الماتى وبلىسىنداعى اۆات اۋىلىنىڭ تۇرعىندارى ەكولوگييالىق جاعدايعا بايلانىستى قايتادان دابىل قاعۋدا. اۋىل حالقىنىڭ ايتۋىنشا, ەلدٸ مەكەندەگٸ ٶمٸر سٷرۋ جاعدايى جىلدان-جىلعا قيىنداپ بارادى: بٸر جاعىنان كارەردەن كٶتەرٸلەتٸن شاڭ مازا بەرمەسە, ەكٸنشٸ جاعىنان قوقىس پوليگوندارىنان تارايتىن تٷتٸن مەن جاعىمسىز يٸس تۇرعىنداردى ەبدەن تيتىقتاتقان, دەپ حابارلايدى dalanews.kz.
اۋىل تۇرعىندارىنىڭ سٶزٸنشە, مەسەلە ەسٸرەسە جاز مەزگٸلٸندە ۋشىعا تٷسەدٸ. كٷن ىستىقتا ٷيلەردٸڭ تەرەزەسٸن اشۋدىڭ ٶزٸ قيىنعا سوعادى. ٶيتكەنٸ كەي كەزدەرٸ قوقىس قالدىقتارى جانىپ, تٷتٸن مەن قولقانى قاباتىن يٸس بٷكٸل اۋىلدى باسىپ قالادى.
بۇل جاعدايدىڭ بٷگٸن عانا پايدا بولماعانى دا ايتىلىپ وتىر. اشىق دەرەككٶزدەردەگٸ مەلٸمەتتەرگە سٷيەنسەك, بٸرنەشە جىل بۇرىن-اق اۆات تۇرعىندارى اۋىل ماڭىنداعى قوقىس پوليگوندارىن جابۋدى تالاپ ەتٸپ, جيٸ بولاتىن ٶرتتەر مەن تٷتٸنگە قاتىستى شاعىمدارىن جارييا تٷردە جەتكٸزگەن.
سونداي-اق رەسمي ەكولوگييالىق قۇجاتتاردا اۋىلدىڭ باتىس بٶلٸگٸندە ورنالاسقان «اۆات» كەن ورنىنداعى قۇم-قيىرشىق تاس ٶندٸرەتٸن كارەردٸڭ جۇمىسى كٶرسەتٸلگەن.
وسىعان بايلانىستى تۇرعىندار بٸرنەشە ماڭىزدى سۇراق كٶتەرۋدە: نەگە جىلدار بويى ايتىلىپ كەلە جاتقان مەسەلە ەلٸ كٷنگە دەيٸن تولىق شەشٸلمەگەن? اۋا ساپاسىن كٸم باقىلايدى? پوليگوندار مەن كارەرلەردٸڭ ەكولوگييالىق تالاپتاردى ساقتاۋىن قانداي ورگاندار قاداعالايدى? ەگەر قوقىس زاڭسىز ٶرتەلسە, وعان كٸم جاۋاپ بەرەدٸ?
تۇرعىندار الماتى وبلىسىنىڭ ەكٸمدٸگٸنە, ەكولوگييا دەپارتامەنتٸنە جەنە تابيعاتتى قورعاۋ پروكۋراتۋراسىنا ناقتى شارالار قابىلداۋدى سۇرايدى. ولاردىڭ پٸكٸرٸنشە, اۋاعا تارايتىن لاستاۋشى كٶزدەردٸ انىقتاپ, ارنايى تەكسەرٸس جٷرگٸزٸپ, اۋا ساپاسىنا ٶلشەۋلەر جاسالىپ, پوليگوندار مەن كارەرلەردٸڭ قىزمەتٸ ەكولوگييالىق تالاپتارعا سەيكەستٸگٸ تۇرعىسىنان تەكسەرٸلۋٸ قاجەت. سونىمەن قاتار تەكسەرۋ نەتيجەلەرٸ حالىققا اشىق جارييالانۋى تيٸس.
اۋىل تۇرعىندارى مەملەكەت باسشىسىنان دا ٶڭٸردەگٸ ەكولوگييالىق احۋالعا نازار اۋدارۋدى سۇرايدى. ولاردىڭ ايتۋىنشا, حالىق كارەر شاڭى مەن قوقىس تٷتٸنٸنٸڭ ورتاسىندا ٶمٸر سٷرۋگە مەجبٷر بولماۋى كەرەك.
تجد نە دەيدٸ?
الماتى وبلىستىق تٶتەنشە جاعدايلار دەپارتامەنتٸنٸڭ باسپاسٶز قىزمەتٸ اتالعان جاعدايعا قاتىستى تٷسٸنٸكتەمە بەردٸ.
ۆەدومستۆو مەلٸمەتٸنشە, تالعار اۋدانىنداعى اقتاس اۋىلى ماڭىندا ورنالاسقان كارەر اۋماعىندا قوقىس ٶرتەنگەن.
«ٶرت تولىقتاي سٶندٸرٸلدٸ. وقيعا ورنىندا تجد كٷشتەرٸ, جەرگٸلٸكتٸ اتقارۋشى ورگانداردىڭ ٶكٸلدەرٸ جەنە اۋماق يەسٸنٸڭ ٶكٸلدەرٸ جۇمىس ٸستەدٸ. زارداپ شەككەندەر جوق. انىقتالعان زاڭبۇزۋشىلىق فاكتٸسٸ بويىنشا جاۋاپتى تۇلعا ەكٸمشٸلٸك جاۋاپكەرشٸلٸككە تارتىلدى», – دەپ حابارلادى ۆەدومستۆو.
سونداي-اق تجد تۇرعىندارعا ٶرت قاۋٸپسٸزدٸگٸ ەرەجەلەرٸن قاتاڭ ساقتاۋدى ەسكەرتتٸ.
