اتىراۋلىق رۋسلان تٶلەگەنوۆ قازاقستاننىڭ ۇلتتىق سپورت كٶكپار فەدەراتسيياسىنىڭ ۇيىمداستىرۋ جۇمىسىنا كٶڭٸلٸ تولمايتىنىن ايتىپ, ەلەۋمەتتٸك جەلٸدە جازبا جارييالادى, دەپ حابارلايدى dalanews.kz.
ونىڭ سٶزٸنشە, اتىراۋ وبلىسىنىڭ كٶكپار فەدەراتسيياسى ماجارستان قۇراماسىن اتپەن قامتاماسىز ەتۋ ٷشٸن 12 جىلقىنى جەتكٸزگەن.
«اتىراۋ وبلىسىنىڭ كٶكپار فەدەراتسيياسىنان ماجارستان قۇراماسىن قامتاماسىز ەتۋ ٷشٸن 12 ات الىپ كەلدٸك. 3 مىڭ شاقىرىمنان استام جول جٷردٸك. بۇل وڭاي جٷرٸس ەمەس بٸلگەنگە. اتپەن بٸرگە جولدىڭ ماشاقاتى, شىعىنى, جاۋاپكەرشٸلٸگٸ بار», – دەپ جازدى رۋسلان تٶلەگەنوۆ.
الايدا ول مۇنداي ەڭبەكتٸڭ ۇيىمداستىرۋشىلار تاراپىنان ەسكەرٸلمەگەنٸن العا تارتتى. تٶلەگەنوۆتٸڭ ايتۋىنشا, اتىراۋدان كەلگەن دەلەگاتسييا مٷشەلەرٸنە بەيدجيكتەر دە دايىندالماعان. سونىمەن قاتار ولار كٶكپار ويىندارىن تاماشالاۋ ٷشٸن بيلەت الا الماعان.
«اتىراۋدان كەلگەن دەلەگاتسيياعا دىم جوق. بەيدجيك جوق. بيلەت جوق. كٶكپار كٶرۋگە مٷمكٸندٸك جوق. جٷزدەگەن قازاق يپپودرومنىڭ سىرتىندا قالدى», – دەيدٸ ول.
سونداي-اق جازبا اۆتورى باسقا ەلدەردەن كەلگەن دەلەگاتسييالاردىڭ ۇيىمشىلدىعىنا نازار اۋدارىپ, قازاقستاندىق تاراپتاعى كەمشٸلٸكتەردٸ سىنعا الدى.
«ەڭ ٶكٸنٸشتٸسٸ – باسقا ەلدەردٸڭ دەلەگاتسييالارىنا قاراپ قىزىعاسىڭ. ۇيىمشىل. بٸر-بٸرٸن قولدايدى. بٸر كوماندا بولىپ جٷر. ال بٸزدە باياعى ەدەت. بٶلٸنۋ. ٶز ادامىڭدى عانا ويلاۋ. ٶزارا بٶلٸسۋ», – دەپ جازدى تٶلەگەنوۆ.
ول اتىراۋ وبلىسىنان كەلگەن دەلەگاتسييا ەشقانداي ارتىقشىلىق سۇراماعانىن, تەك قۇرمەت كٶرسەتٸلەدٸ دەپ كٷتكەنٸن ايتتى.
«اتىراۋ وبلىسى ماجارستان قۇراماسىنا 12 اتپەن, 3 مىڭ شاقىرىم جول جٷرٸپ كەلدٸ. بٸز ەشكٸمنەن ارتىقشىلىق سۇراعان جوقپىز. ەڭ بولماسا, ادام رەتٸندە قۇرمەت كٶرسەتۋدٸ كٷتتٸك», – دەدٸ ول.
جازبا سوڭىندا رۋسلان تٶلەگەنوۆ ۇلتتىق سپورتتى دامىتۋ ەڭ الدىمەن ونى ساپالى ۇيىمداستىرۋدان باستالۋى كەرەك ەكەنٸن اتاپ ٶتتٸ.
«ۇلتتىق سپورتتى دامىتۋ دەگەن ەدەمٸ كوستيۋم كيٸپ, بەيدج تاعىپ, مٸنبەردە سۋرەتكە تٷسۋ ەمەس. ۇلتتىق سپورتقا شىن جاناشىر بولساڭدار, ونى ەڭ الدىمەن دۇرىس ۇيىمداستىرۋدان باستاڭدار!» – دەپ تٷيٸندەدٸ ول.
