“اۋىل” پارتياسىنىڭ ءتوراعاسى سەرىك ەگىزبايەۆ جاڭا ۇكىمەت اگروونەركاسىپ كەشەنىندەگى نەگىزگى ماسەلەلەردى شەشەدى دەگەن ۇمىتتە. وسى تۇستا ول ديقانداردىڭ قازىرگى جاعدايىنا ەرەكشە توقتالىپ ءوتتى، دەپ حابارلايدى Dalanews.kz.
ءتوراعا وتكەن جىلى اۋىل شارۋاشىلىعىندا كەلەڭسىز جايتتىڭ ناتيجەسىندە ديقاندار ۇلكەن شىعىنعا ۇشىراعانىن جەتكىزدى. ونىڭ ايتۋىنشا، بۇل ماسەلەگە ەشكىم نازار اۋدارماعان.
“اۋىل پارتياسى ۇكىمەتكە ەڭ الدىمەن اۋىل تۇرعىندارى مەن اگروونەركاسىپ كەشەنىن تولعاندىراتىن ماسەلەلەردى قويعان بولاتىن. ءبىزدىڭ ۇستانىم ءارقاشان پرەزيدەنت تاپسىرمالارىمەن سايكەس كەلەتىنىنىنە قۋانىشتىمىز. ديقاندارىمىز بىلتىر ەرەكشە قيىن جاعدايعا تاپ بولىپ، 300 ملرد تەڭگەگە جۋىق شىعىنعا ۇشىرادى. سول كەزدە اۋىل پارتياسى ۇكىمەتكە ساۋال جاسادى. وكىنىشكە قاراي ەشكىم قۇلاق اسپادى" - دەدى سەرىك ەگىزبايەۆ.
ءتوراعا وسىنداي قيىندىق تۋعىزعان ماسەلەلەر ەندى جاڭا ۇكىمەت نازارىنان تىس قالماسا ەكەن دەيدى.
“جاڭا ۇكىمەت اگروونەركاسىپ كەشەنىنىڭ پروبلەمالىق ماسەلەلەرىن شەشەدى دەپ ۇلكەن ءۇمىت ارتامىز. “اۋىل“ پارتياسى جاڭا پرەمەر-مينيستر مەن جاڭا ۇكىمەت مۇشەلەرى پرەزيدەنتىمىزدىڭ تاپسىرمالارىن دەرەۋ ورىندايتىن جانە پارلامەنت دەپۋتاتتارىنىڭ، ونىڭ ىشىندە 8 ميلليونعا جۋىق اۋىل تۇرعىندارىنىڭ مۇددەسىن قورعايتىن پارتيا دەپۋتاتتارىنىڭ ۇسىنىستارىن ەسكەرەتىن، قۇلاق اساتىن، قاجەت شەشىمدەردى تەز قابىلدايتىن، ىقپالدى پارلامەنتكە ەسەپ بەرەتىن مىقتى ۇكىمەت بولادى دەپ ءۇمىت ارتامىز”، — دەدى ول.
