اۆتونەسيە الاتىنداردىڭ سانى 15 پايىزعا كەمٸدٸ
ٶتكەن جىلى 500 مىڭنان استام ادام نەسيە العان. «تۇرعىندار كٶپ جاعدايدا بانك ٶنٸمدەرٸنٸڭ ٸشٸندە كەپٸلدٸكسٸز قارىزدى تاڭدايدى» دەيدٸ ماماندار. ٶتكەن جىلى بانكتەر كەپٸلسٸز نەسيەگە 235 ميلليارد تەڭگە بەرگەن. ساراپشىلار 2016 جىلى نەسيە كارتاسىنا دەگەن سۇرانىستىڭ دا ارتقانىن ايتادى. قازٸرگٸ تاڭدا 83 مىڭنان استام قازاقستاندىق «پلاستيكالىق ەميياندى» قولدانادى. بيزنەستٸ نەسيەلەندٸرۋ سەكتورى دا مەشٸن جىلىن جاقسى قورىتىندىلاعان. 2016 جىلى كەسٸپكەرلەرگە بەرٸلگەن نەسيە بٸر تريلليون 300 ميلليارد تەڭگەگە ٶسكەن. ياعني, قازٸرگٸ تاڭدا زاڭدى تۇلعالاردىڭ بانكتەردەن العان قارىز اقشاسى 15 تريلليون 400 ميلليارد تەڭگەگە جەتكەن. ساراپشىلار ەسەسٸنە اۆتونەسيەلەندٸرۋ سالاسىنىڭ بەسەڭدەگەنٸن ايتادى.
قارىزعا كٶلٸك العىسى كەلەتٸندەردٸڭ سانى 15%-عا قىسقارعان. يپوتەكالىق جەنە كەپٸلدٸكپەن قامتاماسىز ەتٸلگەن نەسيەلەردٸڭ دە قارقىنى باسىلعان.
ساراپشىلار 2015 جىلمەن سالىستىرعاندا 2016 جىلى يپوتەكالىق نەسيەنٸڭ كٶلەمٸ 128 ميللياردقا, ال كەپٸلدٸكپەن قامتاماسىز ەتٸلگەن نەسيەنٸڭ كٶلەمٸ 70 ميلليارد تەڭگەگە ازايعانىن العا تارتتى.
– بانك سالاسىنداعى ىقتيمال بٸرٸگۋلەر مەن كەيبٸر سٷبەلٸ بانكتەردٸڭ ستراتەگييالارىنىڭ ٶزگەرۋٸن ەسكەرسەك, 2017 جىلى نەسيە قورجىنى قارقىندى ۇلعايادى دەپ ايتۋ قيىن. بٸراق كەپٸلدٸكسٸز تۇتىنۋشىلىق نەسيەگە سۇرانىس بۇرىنعىسىنشا جوعارى بولادى. سونداي-اق نەسيە كارتالارىمەن اينالىساتىن بانكتەر اراسىندا كليەنت ٷشٸن بەسەكە قىزا تٷسەدٸ, – دەيدٸ بٸرٸنشٸ نەسيە بيۋروسىنىڭ باس ديرەكتورى رۋسلان وماروۆ.
