دەپۋتات اتالعان ناۋقانعا اپىل-عۇپىل دايىندالعان ۇكىمەت سايلاۋدى ءوز دەڭگەيىندە وتكىزۋگە دارمەنسىز دەپ ەسەپتەيدى. ونىڭ ۇستىنە ۋاقىت تا ورايسىز. ىندەت قايتا اسقىنعان شاقتا مۇنداي دەڭگەيدەگى ناۋقان وتكىزۋ اقىلعا سىيمايتىن ارەكەت.
"اۋىل اكىمدەرىنىڭ سايلاۋالدى باعدارلاماسى قايدا، بار ما؟ جۇرتپەن جۇزدەسىپ، تۇرعىنداردىڭ الدىنان ءوتتى مە؟ ۇكىمەت تاراپىنان قاندايدا ءبىر اقپاراتتىق ۇگىت-ناسيحات جۇرگىزىلدى مە؟ شىنتۋايتىندا اۋىلداعى اعايىن مۇنداي شارانىڭ وتەرىنەن حابارسىز. اكىمدەر حالىقپەن جۇزبە-جۇز ەمەس، ونلاين كەزدەسەدى ەكەن. اۋىل تۇرماق كەيبىر قالالىق جەردە ينتەرنەتتىڭ ۇستاۋى قيىن. ءمامين ۇكىمەتى مۇنى قالاي جۇزەگە اسىرماقشى؟"، – دەيدى ايقىن مىرزا.
دەپۋتات بۇل سايلاۋعا ءازىر قىزمەتىندە وتىرعان اكىمدەردىڭ قاتىسۋىنا قارسى. حالىق وسى لاۋازىمعا لايىقتى ازاماتتى وزدەرى تاڭداۋى قاجەت.
"كىم كرەسلوسىن وڭايشىلىقپەن بوساتا قويسىن. قىزمەتىنە جارماسىپ وتىرعان قازىرگى اكىمدەر الداعى سايلاۋدا اكىمشىلىك رەسۋرستى پايدالانىپ، جەڭىپ كەتۋى ابدەن مۇمكىن. سوندىقتان ولاردى بۇل ناۋقانعا ماڭايلاتپاۋ كەرەك. بۇلار سايلاۋعا قاتىسار بولسا، توقايەۆتىڭ تاپسىرماسىنان ءمان كەتەدى. ءمامين ۇكىمەتىنە ايتارىم، كوزبوياۋشىلىقتى دوعارۋ قاجەت. ۇكىمەتتىڭ سىڭايىنا قاراسام سايلاۋدى ەرتەرەك وتكىزىپ، ەرتەرەك ەسەپ بەرىپ بۇل ناۋقاننان قۇتىلعانشا اسىق بولىپ ءجۇر. ال مۇنىڭ پايداسىنان زيانى كوپ، وتكەنىنەن وتپەگەنى جاقسى..."، – دەيدى حالىق قالاۋلىسى.
ايتا كەتەيىك وسى جىلدىڭ تامىز ايىندا ءبىراز اۋىل اكىمدەرىنىڭ وكىلەتتىگى اياقتالىپ، قىزمەتىنەن بوسايدى. ال اۋىل تۇرعىندارى جالپى سانى 755 اكىمدى تىكەلەي داۋىس بەرۋ ارقىلى سايلاۋعا مۇمكىندىك الماق. سايلاۋدىڭ ۋاقىتى جاقىن كۇندەرى بەلگىلى بولماق. ناۋقاندى ۇيىمداستىرۋ ءۇشىن بيۋدجەتتەن 4،7 ملرد تەڭگە ءبولىندى.
