6 قاڭتارداعى جاعداي بويىنشا جەكەمەنشىك مەكتەپتەردى قارجىلاندىرۋعا جۇرگىزىلگەن اۋديت ناتيجەسىندە 789 ءبىلىم بەرۋ ۇيىمىمەن جالپى سوماسى 78،7 ملرد تەڭگەگە كەلىسىمشارت جاسالعانى بەلگىلى بولدى، دەپ حابارلايدى Dalanews.kz.
الايدا بۇعان دەيىن بيۋدجەتتەن قارجى الىپ كەلگەن 206 جەكەمەنشىك مەكتەپ بەلگىلەنگەن تالاپتارعا ساي كەلمەگەن.
تەكسەرۋ بارىسىندا ءبىرقاتار جۇيەلى زاڭبۇزۋشىلىقتار انىقتالعان.
اتاپ ايتقاندا:
- 1 333 وقۋشىنىڭ جىل ىشىندە 5-تەن 12 رەتكە دەيىن «انومالدى» اۋىسۋى تىركەلگەن؛
- بالالار مەن مۇعالىمدەردى ەكى رەت ەسەپكە الۋ دەرەكتەرى انىقتالعان؛
- 64 مەكتەپتە جوبالىق قۋاتتىلىق ەكى ەسەدەن استام ارتتىرىلعان؛
- 167 مەكتەپ 2024 جىل بويىنشا تابىسى جونىندە ەسەپ تاپسىرماعان. ەسكەرتۋلەردەن كەيىن ولار 1،2 ملرد تەڭگە سالىق تولەگەن، ال 46 ءبىلىم بەرۋ ۇيىمىندا قارسى تەكسەرۋلەر باستالعان.
كەڭەس قورىتىندىسى بويىنشا پرەمەر-مينيستر ولجاس بەكتەنوۆ جاعدايدى تۇزەتۋگە باعىتتالعان ناقتى ۇسىنىستار ازىرلەۋ جۇمىسىن ۇيلەستىرۋدى ۆيسە-پرەمەر ايدا بالايەۆاعا تاپسىردى. ۇسىنىستار ءبىر اپتانىڭ ىشىندە ەنگىزىلۋى ءتيىس.
