ەكونوميست ايدارحان قۇسايىنوۆ سالىقتى كوتەرمەس بۇرىن وتاندىق ءوندىرىستى كۇشەيتۋ قاجەت ەكەنىن ايتتى، دەپ حابارلايدى Dalanews.kz
ساراپشى BES.Media ءتىلشىسىنىڭ سۇراعىنا جاۋاپ بەرگەن. سالىق رەفورماسى قازىرگى تاڭدا دۇرىس باعىتتا جۇزەگە اسىرىلىپ وتىرعان جوق. ەڭ الدىمەن يمپورتتىق تاۋارلاردىڭ باعاسىن ارتتىرۋ قاجەت، بۇل ءوز كەزەگىندە وتاندىق ءوندىرىستىڭ دامۋىنا قۋاتتى سەرپىن بەرەرى ءسوزسىز. ەكونوميكا ناقتى جۇمىس ىستەي باستاعان كەزدە عانا كىرىستەر ءوسىپ، مەملەكەتتىك قازىناعا تۇسەتىن تۇسىمدەر كوبەيەدى. تەك وسىدان كەيىن بارىپ سالىق مولشەرلەمەلەرىن كەزەڭ-كەزەڭىمەن ارتتىرۋ ورىندى بولماق.
وسى پىكىردى ەكونوميست ايدارحان قۇسايىنوۆ ايتتى. ونىڭ ايتۋىنشا، سالىقتى كوتەرۋ قاجەتتىلىگى بار ەكەنى راس، الايدا قازىرگى كەزەڭ بۇل قادامعا ءالى دايىن ەمەس. سونىمەن قاتار، ول قازاقستانداعى سالىقتىق جۇكتەمە شىن مانىندە جوعارى ەمەس ەكەنىن اتاپ ءوتتى.
