رەسەيدٸڭ جابىق كانالدار ارقىلى قازاقستاننان 50 مىڭ توننا اي-92 بەنزينٸ بويىنشا ۇسىنىسپەن شىققانىن Reuters جازعان بولاتىن. ينسايدەرلەردٸڭ سٶزٸنشە ونىڭ ەكٸ باعىتى ۇسىنىلعان. بٸرٸنشٸسٸندە, رەسەي قازاقستاننان دايىن بەنزين ساتىپ الادى. ەكٸنشٸسٸندە, رەسەيلٸك مۇنايدى قازاقستاندىق مۇناي ٶڭدەۋ زاۋىتتارىندا ٶڭدەپ, ٶزدەرٸنە تاسيدى.
"استانا ەلٸ مەسكەۋگە جاۋاپ بەرمەدٸ. بٸراق جابىق ەسٸك جاعدايىنداعى كەڭەستە بەنزيننٸڭ ٶتەۋٸ رەتٸندە اۆياكەروسين سۇراۋ بويىنشا نۇسقا بارلىق تاراپتارعا ۇناپ وتىر. سەبەبٸ ەلٸمٸزدٸ اۆياوتىن تاپشىلىعى قاتتى قىسىپ بارادى. جازعى دەمالىس كەزەڭٸ باستالعاندا بۇل دەفيتسيت ٶرشي تٷستٸ. اۆياكەروسين جەتٸسپەسە, اۆياحابقا اينالۋ بويىنشا جوسپاردىڭ بارلىعى بۇزىلماق", - دەيدٸ, DALA INSIDE دەرەككٶزٸ.
قازاقستان جىلىنا شامامەن 724–726 مىڭ توننا اۆياكەروسين ٶندٸرەدٸ. ال ەلدٸڭ جىلدىق سۇرانىسى 1,1–1,2 ملن تونناعا جەتكەن. ياعني جىل سايىن 350–450 مىڭ توننا كٶلەمٸندە تاپشىلىق يمپورتپەن جابىلادى. ونىڭ باسىم بٶلٸگٸ رەسەيدەن كەلٸپ جٷرگەن ەدٸ.
الداعى شٸلدە ايىندا جاعداي كٷردەلەنە تٷسۋٸ مٷمكٸن. 26 ماۋسىم مەن 15 شٸلدە ارالىعىندا اتىراۋ مۇناي ٶڭدەۋ زاۋىتى جوسپارلى جٶندەۋگە توقتايدى. وسى كەزدە جازعى دەمالىس ماۋسىمىنىڭ شارىقتاۋ كەزەڭٸنە كەلەمٸز دە, تۇراقتى جەنە چارتەرلٸك رەيستەر سانى كٶبەيەدٸ. سونىڭ سالدارىنان قازاقستاندا اۆياكەروسين تاپشىلىعى كٷشەيەدٸ دەگەن بولجام بار.
رەسەيدە اۆياكەروسين ٶندٸرٸسٸ شامامەن 30 پايىزعا قىسقاردى دا, قالعان رەزەرۆتٸ مەسكەۋ يمپورتقا شىعارماي, ٶزٸندە ستراتەگييالىق زاپاس رەتٸندە ۇستاماق نيەتتە. قازاقستان ودان كەلٸسٸلگەن يمپورت كٶلەمٸن توقتاتپاۋدى تالاپ ەتپەك. 50 مىڭ توننا بەنزين وسى كەلٸسسٶزدە قولداناتىن رىچاگقا اينالىپ وتىر. نە بولسا دا, قازاقستان دايىن بەنزين بەرمەيدٸ. تەك سۆوپ الماسۋ ارقىلى باتىس-قازاقستانداعى شاعىن مۇناي ٶڭدەۋ زاۋىتىنىڭ قۋاتىن ۇسىنۋى مٷمكٸن.
