اۋعانستانداعى جاعداي، جاھاندىق شيەلەنىستىڭ جالپى ارتۋى اسكەري-ونەركاسىپتىك كەشەن مەن اسكەري دوكترينانى قايتا قاراستىرۋ مىندەتىن العا تارتادى.
قورعانىس قابىلەتىن نىعايتۋ، تيىمدىلىكتى ارتتىرۋ، قاتەرگە قارسى ارەكەت ەتۋ دە مەملەكەتتىك ماڭىزى بار باسىمدىققا اينالۋى ءتيىس، - دەدى توقايەۆ قازاقستان حالقىنا جىل سايىنعى جولداۋىندا.
ونىڭ ايتۋىنشا، سىرتقى سوققىلارعا جانە ەڭ ناشار سەنارييگە دايىندالۋ قاجەت.
مەملەكەت باسشىسى سىرتتان كەلەتىن تاۋەكەلدەردى مودەلدەۋ ماسەلەسى وتە وزەكتى بولىپ جاتقانىن جەتكىزدى.
مەملەكەت باسشىسى اتاپ وتكەندەي، سترەسس-تەستتەر وتكىزۋ، سەنارييلەردى ازىرلەۋ قاجەت، ولاردىڭ نەگىزىندە مەملەكەتتىك اپپاراتتىڭ ءىس-شارالار جوسپارى ازىرلەنىپ، جاساقتالادى.
