قازاقستان پرەمەر-مينيسترى ولجاس بەكتەنوۆ دەپۋتاتتىق سۇراۋ سالۋعا جاۋاپ بەرىپ، قاتتى تۇمان كەزىندە وقۋشىلاردى قاشىقتان وقىتۋعا كوشىرۋ قانداي جاعدايدا مۇمكىن ەكەنىن ءتۇسىندىردى، دەپ حابارلايدى Dalanews.kz.
بۇرىن سەنات دەپۋتاتى ولگا بۋلاۆكينا ءوز دەپۋتاتتىق سۇراۋىندا ءبىلىم مينيسترلىگىنىڭ بۇيرىقتارى قولايسىز مەتەوجاعدايلار كەزىندە، زياندى زاتتاردىڭ شەكتى رۇقسات ەتىلگەن كونسەنتراسياسىنان اسىپ كەتكەندە، ءبىلىم بەرۋ ۇيىمدارىن قاشىقتان وقىتۋعا كوشىرۋدى رەتتەمەيتىنىن ايتقان ەدى.
بۋلاۆكينا پرەمەر-مينيستر ولجاس بەكتەنوۆكە دەپۋتاتتىق سۇراۋ جولداپ، مەكتەپتەردە، كوللەدجدەردە جانە جوعارى وقۋ ورىندارىندا قاشىقتان وقىتۋدى قولايسىز جاعدايلار كەزىندە ءبىلىم بەرۋ باعدارلامالارىن ىسكە اسىرۋدىڭ رەسمي فورمالارىنىڭ ءبىرى رەتىندە بەكىتۋىن سۇراعان.
«سونىمەن قاتار، نمۋ ەكىنشى جانە ءۇشىنشى دارەجەسى ەنگىزىلگەندە جانە زياندى زاتتاردىڭ شەكتى رۇقسات ەتىلگەن كونسەنتراسياسىنان ءۇش ەسە كوپ بولعان جاعدايدا، اتقارۋشى ورگاندار وقۋشىلار مەن ستۋدەنتتەردى ولاردىڭ دەنساۋلىعىن قورعاۋ ءۇشىن قاشىقتىقتان وقىتۋ فورماتىنا كوشىرۋ تۋرالى شەشىم قابىلداۋعا قۇقىلى»، – دەلىنگەن دەپۋتاتتىق ساۋالدا.
سونىمەن قاتار، ولجاس بەكتەنوۆ سۇراۋعا بەرگەن جاۋابىندا، قاشىقتان وقىتۋ زاڭ بويىنشا رەسمي بەكىتىلگەن ءبىلىم الۋ فورماسى ەكەنىن جانە سايكەس بۇيرىقپەن رەتتەلەتىنىن مالىمدەدى.
«قاشىقتان وقىتۋ فورماتى قولايسىز مەتەورولوگيالىق جاعدايلاردا، توتەنشە جاعدايلاردا، شەكتەۋ شارالارى كەزىندە، مەديسينالىق كورسەتكىشتەر بويىنشا، اتا-انالاردىڭ ءوتىنىشى بويىنشا نەمەسە باسقا دا نەگىزدەر بويىنشا قولدانىلادى.
وسىلايشا، قولايسىز مەتەورولوگيالىق جاعدايدىڭ ەكىنشى جانە ءۇشىنشى دارەجەسى كەزىندە، سونداي-اق زياندى زاتتاردىڭ شەكتى رۇقسات ەتىلگەن كونسەنتراسياسىنان ءۇش ەسە اسىپ كەتكەن جاعدايدا جەرگىلىكتى اتقارۋشى ورگاندار وقۋشىلاردى دەنساۋلىعىن قورعاۋ ماقساتىندا قاشىقتان وقىتۋعا كوشىرۋ تۋرالى شەشىم قابىلداۋعا قۇقىلى»، – دەدى پرەمەر-مينيستر.
