تالعار اۋدانىنىڭ ەكس-شەنەۋنٸكتەرٸ 2017 جىلدان 2019 جىلدىڭ ارالىعىندا ەۋەجاي ماڭىنداعى قىزىلتۋ اۋىلىنىڭ سىرتىنداعى جەردٸ مەملەكەت يەلٸگٸنەن زاڭسىز الىپ, كەيٸن پايدا تابۋ ماقساتىمەن ساتقانى ٷشٸن ايىپتى دەپ تانىلىپ, تٷرلٸ مەرزٸمگە بوستاندىعىنان ايىرىلدى.
ولارعا قىزمەت ٶكٸلەتٸن تەرٸس پايدالانۋ, لاۋازىم ٶكٸلەتٸن نەمەسە بيلٸكتٸ اسىرا پايدالانۋ, الاياقتىق باپتارى بويىنشا ايىپتار تاعىلدى.
Informburo باسىلىمىنىڭ حابارلاۋىنشا, تالعار اۋدانى سوتىنىڭ 2022 جىلعى 10 ماۋسىمداعى ٷكٸمٸمەن تالعار اۋدانى ەكٸمدٸگٸ سەۋلەت جەنە قالا قۇرىلىسى بٶلٸمٸنٸڭ بۇرىنعى باستىعى مارات رىسپەكوۆ 6 جىلعا, اۋدان ەكٸمدٸگٸ جەر قاتىناستارى بٶلٸمٸنٸڭ بۇرىنعى باستىعى ماقسات تىنىباي 6 جىل 3 ايعا, پانفيلوۆ اۋىلدىق وكرۋگٸنٸڭ بۇرىنعى ەكٸمٸ نۇرعالي اپپازوۆ 8 جىلعا, پانفيلوۆ اۋىلدىق وكرۋگٸ ەكٸمٸنٸڭ بۇرىنعى ورىنباسارى قۇرمانحان عاليەۆا 5 جىلعا بوستاندىعىنان ايىرىلدى.
تالعار اۋدانى ەكٸمدٸگٸ جەر قاتىناستارى بٶلٸمٸ باستىعىنىڭ مٸندەتٸن اتقارعان مادييار قادىرجان قازاقستان تەۋەلسٸزدٸگٸنٸڭ 30 جىلدىعىنا وراي جارييالانعان راقىمشىلىق اياسىندا جازادان بوساتىلدى.
سوت وسى ادامداردىڭ بارلىعىن مەملەكەتتٸك قىزمەت اتقارۋ قۇقىعىنان ٶمٸر بويىنا ايىردى. سوت ٷكٸمٸ ەلٸ كٷشٸنە ەنگەن جوق.
2019 جىلعى 27 جەلتوقساندا Bek Air ەۋە كومپانيياسىنىڭ الماتىدان نۇر-سۇلتان قالاسىنا ۇشىپ شىققان Fokker 100 جولاۋشى ۇشاعى اپاتقا ۇشىراعان. ۇشاقتا 98 ادام (بەسەۋٸ – ەكيپاج مٷشەسٸ) بولعان. اپات سالدارىنان 12 ادام قايتىس بولدى, 69 ادام جاراقات الدى.
قازاقستان بيلٸگٸ 2020 جىلعى قاڭتاردا Bek Air ەۋە كومپانيياسىنىڭ ەكسپلۋاتانت سەرتيفيكاتى مەن ۇشۋعا جارامدىلىعى تۋرالى سەرتيفيكاتتارىنىڭ كٷشٸن توقتاتتى.
ەۋە كومپانيياسى ٶكٸلدەرٸ ەۋەجاي ماڭىنا سالىنعان قۇرىلىس بولماعاندا ادام شىعىنى بولماس ەدٸ دەپ مەلٸمدەدٸ.
2020 جىلى الماتى وبلىسىنىڭ جەمقورلىققا قارسى قىزمەتٸ ۇشاق اپاتىنا بايلانىستى قىلمىستىق ٸسپەن قوسا تالعار اۋدانى ەكٸمدٸگٸ شەنەۋنٸكتەرٸنٸڭ ٷستٸنەن جەر تەلٸمدەرٸن زاڭسىز بەرۋ جەنە ولاردىڭ پايدالانۋ ماقساتىن زاڭسىز ٶزگەرتۋ فاكتٸلەرٸ بويىنشا ەكٸنشٸ قىلمىستىق ٸس قوزعادى.
بىلتىر سوت Bek Air جولاۋشى ۇشاعى اپاتقا ۇشىراعان الماتى قالاسى ەۋەجايى ماڭىنداعى جەردٸ پايدالانۋعا زاڭسىز بەرگەن دەگەن ايىپ تاعىلعان بۇرىنعى بەس شەنەۋنٸك پەن ريەلتوردى ايىپتى دەپ تانىپ, ٷكٸم شىعارعان. ٷش ادامنىڭ بوستاندىعى ٷش جىلعا شەكتەلٸپ, قالعاندارى 2,5 جىلدان 4 جىلعا دەيٸنگٸ مەرزٸمگە بوستاندىعىنان ايىرىلعان.
