بايقايسىز.
مۇنداي جاستاردىڭ زەينەت جاسىنداعى كادرلاردان «ارتىق» تۇسى ورىس پەن اعىلشىن تٸلٸن قازاق تٸلٸنەن ارتىق بٸلەتٸنٸ كٶزگە ۇرىپ تۇرادى. ٶمٸرٸنٸڭ كٶپ بٶلٸگٸن شەتەلدە ٶتكٸزگەن مۇنداي جاستار اۋىل اۋدانعا اتتاپ باسپايتىنى بەلگٸلٸ.
يە, بيلٸككە جاستاردى تارۋ كەرەك. بٸزدٸڭشە, بيلٸككە بٸرٸنشٸ كەزەكتە شارۋاشىلىقتا, ٶندٸرٸستە جۇمىس ٸستەپ ىسىلعان جاستاردى ەكەلۋ كەرەك. استاناداعى دٶكەيلەردٸڭ بالالارىن بٸراز ۋاقىتقا وبلىستىق ەكٸمدٸكتەرگە «كومانديروۆكاعا» جٸبەرۋدٸ قويۋ كەرەك.
دەل قازٸر «كورپورەيشندەردە» تەجٸريبە جيناپ, بيزنەس بويىنشا ٸسكەرلٸك ەكٸمشٸلٸك ماگيسترٸ (مۆا) اتانعان ھەم قازاق تٸلٸن بٸلمەيتٸن باي-باعلانداردىڭ بالالارىمەن جەرگٸلٸكتٸ جەرلەردە جاڭا قازاقستاندى قۇرۋ مٷمكٸن ەمەس.
جەڭٸلدٸ استى, اۋىردىڭ ٷستٸمەن جٷرگەن مۇنداي «ماگيسترلەر» ەش ۋاقىتتا احمەتوۆتىڭ ورنىن اۋىستىرا المايدى.
سونى بٸلٸپ جٷرەيٸك, اعايىن.
نۇرلان جۇماحان
