Avtonesie alatyndardyń sany 15 paiyzǵa kemidi
Ótken jyly 500 myńnan astam adam nesie alǵan. «Turǵyndar kóp jaǵdaida bank ónimderiniń ishinde kepildiksiz qaryzdy tańdaidy» deidi mamandar. Ótken jyly bankter kepilsiz nesiege 235 milliard teńge bergen. Sarapshylar 2016 jyly nesie kartasyna degen suranystyń da artqanyn aitady. Qazirgi tańda 83 myńnan astam qazaqstandyq «plastikalyq ámiiandy» qoldanady. Biznesti nesielendirý sektory da meshin jylyn jaqsy qorytyndylaǵan. 2016 jyly kásipkerlerge berilgen nesie bir trillion 300 milliard teńgege ósken. Iaǵni, qazirgi tańda zańdy tulǵalardyń bankterden alǵan qaryz aqshasy 15 trillion 400 milliard teńgege jetken. Sarapshylar esesine avtonesielendirý salasynyń báseńdegenin aitady.
Qaryzǵa kólik alǵysy keletinderdiń sany 15%-ǵa qysqarǵan. Ipotekalyq jáne kepildikpen qamtamasyz etilgen nesielerdiń de qarqyny basylǵan.
Sarapshylar 2015 jylmen salystyrǵanda 2016 jyly ipotekalyq nesieniń kólemi 128 milliardqa, al kepildikpen qamtamasyz etilgen nesieniń kólemi 70 milliard teńgege azaiǵanyn alǵa tartty.
– Bank salasyndaǵy yqtimal birigýler men keibir súbeli bankterdiń strategiialarynyń ózgerýin eskersek, 2017 jyly nesie qorjyny qarqyndy ulǵaiady dep aitý qiyn. Biraq kepildiksiz tutynýshylyq nesiege suranys burynǵysynsha joǵary bolady. Sondai-aq nesie kartalarymen ainalysatyn bankter arasynda klient úshin báseke qyza túsedi, – deidi Birinshi nesie biýrosynyń bas direktory Rýslan Omarov.
