“Aýyl” partiiasynyń tóraǵasy Serik Egizbaev jańa Úkimet agroónerkásip keshenindegi negizgi máselelerdi sheshedi degen úmitte. Osy tusta ol diqandardyń qazirgi jaǵdaiyna erekshe toqtalyp ótti, dep habarlaidy Dalanews.kz.
Tóraǵa ótken jyly aýyl sharýashylyǵynda keleńsiz jaittyń nátijesinde diqandar úlken shyǵynǵa ushyraǵanyn jetkizdi. Onyń aitýynsha, bul máselege eshkim nazar aýdarmaǵan.
“Aýyl partiiasy Úkimetke eń aldymen aýyl turǵyndary men agroónerkásip keshenin tolǵandyratyn máselelerdi qoiǵan bolatyn. Bizdiń ustanym árqashan Prezident tapsyrmalarymen sáikes keletininine qýanyshtymyz. Diqandarymyz byltyr erekshe qiyn jaǵdaiǵa tap bolyp, 300 mlrd teńgege jýyq shyǵynǵa ushyrady. Sol kezde Aýyl partiiasy Úkimetke saýal jasady. Ókinishke qarai eshkim qulaq aspady" - dedi Serik Egizbaev.
Tóraǵa osyndai qiyndyq týǵyzǵan máseleler endi jańa Úkimet nazarynan tys qalmasa eken deidi.
“Jańa Úkimet agroónerkásip kesheniniń problemalyq máselelerin sheshedi dep úlken úmit artamyz. “Aýyl“ partiiasy jańa Premer-Ministr men jańa Úkimet músheleri Prezidentimizdiń tapsyrmalaryn dereý oryndaityn jáne Parlament depýtattarynyń, onyń ishinde 8 millionǵa jýyq aýyl turǵyndarynyń múddesin qorǵaityn partiia depýtattarynyń usynystaryn eskeretin, qulaq asatyn, qajet sheshimderdi tez qabyldaityn, yqpaldy Parlamentke esep beretin myqty Úkimet bolady dep úmit artamyz”, — dedi ol.
