6 qańtardaǵy jaǵdai boiynsha jekemenshik mektepterdi qarjylandyrýǵa júrgizilgen aýdit nátijesinde 789 bilim berý uiymymen jalpy somasy 78,7 mlrd teńgege kelisimshart jasalǵany belgili boldy, dep habarlaidy Dalanews.kz.
Alaida buǵan deiin biýdjetten qarjy alyp kelgen 206 jekemenshik mektep belgilengen talaptarǵa sai kelmegen.
Tekserý barysynda birqatar júieli zańbuzýshylyqtar anyqtalǵan.
Atap aitqanda:
- 1 333 oqýshynyń jyl ishinde 5-ten 12 retke deiin «anomaldy» aýysýy tirkelgen;
- balalar men muǵalimderdi eki ret esepke alý derekteri anyqtalǵan;
- 64 mektepte jobalyq qýattylyq eki eseden astam arttyrylǵan;
- 167 mektep 2024 jyl boiynsha tabysy jóninde esep tapsyrmaǵan. Eskertýlerden keiin olar 1,2 mlrd teńge salyq tólegen, al 46 bilim berý uiymynda qarsy tekserýler bastalǵan.
Keńes qorytyndysy boiynsha premer-ministr Oljas Bektenov jaǵdaidy túzetýge baǵyttalǵan naqty usynystar ázirleý jumysyn úilestirýdi vitse-premer Aida Balaevaǵa tapsyrdy. Usynystar bir aptanyń ishinde engizilýi tiis.
