شىعىس قازاقستان وبلىسىنداعى اۋدانداردىڭ بٸرٸندە مەكتەپتەگٸ زاڭسىزدىق انىقتالدى. ٶڭٸردەگٸ بٸلٸم بەرۋ مەكەمەلەرٸندە بۇرىن سوتتى بولعان ادامدار جۇمىس ٸستەپ كەلگەن. تٸپتٸ ونىڭ بٸرەۋٸ - مۇعالٸم, - دەپ حابارلايدى Dalanews.kz.
بۇل جاعداي سامار اۋدانىندا بولعان. اۋدان پروكۋراتۋراسى مەلٸمەتٸنشە, قىلمىستىق تاريحى بار ادامدار مەكتەپتە ەركٸن جۇمىس ٸستەپ جٷرگەن.
وسىلايشا ەڭبەك كودەكسٸنٸڭ 26-بابى 2-تارماعىنىڭ 3-تارماقشاسى بۇزىلعان.
"اۋداندىق مەكتەپتە بۇرىن قاساقانا قىلمىستىق قۇقىقبۇزۋشىلىق جاساعانى ٷشٸن قىلمىستىق جاۋاپكەرشٸلٸككە تارتىلعان مۇعالٸم مەن 2 كٷزەتشٸ جۇمىس ٸستەدٸ. سونداي-اق, پسيحياترييالىق اقاۋىنا بايلانىستى "د" ەسەبٸندە تۇرعان 1 ادام (كٶمەكشٸ قىزمەتشٸ) جۇمىس ٸستەگەن", - دەپ جازىلعان شىعىس قازاقستان وبلىسىنىڭ پروكۋراتۋراسى مەلٸمەتٸندە.
بۇل ادامدارمەن اراداعى ەڭبەك شارتتارى بۇزىلدى, كٸنەلٸ لاۋازىمدى ادامدار تەرتٸپتٸك جاۋاپكەرشٸلٸككە تارتىلدى.
زاڭنامادا كٶزدەلگەن شەكتەۋلەرٸ بار پەداگوگتٸڭ كەسٸبي قىزمەتٸنە رۇقسات بەرگەنٸ ٷشٸن مەكتەپ باسشىسى 25 اەك مٶلشەرٸندە ايىپپۇل تٷرٸندە ەكٸمشٸلٸك جاۋاپكەرشٸلٸككە تارتىلدى. ال 25 اەك دەگەنٸمٸز - 92 مىڭ تەڭگە.
