Shyǵys Qazaqstan oblysyndaǵy aýdandardyń birinde mekteptegi zańsyzdyq anyqtaldy. Óńirdegi bilim berý mekemelerinde buryn sotty bolǵan adamdar jumys istep kelgen. Tipti onyń bireýi - muǵalim, - dep habarlaıdy Dalanews.kz.
Bul jaǵdaı Samar aýdanynda bolǵan. Aýdan prokýratýrasy málimetinshe, qylmystyq tarıhy bar adamdar mektepte erkin jumys istep júrgen.
Osylaısha Eńbek kodeksiniń 26-baby 2-tarmaǵynyń 3-tarmaqshasy buzylǵan.
"Aýdandyq mektepte buryn qasaqana qylmystyq quqyqbuzýshylyq jasaǵany úshin qylmystyq jaýapkershilikke tartylǵan muǵalim men 2 kúzetshi jumys istedi. Sondaı-aq, psıhıatrıalyq aqaýyna baılanysty "D" esebinde turǵan 1 adam (kómekshi qyzmetshi) jumys istegen", - dep jazylǵan Shyǵys Qazaqstan oblysynyń prokýratýrasy málimetinde.
Bul adamdarmen aradaǵy eńbek sharttary buzyldy, kináli laýazymdy adamdar tártiptik jaýapkershilikke tartyldy.
Zańnamada kózdelgen shekteýleri bar pedagogtiń kásibı qyzmetine ruqsat bergeni úshin mektep basshysy 25 AEK mólsherinde aıyppul túrinde ákimshilik jaýapkershilikke tartyldy. Al 25 AEK degenimiz - 92 myń teńge.
