تارازداعى "ەۋليە-اتا" حالىقارالىق ەۋەجايى اۆياوتىندى مونوپولييالىق جوعارى باعامەن ساتقانى ٷشٸن جاۋاپقا تارتىلدى. سوت كەسٸپورىنعا 3,2 ملن تەڭگە ايىپپۇل سالىپ, زاڭسىز الىنعان 25,2 ملن تەڭگە مونوپولييالىق كٸرٸستٸ تەركٸلەۋ تۋرالى شەشٸم شىعاردى, دەپ حابارلايدى dalanews.kz.
بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ جامبىل وبلىسىنداعى دەپارتامەنتٸ ەۋەجايدىڭ اۆياوتىن باعاسىن قالاي بەلگٸلەگەنٸن تەكسەرگەن. نارىقتاعى بەسەكە مەن باعا ٶزگەرٸسٸن تالداۋ نەتيجەسٸندە اۆياكەروسيننٸڭ باعاسى نەگٸزسٸز جوعارى قويىلعانى انىقتالدى.
ەۋەجاي تەكسەرۋ قورىتىندىسىمەن كەلٸسپەي, ونى ەكٸ سوت ساتىسىندا داۋلاعان. الايدا جامبىل وبلىستىق سوتى تەرگەۋ نەتيجەسٸن زاڭدى ەرٸ نەگٸزدٸ دەپ تانىدى. كەيٸن تاراز قالاسىنىڭ ەكٸمشٸلٸك قۇقىق بۇزۋشىلىقتار جٶنٸندەگٸ مامانداندىرىلعان سوتىندا ەۋەجاي ٶكٸلدەرٸ كٸنەسٸن مويىنداعان.
ايىپپۇل مەن مونوپولييالىق كٸرٸستٸ تەركٸلەۋدەن بٶلەك, انتيمونوپولييالىق ورگان ەۋەجايعا زاڭ بۇزۋشىلىقتى توقتاتىپ, اۆياكەروسينگە ەكونوميكالىق تۇرعىدان نەگٸزدەلگەن باعا بەلگٸلەۋدٸ تاپسىردى.
بۇعان دەيٸن دە قازاقستاننىڭ باسقا ەۋەجايلارىندا اۆياوتىن ساتۋعا قاتىستى زاڭ بۇزۋشىلىقتار انىقتالعان. مەسەلەن, استانا ەۋەجايىنىڭ وتىن جەتكٸزۋشٸلەردەن العان الىمى بويىنشا تەكسەرۋ جٷرگٸزٸلسە, تٷركٸستان ەۋەجايى كەسٸپكەرلەردەن ەۋەجاي اۋماعىندا اۆياوتىن ساتۋ قۇقىعى ٷشٸن اقى العانى ٷشٸن ايىپپۇل ارقالاعان.
