يراننىڭ بۇرىنعى پرەزيدەنتى ماحمۇد احمادينەجاد مەملەكەت باسشىسىن سايلاۋعا ۇمىتكەر بولا المادى. بۇل تۋرالى يراندىق اقپارات قۇرالدارى حابارلادى.
2005-2013 جىلدارى پرەزيدەنت بولعان احمادينەجاد 19 مامىردا وتەتىن پرەزيدەنتتىك سايلاۋعا ۇمىتكەر رەتىندە تىركەلدى. دەگەنمەن ول يراننىڭ سايلاۋلار وتكىزۋ جونىندەگى شتابى جاريالاعان ۇمىتكەرلەر تىزىمىنە ەنبەي قالدى.
احمادينەجاد سىرتقى ساياساتتا كونسەرۆاتيۆتىك ۇستانىمىمەن كوزگە ءتۇستى، ول بۋش اكىمشىلىگىن قاتاڭ سىنعا الدى، يراننىڭ رەسەيمەن جانە اراب ەلدەرىمەن بايلانىسىن كۇشەيتۋدى جاقتادى. بۇعان قوسا ول يزرايل ارەكەتتەرىن سىناۋمەن بولدى. احمادينەجاد - حولوكوستى جوققا شىعارۋشىلاردىڭ ءبىرى.
بۇعان دەيىن اياتوللا ءالي حامەنەي بۇرىنعى پرەزيدەنت احمادينەجادتىڭ سايلاۋعا قاتىسۋىنا قارسى شىققان ەدى.
يراندا 12ء-شى پرەزيدەنتتىك سايلاۋ 19 مامىردا وتەدى.
