«ق ر ەڭبەك كودەكسىنىڭ 53 بابىنىڭ 1-تارماعىنا سايكەس، «بيپەك اۆتو – ازيا اۆتو» كومپانيالار توبىنىڭ بولىمشەسى 2021 جىلدىڭ 10 اقپانىندا اۋماقتىق جۇمىسپەن قامتۋ ورگاندارىنا اعىمداعى جىلدىڭ 10 ناۋرىزىنان باستاپ بوساتىلۋى مۇمكىن 1969 جۇمىسكەردىڭ ءتىزىمىن ۇسىندى. ولاردىڭ ىشىندە 1905 ادام ەڭبەككە قابىلەتتى بولسا، قالعان 64 قىزمەتكەر زەينەت جاسىندا. وسىعان وراي، اتالعان ازاماتتاردى جۇمىسپەن قامتۋ ماسەلەسىن شەشۋ ماقساتىندا مەنىڭ باسشىلىعىممەن جەدەل شتاب قۇرىلدى. ونىڭ قۇرامىنا قاداعالاۋ جانە قۇقىق قورعاۋ ورگاندارى،
«بيپەك اۆتو – ازيا اۆتو» كومپانياسىنىڭ باسشىلىعى كىردى. وتكەن اپتادا شتابتىڭ ءۇش وتىرىسى ءوتتى. بىرلەسكەن جۇمىستىڭ العاشقى ناتيجەسى – ەڭبەكاقىنى، كوممۋنالدىق جانە بيۋدجەتكە مىندەتتى تولەمدەردى تولەۋ ءۇشىن «بيپەك اۆتو – ازيا اۆتو» كومپانياسىنىڭ بۇعاتتالعان شوتتارى اشىلدى. بۇل رەتتە كومپانيا باسشىلىعى جالاقىنى 2021 جىلعى 10 ناۋرىزعا دەيىن تولەۋ تۋرالى شەشىم قابىلداعانىن اتاپ وتكىم كەلەدى، – دەدى وبلىس اكىمى.
بۇگىن شقو ءىرى كاسىپورىندارىنىڭ قاتىسۋىمەن جەدەل شتابتىڭ تاعى ءبىر وتىرىسى ءوتتى. ءوزارا بىرلەسكەن جۇمىستىڭ ارقاسىندا ەكى كۇن ىشىندە ايماقتاعى جەتەكشى كومپانيالاردىڭ بوس جۇمىس ورىندارىنىڭ ءتىزىمى قۇرىلدى.
ماسەلەن، بۇگىنگى كۇنى ەڭبەككە قابىلەتتى جاستاعى 1905 جۇمىستان بوساتىلاتىن قىزمەتكەر ءۇشىن وبلىس بويىنشا 3199 بوس جۇمىس ورنى بار (رەزەرۆ 1294)، ونىڭ ىشىندە 1303 ءىرى كاسىپورىنداردا جانە 1896 ەلەكتروندىق ەڭبەك بازاسىندا.
جيىن بارىسىندا «كەمونت» اق پەرسونالدارمەن جۇمىس دەپارتامەنتىنىڭ باسشىسى كومپانيا بوساتىلعان قىزمەتكەرلەردى جۇمىسقا قابىلداۋ ءراسىمىن باستاپ كەتكەنىن اتاپ ءوتتى. بۇگىندە 80-نەن استام ادام الدىن-الا اڭگىمەلەسۋدەن وتكەن جانە ولار ءوز مىندەتتەرىن اياقتاعاننان كەيىن جۇمىسقا كىرىسۋگە دايىن ەكەندىگىن جەتكىزگەن.
جۇمىسپەن قامتۋ قىزمەتى ءار اداممەن جەكە-جەكە جۇرگىزىلەتىنىن ەرەكشە اتاپ وتكىم كەلەدى. ءاربىر قىزمەتكەر بويىنشا جەدەل اقپاراتتى مەن كۇن سايىن ساعات 18.00-دە جەكە زەردەلەيتىن بولامىن.
– بۇگىن اۆتوموبيلدەردى ونەركاسىپتىك قۇراستىرۋمەن اينالىساتىن وتاندىق زاۋىتتاردىڭ باسشىلىعىمەن كەلىسسوزدەر جۇرگىزدىم. ولار جيناقتا جۇمىس ىستەيتىن مامانداردى قىزمەتكە الۋعا دايىن ەكەندىگىن جەتكىزدى. سوندىقتان جەدەل شتاب «بيپەك اۆتو – ازيا اۆتو» باسشىلىعىنا الماتى مەن قوستانايدا جۇمىس ىستەگىسى كەلەتىن نەمەسە نيەتى بار 270 ادامنىڭ الدىن الا ءتىزىمىن دايىنداۋدى ۇسىندى، – دەدى دانيال احمەتوۆ جەكە پاراقشاسىندا.
وبلىس اكىمى «بالانى دامىتۋ ورتالىعى» مەكەمەسىنىڭ جۇمىسىن ساقتاۋ باعىتىنداعى اتقارىلىپ جاتقان شارالار تۋرالى دا جازدى. اتالمىش مەكەمە بۇگىنگى تاڭدا 260 ورىندىق مەملەكەتتىك تاپسىرىستى الۋ ءۇشىن ءتيىستى قۇجاتتاردى جيناۋدا. ايتا كەتەيىك، ورتالىقتا 73 ادام جۇمىس ىستەيدى، ونىڭ 28ء-ى پەداگوگ. اتقارىلعان جۇمىستار اياسىندا 11 ناۋرىزدان باستاپ مەملەكەتتىك تاپسىرىس اياسىندا قارجىلاندىرۋدى قامتاماسىز ەتىلەدى. ال قىزمەتكەرلەر ءوز جۇمىستارىن جالعاستىرادى.
