جەتٸسۋ وبلىسىندا دەرٸگەر تاپشىلىعى مەسەلەسٸن شەشۋ ماقساتىندا ٶتكەن جىلدان باستاپ رەسپۋبليكا بويىنشا العاش رەت ٶڭٸردە دەرٸگەرلەرگە كٶتەرمە اقى تٶلەنە باستادى. قابىلدانعان شارالاردىڭ نەتيجەسٸندە وبلىستاعى كادر تاپشىلىعى 20,3%-عا قىسقاردى,- دەپ حابارلايدى Dalanews.kz
وبلىس ەكٸمٸنٸڭ باستاماسىمەن جٷزەگە اسىرىلىپ جاتقان اتالمىش باعدارلامانىڭ اياسىندا جەرگٸلٸكتٸ بيۋدجەت ەسەبٸنەن اۋىلدىق جەرلەرگە جۇمىس ٸستەۋگە كەلگەن دەرٸگەرلەرگە 10 ملن. تەڭگەدەن, ال قالاعا كەلگەندەرگە 5 ملن. تەڭگە كٶلەمٸندە كٶتەرمە اقى تٶلەنەدٸ. ول ٷشٸن الدىمەن ٷش ايلىق سىناق مەرزٸمٸنەن سەتتٸ ٶتۋ كەرەك. بۇدان ەرٸ دەرٸگەر سول ٶڭٸردەگٸ مەديتسينا مەكەمەسٸندە كەمٸندە بەس جىل جۇمىس ٸستەۋٸ تيٸس.
باعدارلاما باستالعالى بەرٸ 110 دەرٸگەرگە كٶتەرمە اقى تٶلەندٸ. ولاردىڭ قاتارىندا اكسۋ اۋداندىق ورتالىق اۋرۋحاناسىندا جۇمىس ٸستەيتٸن دەرٸگەرلەر وتباسى قايرات قوڭىرباەۆ پەن كەمشات جانعاباەۆا دا بار.
– ٶزٸم كارديولوگپىن, ال زايىبىم – اكۋشەر-گينەكولوگ. ەكەۋٸمٸزدٸڭ مەديتسينا سالاسىنداعى جالپى ەڭبەك ٶتٸلٸمٸز – 18 جىل. وتباسى رەتٸندە 20 ملن. تەڭگە كٶلەمٸندە كٶتەرمە اقى الدىق, سونىڭ ارقاسىندا باسپانالى بولدىق. بۇل – جاس ماماندار ٷشٸن دە, حالىق ٷشٸن دە ٶتە پايدالى باعدارلاما. سەبەبٸ وسىنداي قولداۋدىڭ ارقاسىندا ٶڭٸردٸڭ اۋىلدارىنا جۇمىس ٸستەۋگە كەرەكتٸ ماماندار كەلۋدە, – دەدٸ ق. قوڭىرباەۆ.
بٷگٸن ٶڭٸردە ٶتكەن مەديتسينا قىزمەتكەرلەرٸ كٷنٸنە ارنالعان سالتاناتتى ٸس-شارادا ايماققا جۇمىس ٸستەۋگە كەلگەن ماماندارمەن ەڭگٸمەلەسكەن جەتٸسۋ وبلىسىنىڭ ەكٸمٸ بەيبٸت يساباەۆ:
- وبلىس ەكٸمدٸگٸ ٶز تاراپىنان زاماناۋي مەديتسينالىق جابدىقتارمەن قامتاماسىز ەتٸپ, اۋرۋحانالار مەن ەمحانالار سالۋعا كٶپ كٶڭٸل بٶلٸپ كەلەدٸ. بۇل رەتتە تەك قالالاردا عانا ەمەس, بٸرٸنشٸ كەزەكتە اۋىلدىق جەرلەرگە ەرەكشە نازار اۋدارىپ وتىرمىز. دەگەنمەن كٶپ نەرسە دەرٸگەرلەردٸڭ, جالپى مەديتسينا قىزمەتكەرلەرٸنٸڭ بٸلٸكتٸلٸگٸنە بايلانىستى. سوندىقتان قولدا بار مٷمكٸندٸكتەردٸ پايدالانىپ, ەرتە دياگنوستيكالاۋ مەن دۇرىس دياگنوز قويۋعا ەرەكشە كٶڭٸل بٶلٸپ, ساپالى ەم جٷرگٸزۋ كەرەك. بۇل رەتتە ٶز ٸسٸنە ادال, ٷنەمٸ بٸلٸكتٸلٸگٸن ارتتىرىپ وتىراتىن, جاۋاپكەرشٸلٸگٸ بار مامانداردىڭ رٶلٸ ەلەۋلٸ. ٶيتكەنٸ مەديتسينا - جاي بٸر قاتارداعى جۇمىس ەمەس, ادام ٶز ٶمٸرٸ مەن دەنساۋلىعىن سەنٸپ تاپسىراتىن اسا جاۋاپتى كەسٸپ. سوندىقتان سٸزدەردٸڭ ەڭبەكتەرٸڭٸزگە تابىس, وتباسىلارىڭىزعا باق-بەرەكە تٸلەيمٸن - دەدٸ ب. يساباەۆ.
اتاپ ٶتسەك, ٶڭٸردە مەديتسينا قىزمەتكەرلەرٸنٸڭ بٸلٸكتٸلٸگٸن ارتتىرۋ جۇمىستارى تۇراقتى جٷرگٸزٸلەدٸ. بۇل باعىتتا تٷركييا, وڭتٷستٸك كورەيا سىندى شەت مەملەكەتتەردٸڭ ماماندارىمەن تەجٸريبە الماسۋ جەنە تاعىلىمدامادان ٶتۋ قاراستىرىلعان. سونىمەن قاتار سۇرانىسقا يە بەيٸندٸ مەديتسينا ماماندارىن دايارلاۋ ماقساتىندا 2024 جىلى 45 مامان رەزيدەنتۋرادا جٸبەرٸلٸپ, وقىپ جاتىر.
سونداي-اق بيىل 18 مەديتسينا مامانى جۇمىسقا كەلگەن كٶكسۋ اۋدانىندا وبلىس ەكٸمٸنٸڭ تاپسىرماسىمەن مەديتسينا قىزمەتكەرلەرٸنە ارناپ 20 پەتەرلٸك بەس قاباتتى تۇرعىن ٷي سالىنۋدا.
