اتىراۋدا وتباسى مٷشەلەرٸن ٶلتٸردٸ دەپ ايىپتالعان سۇلتان سەرسەمەليەۆكە قاتىستى سوت باستالدى, دەپ حابارلايدى dalanews.kz.
سۇلتان سەرسەمەليەۆ ەيەلٸنٸڭ اتا-اناسىن, سونداي-اق قايىن ٸنٸلەرٸ مەن قايىن سٸڭلٸلەرٸن ٶلتٸردٸ دەپ ايىپتالىپ وتىر.
ٸس اشىق فورماتتا قارالىپ جاتىر. سوت وتىرىسىنا سۋديا زارەما حاميدۋللينا تٶراعالىق ەتٸپ جاتىر.
ەسكە سالايىق, بۇعان دەيٸن سۇلتان سەرسەمەليەۆكە قاتىستى سوتقا دەيٸنگٸ تەرگەۋ اياقتالعان ەدٸ. وعان قىلمىستىق كودەكستٸڭ 99-بابى 2-بٶلٸگٸ 1-تارماعى بويىنشا (“ەكٸ نەمەسە ودان دا كٶپ ادامدى ٶلتٸرۋ”), سونداي-اق مال ساتۋ مەن بانك كارتالارىن جىمقىرۋ فاكتٸلەرٸ بويىنشا 188 جەنە 190-باپتارىمەن ايىپ تاعىلعان.
ايتا كەتەيٸك, اتىراۋ وبلىسى جاڭگەلدين اۋىلىندا تۇراتىن وتباسى 2025 جىلدىڭ سوڭىندا بەلگٸسٸز جاعدايدا جوعالىپ كەتكەن. 2026 جىلعى 6 قاڭتاردا شارۋاشىلىق قوراسىنان وتباسى يەسٸ ماقسوت قارابالين مەن ونىڭ جۇبايى نەسٸپ ٶتەشقاليەۆانىڭ مەيٸتتەرٸ تابىلعان. كەيٸن ولاردىڭ دەنەسٸندە پىشاق جاراقاتى بولعانى انىقتالدى.
تەرگەۋ دەرەكتەرٸنە سەيكەس, ناۋرىز مۇقانعاليەۆ 2025 جىلدىڭ مامىر ايىندا كٶز جۇمعان. ال وتباسىنىڭ تاعى ٷش مٷشەسٸ – وتاعاسى, جۇبايى جەنە قىزى قاراشا ايىندا قايتىس بولعان.
9 قاڭتاردا مارقۇمداردىڭ كٷيەۋ بالاسى سۇلتان سەرسەمەليەۆكە ٸزدەۋ جارييالانعانى بەلگٸلٸ بولدى. سول كەزدە قازا تاپقانداردىڭ قىزى اقبايان مۇقانعاليەۆاعا دا كٷدٸكتٸ مەرتەبەسٸ بەرٸلگەن ەدٸ.
كەيٸنٸرەك, 24 اقپاندا سەرسەمەليەۆ پەن مۇقانعاليەۆانىڭ يندونەزيياداعى لومبوك ارالىنداعى سەنارۋ اۋىلىندا ۇستالعانى حابارلاندى. ناۋرىز ايىندا ولار اتىراۋعا جەتكٸزٸلدٸ.
ودان سوڭ پوليتسييا قىزمەتكەرلەرٸ سۇلتان سەرسەمەليەۆتٸ قىلمىس بولعان ٷيگە اپارىپ, تەرگەۋ ەكسپەريمەنتٸن جٷرگٸزگەن. كٷدٸكتٸ سول جەردە قىلمىستى قالاي جاساعانىن كٶرسەتٸپ, تەرگەۋشٸلەردٸڭ سۇراقتارىنا جاۋاپ بەرگەن.
وقي وتىرىڭىز:
اتىراۋداعى بٸر وتباسىنىڭ قازاسى: اقبايان مۇقانعاليەۆاعا قاتىستى جاڭا دەرەك بەلگٸلٸ بولدى
