ەلدى مەكەندەر ءۇشىن سۋ ماسەلەسى وتە ماڭىزدى. اۋداندا ەلدى مەكەندەردىڭ 60،2 پايىزى عانا ورتالىقتاندىرىلعان سۋ جۇيەسىنە قوسىلعان. سول سەبەپتى تۇرعىنداردى تازا تىرشىلىك نارىمەن قامتاماسىز ەتۋ جۇمىستارى كەزەڭ-كەزەڭىمەن اتقارىلىپ كەلەدى.
قۇرىلىس نىسانىندا بولعان اۋدان باسشىسى بۇگىنگى كۇنگە دەيىن اتقارىلعان جۇمىس جاعدايىن سارالاي وتىرىپ، الداعى ۋاقىتتا اتقارىلاتىن جۇمىستار بويىنشا جاۋاپتى مەردىگەر مەكەمە ماماندارىنا قۇرىلىستىڭ ساپالى جۇرگىزىلۋىن جانە بەلگىلەنگەن مەرزىمدە اياقتالۋىن تاپسىردى.
ايتا كەتسەك، قازىرگى تاڭدا ەلدى مەكەنگە مەردىگەر مەكەمە «ا.S. ينۆەستروي» جشس-گى تاراپىنان 37 شاقىرىم سۋ قۇبىرلارى جۇرگىزىلىپ، اۋىز سۋ قۇدىقتارى مەن سۋ ساقتاۋ قويمالارى ورناتىلعان.
جالپى قۇرىلىس جۇمىستارى اياقتالعاننان كەيىن ەلدى مەكەندەگى 513 ابونەنت، ياعني 3956 تۇرعىن ساپالى اۋىز سۋمەن قامتىلاتىن بولادى. قۇرىلىس جۇمىستارىن بيىل جەلتوقسان ايىندا تولىعىمەن اياقتاپ، پايدالانۋعا بەرۋ جوسپارلانعان.
